MAITALA 18:12 - Bibilia Kui Mdedie fo Kimochi

¹² “Ngakuinenga shindo shose shicha shii sha kuwoka shiwukie mademenyi ha Waisraeli wekenjiinenga: mafuda mecha, mvinyo na mso.

MAITALA 18:12 ပူးပေါင်းရင်းမြစ်များ

MAWOOKIONYI 27:28

Ruwa nakuinenge sha mlewi fo ruwehu, Na sha wunoru wo orukenyi, Na mfoeṟa fo Ngano na mpfinyo.

2WAMANGI 4:42

Ngoseṟa kukacha mndu umu awuka Baal-shalisha, kaendie mndu o Ruwa kelya kya kuwoka, mkate makumi hawi ya “Shayiri” na mahaa ha Ngano njiwishi ikunyia pacha, Elisha kawawasa, “Inenga wandu walye.”

2MBONYI TSA MAHERI 31:5

Wuwawaso wo womewuto wandu wa Israeli wakawuta shiano shifoi sha mademenyi sha Ngano njicha, mvinyo, mafuda, wuki, na shindo shingi sha mbaṟi tsifoi sha mademenyi, na kenga kya ikumi kya orio kindo.

SHIIMBO SHA DAWIDI 147:14

Nyio ekewika ofoṟo ipfo mṟasenyi yapfo, ekekuihutsa kui wunoru wo Ngano.

SHIIMBO SHA DAWIDI 81:16

Ee-da, njiwechiwalisa unoru wo Ngano; mbechiwaihutsa wuki wuwukie kiidi kya iṟaṟa.”

IWUKA 22:29

Kulakeleo injiendie mwano ya ndema lyapfo ya kuwoka ya Ngano na mvinyo, na mafuda ha msinefu. Na nochinjiendie wana wapfo wakisoṟo wawee.

IWUKA 23:19

Shakuwoka sha ipfo msengonyi ya oruka lopfo nochishiende na mmbenyi ya Mndumii-Ruwa opfo. Kulakoṟe kidahina kiidi kya maruwa ha mae.

IWUKA 34:26

“Shilimu sha kuwoka sha orukenyi lopfo nochishiende noshiwike mmbenyi ya Mndumii-Ruwa opfo. Kulakoṟe kidahina handu hamu na maruwa ha mae.”

EZEKIELI 44:30

Ambuya ndunda tsa kuwoka tsa mdemenyi fopfo na tsa orio kindo na shidaso sho shapfo shose nyi shechiwa sha wakohanyi. Kingise nyi ochiende kelya kyapfo kya kuwoka kya mso ko wakohanyi kundu mba tsanu tsihende iwikio mboṟa.

WALEWI 2:12

Shindoshi mochiseheṟia Mndumii-Ruwa ke nyi shisonguo; kyaindi shilawiko huya rasio nyi opfaamo luchihiṟie.

WALEWI 2:14

“Na iyo ko koya noinenga Mndumii-Ruwa, mwano fo mso fo shilimu sha kuwooka sha mdeminyi nochilekia Ngano yo ii mahaenyi hayo hamakoṟe na modo, Ngano injihuo ya mahaa mawishi, nyiyo ochilekia shiwe mwano fo mso fo shilimu shapfo sha kuwoka sha mdeminyi.

WALEWI 23:17

Orio kishari kechiende mkate iwi walekie mwano fo kichano oshangunyi loko Inyi Mndumii-Ruwa. Orio mkate kiwaṟi fusungusio fo shilo shiwi sha mso mmamiri fumbike kitarang'asha; nafo mochinjiendie Inyi Mndumii-Ruwa, fui nyi wuleki wonu wo kilimu kya kuwoka.

WALEWI 23:20

Mkohanyi nechishiitsa oshangunyi loko Inyi Mndumii-Ruwa, shiwe mwano folekia fo kichano handu hamu na mkate fo shilimu sha kuwoka na shisuwa shilya shiwi. Shindosho shii shiele ko Mndumii-Ruwa. Nasho shechilio nyi wakohanyi tupu.

NGUMBUO YA MAWAWASO 18:3

“Na iki kechiwa wusumhanyi wo Wakuhanyi kuwuka ko wandu wailekia mwano iwe nyi mmbe ang'u machondi; wechiinenga mkohanyi kudende ko kusonguo, mahundu na maula.

NGUMBUO YA MAWAWASO 18:4

Mochiwainenga ohawi lo kuwooka shilimu shanu sha mso, mvinyo, mafuda hanu na mberi tsa kuwooka tsa machondi hanu.

NGUMBUO YA MAWAWASO 26:2

shilimu sha kuwoka maata ochisambuo ipfo orukenyi Mndumii-Ruwa, Ruwa onu; nochiwika kikunjenyi noshiende na alya handu Mndumii-Ruwa, Ruwa onu asambuṟie hawe handu hake hekaa.

NGUMBUO YA MAWAWASO 32:14

Nalewainenga mafuda ha msika na maruwa ha mmbe na mburu, mapo ha machondi mecha, mburu na mmbe, Kawainenga Ngano njicha mnu na kamu, na mvinyo mcha kota ingi yose wakanyo.”