MAITALA 16:14 - Bibilia Kui Mdedie fo Kimochi

¹⁴ Ngoseṟa ya isho, kuleluende na orukenyi luwode maruwa na wukipfo, manya kuleluhawia kyoṟa kya madema na madema ha msabibupfo. Noichi nochihaluo wanduwa shipfupfuṟe? Lochichapfo!”

MAITALA 16:14 ပူးပေါင်းရင်းမြစ်များ

IWUKA 22:5

Mndu kalisira demenyi, ang'u demenyi lyamsabibu kadapfo shuma shake, shikalya demenyi lya mndu ungi, nechitaa shindo shii shicha sha demenyi lyake amonyi ang'u sha msabibunyi yake.

IWUKA 23:10

Nochiwaya mbeu orukenyi lopfo ko maka iṟandaṟu na isambuo mwengeṟia fotso.

IWUKA 23:11

Kyaindi maka fo mfungade nochida teri isie moo na ifuda; wakiwawo maata wai kiidi kya wandu wapfo waidime ilya; na ikyo wechitsuhaṟa, mando ha ngeṟenyi haidime ikuliia. Na wudo ochiwuta demenyi lyapfo lya msabibu na demenyi lyapfo lya mtsinefu.

IWUKA 3:17

Na inyi ngahamba, Njechimudosa kuwuka kiidi kya matuuro ha Misri na imuduo orukenyi lo Mkanaani, na Mhiti, na Mwamori, na Mperizi, na Mhivi, na Myebusi, njechiwaduo orukenyi luichuo maruwa na wuki.

IWUKA 3:8

na inyi ngasoka njicheiwaashuo mawokonyi ha Wamisri. Njechiwawutapfo njiwadose kuwuka orukalo tane oruka lucha, na lusalari; oruka luichuo wuki na maruwa; oruka lo Mkanaani, na Mhiti, na Mwamori na Mperizi, na Mhivi, na Myebusi.

WALEWI 20:24

Kyaindi, ngamemaa imuwia, “Mochioṟa oruka lowo, Inyi ngamuinenga orukalo muluitoṟie, oruka luisoka maruwa na wuki.” Inyi nyio Mndumii-Ruwa, Ruwa onu njilemuletsana na mkambo ingi ya wandu.

MAITALA 13:27

Walewia Mose, “Luleshika orukenyi kuleluduma luhende iitichia; nyi oruka luwode wuki wufoi na maruwa hafoi na ili nyi indunda lyalo.

MAITALA 14:8

Kokoya Mndumii-Ruwa achihio kyaduso, nechiluduopfo na iluinenga orukalo luwode mfoeṟa fo maruwa na wuki.

MAITALA 20:5

A nki ili muleluwuta kulya Misri mukaluende na handuha hawicho hadi. Iya kuwode Nganopfo, manya makuyupfo, manya msabibupfo; manya makomamangapfo. Ma mṟinga fonyo kuwodepfo!”

WACHILI 16:21

Wafilisti wakambada, wakamtocha meso, wakamduo Gaza, wakampfunga ko pingu tsa aṟeṟa, na imwitika naṟunde iṟunda lyesaa mso ipfo kipfungonyi.

1SAMWELI 11:2

Kyaindi Nahashi kawawia, “Njechiidikiana nanyo ko kindo kimu ke njechikuṟuo orio umu onu riso lyake lya kulyo, na kudo njechisutsa Waisraeli wose.”