MAITALA 18:13 - Bibilia Kui Mdedie fo Kimochi

¹³ Shilimu shose sha kuwoka sha ndunda njiwiri tsa mademenyi hawo sa wechinjiendie inyi, tsechiwa tsapfo. Orio mndu alaterefukie o ipfo mbaṟinyi yapfo neidima ikuliia.

MAITALA 18:13 ပူးပေါင်းရင်းမြစ်များ

2WAMANGI 4:42

Ngoseṟa kukacha mndu umu awuka Baal-shalisha, kaendie mndu o Ruwa kelya kya kuwoka, mkate makumi hawi ya “Shayiri” na mahaa ha Ngano njiwishi ikunyia pacha, Elisha kawawasa, “Inenga wandu walye.”

2MBONYI TSA MAHERI 31:5

Wuwawaso wo womewuto wandu wa Israeli wakawuta shiano shifoi sha mademenyi sha Ngano njicha, mvinyo, mafuda, wuki, na shindo shingi sha mbaṟi tsifoi sha mademenyi, na kenga kya ikumi kya orio kindo.

IWUKA 22:29

Kulakeleo injiendie mwano ya ndema lyapfo ya kuwoka ya Ngano na mvinyo, na mafuda ha msinefu. Na nochinjiendie wana wapfo wakisoṟo wawee.

IWUKA 23:19

Shakuwoka sha ipfo msengonyi ya oruka lopfo nochishiende na mmbenyi ya Mndumii-Ruwa opfo. Kulakoṟe kidahina kiidi kya maruwa ha mae.

IWUKA 34:26

“Shilimu sha kuwoka sha orukenyi lopfo nochishiende noshiwike mmbenyi ya Mndumii-Ruwa opfo. Kulakoṟe kidahina handu hamu na maruwa ha mae.”

YEREMIA 24:2

Kikunja kimu kiwewode mkuyu njicha mnu cha kiheri kesambuo mkuyu ya kuwoka. Kikunja kya kawi kiwewode mkuyu njiwicho mnu tsilechiwa ma iliyo.

EZEKIELI 44:30

Ambuya ndunda tsa kuwoka tsa mdemenyi fopfo na tsa orio kindo na shidaso sho shapfo shose nyi shechiwa sha wakohanyi. Kingise nyi ochiende kelya kyapfo kya kuwoka kya mso ko wakohanyi kundu mba tsanu tsihende iwikio mboṟa.

HOSEA 9:10

Mndumii-Ruwa nyi ahamba le; kiherikyo njilekoya Waisraeli, nyi wawei cha msabibu fuwedoye kundu ko nuka; Kiheri kyo njilekoyana na waku wanu, wawei cha mbeu ya kuwoka ya mashidi ha msinepfu , kyaindi kiheri waleshika Baal-peori, wakalya mma yeindia Baali. Wakawa kindo kisuikie cha kindokyo walekikunda.

WALEWI 22:7

Mnengeṟi fukameolokia nlyondi echiwa mheṟemtsu. Kombuka oo neidima ilya shelya shiele kipfa ikyo nyi kelya kyake.

WALEWI 23:17

Orio kishari kechiende mkate iwi walekie mwano fo kichano oshangunyi loko Inyi Mndumii-Ruwa. Orio mkate kiwaṟi fusungusio fo shilo shiwi sha mso mmamiri fumbike kitarang'asha; nafo mochinjiendie Inyi Mndumii-Ruwa, fui nyi wuleki wonu wo kilimu kya kuwoka.

MIKA 7:1

Ochia loko! Chandu kii wulalu, kifanani cha ili wandu wamaa isambuo; kuwode ndunda tsakuwoka njitsilangie pfo. Nyi cha kiheri kyehaa zabibu, kuwode ma kidingo kimu kya zabibu kelyapfo!

NGUMBUO YA MAWAWASO 18:4

Mochiwainenga ohawi lo kuwooka shilimu shanu sha mso, mvinyo, mafuda hanu na mberi tsa kuwooka tsa machondi hanu.

NGUMBUO YA MAWAWASO 26:2

shilimu sha kuwoka maata ochisambuo ipfo orukenyi Mndumii-Ruwa, Ruwa onu; nochiwika kikunjenyi noshiende na alya handu Mndumii-Ruwa, Ruwa onu asambuṟie hawe handu hake hekaa.