MAITALA 16:5 - Bibilia Kui Mdedie fo Kimochi

⁵ Naho kawia Kora na wandu wake, “Ngama ngamenyi, Mndumii-Ruwa nechiloṟa ke nyiu ai oke na nyiu ai mwele na icho echimsambuṟa, nechimwidimisha isembelia rasionyi.

MAITALA 16:5 ပူးပေါင်းရင်းမြစ်များ

SHIIMBO SHA DAWIDI 105:26

Kaduma Mose, mṟundi oke, na Aronyi msa alemsambuṟa.

SHIIMBO SHA DAWIDI 115:10

Lanye mongo ya Aroni, kusirienyi Mndumii; o nyi mtarami onu na ngawo yanu.

SHIIMBO SHA DAWIDI 65:4

Nanga mndu ulya umsambuṟie; na imwitsa na mba kopfo. Luihude wucha wo mba yapfo, halya haele ha hekalu lyapfo.

IWUKA 28:1

“Na iyo ende manomayo Aroni hafui na inyi, handu hamu na wana wake, kiidi kya wana wa Waisraeli kundu najiṟundie iṟunda lya wukohanyi. Aroni, na Nadabu, na Abihu, na Elieseri, na Itamari wana wa Aroni.

IWUKA 28:41

Noṟike odoo Aroni na wana wo wake maṟaoho; nowashie mafuda, na iwawika kiidi kya iṟundalyi liele, na iwaheremtsa, wawuteho injiṟundia inyi iṟundenyi lya wukohanyi.

IWUKA 28:43

na Aroni na wana wake wechitsiṟaa, ili wechiida na ihemenyi lyesanzia ang'u ili wechicha na kufui na rasionyi injiṟundia kiidi kya handu haele, walashike ikudika wunyamari, wapfe; ili lyechiwa iwawaso lya mlungana koke o, na ko kishari kyake.”

YEREMIA 30:21

Msongoru owo nechiwa umu owo, mowaitoṟia nechiwuka kiidi kyawo. Njechimeende na afui nanjicheye; ee da, nyiu echikaria injisembelia kwi pfinya tsake, Nyi inyi Mndumii-Ruwa ngahamba.

YEREMIA 49:19

Chandu mwiso fokekusoromuo fuwuka ngeṟenyi ya meda fo Yordani na iida kiidi kya maṟa mecha, nyi wudo njechifuna Waedomu wawuke orukeni lowo faṟa. Na inyi njechiwikapfo msongoru icho njechimsambuṟa. Kipfa nyiu echiwa iṟinganyisho na inyi? Nyiu echiidima injianduya? Nyi mlisi uhya echiidima injiima.

YEREMIA 50:44

“Ambuya, inyi njechiwa cha mwiso fosoṟomoka ngeṟenyi ya meda fo Yordani na iida handu hawode kando kecha. Inyi Mndumii-Ruwa njechiwapuhutsa oweṟe wandu wake wawukie koke. Na inyi njechiwika pfo msongoru echiwaiṟinganyisho na inyi nyiu echiidima injiwada mondu? Nyi mlisi uhya echiidima injilema?

EZEKIELI 40:46

na kiṟiha ki kiambuye ora lo huye nyi kya wakohanyi walya wekeṟundia rasionyi. Wakohanyi wa nyi walya wa kishari kya Sadoki, iwa nyi kiidi kya wandu wa oshari lo Lewi wawode momu foida oshangunyi lo Mndumii-Ruwa.”

EZEKIELI 43:19

Kingise wakohanyi walya wa oshari lo Lewi na wawei wa kishari kya Sadoki, nyiwo wechicha oshangunyi loko wechinjiṟundia. Nyi wudo Inyi Mndumii-Ruwa ngahamba. Ambuya nyi ochiwainega ihache lya ipung'a nalyo nyi lyechiwa kidaso kewuta wunyamaṟi.

EZEKIELI 45:4

Kii kidi ora lu nyi lochiwa luele kunu orukenyi, nalo nyi mochilushimbuo luhende wa nyi lo wakohanyi wakeri iṟundia Mndumii-Ruwa kiidi kya mba yake. Handu ha wakohanyi nyi wechiwikapfo mba tsawo na oo handu hashimbuo nyi kochiwa kipfa kya mba yako.

WALEWI 10:3

Nahong'u Mose kawia Aroni, “Kindoki nyi kilya Mndumii adedie, kehamba, ‘Inyi njechiheṟemtso kiidi kya iwo waitikiria koko, na Inyi njechiichiko oshangunyi lo wanduwo wose.’” Aroni katsia sau.

WALEWI 8:2

“Ira Aroni, handu hamu na wana wake, na maṟao halya, na mafuda heshia, na pung'a ya kidaso kya wunyamaṟi, na masuwa hawi, na kikapu kya mkate ilantarang'ashe;

MALAKI 3:18

Nlyong'u mochiwuya na imanya wecha na wawicho na weṟundia Ruwa nyi waki na walamṟundia.”

MAITALA 16:3

Walekusanzia oshangunyi lo Mose na Aroni wakawawia, “Nyo mokuichika mnu mwidio! Wanduwa wose nyi wai waele na orio mndu kiidi kya wanduwa nai mwele, na Mndumii-Ruwa nai naso lose. Wulalu nki ili muikuhaluo wanene wa wandu wa Mndumii-Ruwa?”

MAITALA 16:6

Kyasia wikenyi mudi: ngamenyi, iyo na wandu wapfo, mochiira cheteso,

MAITALA 17:5

Ndichi ya mndu sa njechimsambuṟa yechioṟa. Nyi wudo njechidumbuo tapa teṟe mwichiwie fo Waisraeli fomununuwia.”

MAITALA 17:8

Ili lya ngama ngamenyi, Mose nalehenda ihemenyi lyesanzia. Nalekooyapfo ndichi ya Aroni o kishari kya Lewi, yameoṟa na ikumbia shimanja shamewaṟa shiwaṟo shakumbia ndunda njiwiri tsa mlozi.

YOHANE 15:16

Chi nyi mulenjisambuṟa inyipfo. Nyio inyi njilemsambuṟa nyo na imuduma mukuhendekye mochikumbya ndunda. Na shilya mokumbya sho shikae shilechisia, ili o Wande echimuenenga isho mochimterewa kui rina lyo lyako.

MAWUTO HA WASU 1:2

Itane mfiri fulya alewawasya wasu walya wake awasambuṟye kyando kyawo kui Mumuyo Mwele kadao huye.

MAWUTO HA WASU 1:24

Wakaterewa wakahamba, “Hoi-wo Mndumii, iyo uichi ngoo tsa wandu wose, keluloṟe nyi uhya-ho umsangye ipfo kiidi kya iwa wawi.

MAWUTO HA WASU 13:2

Nawo ili wawei wasanze wewikya Mndumii wuindi na ikuotoya Mumuyo Mwele kahamba, “Njiwiluyenyi Barnaba na Saulo wahende ipfo kiṟundyonyi ndewalahya.”

MAWUTO HA WASU 15:7

Koikikaa-ho mawesano hafoi Petro kakure kawawia, “Lanye womi wanawawama, nyo nawo muichi ke na mkonu iya ya kuwoka oo kiidi kyanu Ruwa nyi alewawasya dumbu lyako lyechitarama wandu wa mbaṟi njihenu wahende iicho ndumi ya sia ya okiio na iidikya.

MAWUTO HA WASU 22:14

Nao kahamba, “Ruwa o waku wadu nyi akusangye nomanye chila yake na iwona mhoṟotsu ulya na iicho ṟu liwukye dumbunyi lyake.

WAEFESO 2:13

Indi wulalu ipfo Kristo-hu Yesu, nyo ili kacha muwei wa kuleshe momecha wa afui kui samu ya Kristo.

2TIMOTEO 2:19

Kya indi kiwanja kitumhari kya Ruwa kiikiwanzi kihoṟoki nakyo kii-kiṟehie mṟeho fui mṟehie fuhambie, “Mndumii aichi wai wake,” na lingi, “Orio mndu ekesenda rina lya Mndumii nalekane na wumbafu.”

WAEBRANIA 12:14

Wingyenyi hamu na wose ikaa na ofoṟo na wuilisho, kipfa kulaipfo echiwona Mndumii alai mwilishe.

OTAMBAHALUO LO YOHANE 1:6

Kalutana so wumangi wo wukohanyi luṟundie Ruwa Ndee. Wutoṟi nyi wo Yesu Kristo na wukolonyi wo mlungana. Amenyi.

1SAMWELI 2:28

Kiidi kya shishari shose sha Waisraeli njilesambuṟaho Aroni na wa mba yake wawe wakohanyi wako; wanjiṟundie ipfo rasionyi lyako wadutsiepfo opfaamo waṟae kizibau oshangunyi loko. Ngainenga wandu wa mba ya ndeo shidaso shako sa Waisraeli walenjiendie shemaya modonyi.