MAITALA 15:3 - Bibilia Kui Mdedie fo Kimochi

³ mkanjiinenga mwano inyi Mndumii-Ruwa fuwuka mfiṟihenyi yanu ya shuma, kidaso kekoṟa ang'u mwano, kundu mndu naawutsie kyasa kyake aleteṟia, ang'u ilekia mwano fo nnga ang'u mwano fo kiheri kya mfiri mnene yanu injiteṟie, na isungusia opfaamo lucha lunjichihiṟie inyi Mndumii-Ruwa,

MAITALA 15:3 ပူးပေါင်းရင်းမြစ်များ

MAWOOKIONYI 8:21

Mndumii-Ruwa kaicho opfamo lumchihiṟie, kahamba mrimenyi, “Njechisesa-se oruka numa ya ishi kipfa kya mndu o wandu-pfo kipfa mahio ha mrimenyi fo mndu o wandu, nyi hamawicho wokia wurika woke, manya njechikapa-se numa ya ishi orio kindo kii na moo chando njilewuta-pfo.

EZRA 7:17

Fesa i nowute nayo necha ko wuṟahari wung'anyi uhuṟe mapung'a, masuwa, shidahina sha machondi na shidaso sha mso na mvinyo, uhende shiwuta ipfo rasionyi lya Mndumii-Ruwa onu ipfo Yerusalemu.

SHIIMBO SHA DAWIDI 54:6

Kui mrima fukunyiiṟye njechiwuta kidaso; hoi mndumii, njechiadapfuma rina lyapfo, kipfa lilicha.

IWUKA 29:18

Na iyo nokoṟe ichondilyo lyose huya rasio lyisenekie; nyi kidaso kemaya modonyi kipfa kya Mndumii-Ruwa; nyi opfaamo lucha, kidaso kileinengo Mndumii-Ruwa kui njia ya modo.

IWUKA 29:25

Numa noire shindoshi mawokonyi hawo, noshirumatse rasionyi, huya kidaso kilya kemaya modonyi, shiwe opfamo lucha oshangunyi lo Mndumii-Ruwa; nyi kidaso kikiseheṟe ko Mndumii-Ruwa, kui njia ya modo.

IWUKA 29:41

Na ichondilyo lya kawi nochishinja kiheri kya kyukanyi, nowewuta kudo cha kidaso kilya kya mso kya ngamenyi, na cha kidaso kilya kya kindo kenyo, kiwe opfamo lucha, nyi odambiko loinenga Mndumii-Ruwa kui njia ya modo.

WALEWI 10:13

Nanyo mochiilia kiidi kya handu haele, kyamba nyi kiinengo kyapfo, na kya wana wapfo, kiidi kya shidasosho shekesembeṟio Mndumii kui modo; kyamba nyi wudo njilewawasa.

WALEWI 27:2

“Wia Waisraeli kudi; Mndu kawika kiteṟio keinenga Mndumii-Ruwa mndu o wandu, mnducho neidima iawutsia kiteṟiokyo kyake kui itaa kiheo kya pesa chandu kikiteṟie:

WALEWI 7:16

Kyaindi kokoya kiinengoki kya kidaso kyake nyi kiasa, ang'u nyi kya nnga, yechilio mfirifo aende kidaso kyake, numa ikyo kechitsuhaa itane ili lya ngama kechilio,

MAITALA 28:27

Mochilekia mwano fokoṟa modonyi, mpfaamo mcha fuchihiṟie Mndumii-Ruwa: mapung'a matutu hawi, isuwa limu, na shisuwa mfungade sha maka fumu, shose shiwe shiheṟemtsu shilawode tewe.

MAITALA 29:8

Mochiinenga Mndumii-Ruwa kidaso kemaya modonyi, mpfaamo fochihiṟa Mndumii-Ruwa: ipung'a limu likoho, isuwa kimu, na shisuwa shitutu mfungade sha maka fumu. Shose shilawode tewe.

MAITALA 6:15

Nechilekiase kikapu kiichuo mkate ilanjiwike mtarang'ao; mandasi ha mso mmamiri na mafuda, na mkate nsise tsinjishie mafuda handu hamu na mwano ya mso na shindo shenyo.

MATAYO 3:17

Oweṟe ṟu likalaha liwuka ruwehu likahamba, “A-ichu mana oko a-mkunde ichu njii mchihie kyake.”

2 WAKORINTO 2:15

Kipfa so lowiia Ruwa mpfaamo fo Kristo fuchee iwo wehenda ikiṟo na iwo wehenda ideka.

2 WAKORINTO 2:16

Kya iwo wamu m mpfaamo fo opfu fuwaendie opfu, kya iwo wengi mpfamo fo moo fuwaendie moo. A nyiwu asumuhanyi ipfuṟukanya shindo shi ngesa?

WAEFESO 5:2

Muchumie mhendo fuu mchilie nyi ikunda, chando nao Kristo awelukundi kahenda ikudambikya Ruwa hando helukaya-pfo so kambiia odambiko na kidaso sha opfamo sa lolo da.

NGUMBUO YA MAWAWASO 12:11

kyasiang'u handu Mndumii-Ruwa, Ruwa onu echisambuṟa helahia rina lyake, nyi hondu mochiduo isho shose njilemuwawasa: shidaso shanu shekoṟa, na mwano yanu, mwano yanu na shiinengo shanu mochishiende, mwano yanu, na shiasa shanu mochiwika sheinenga Mndumii-Ruwa.

NGUMBUO YA MAWAWASO 12:17

Mulaliie shindoshi ipfo kundo mokekaa: mwano yanu ya mso, mvinyo fonu ang'u mafuda hanu, mashao ha kuwooka ha mmbe tsanu ang'u machondi hanu ang'u mwano yanu ya kyasa ang'u shidaso shanu sha nnga ang'u shiinengo shingi shose.

NGUMBUO YA MAWAWASO 12:6

napfo kundo mochiduo shidaso shanu na shemaya modonyi na mwano yanu ya mbaṟi tsose, mwano ya kiteṟio, shenengo sha nnga, ya wana wawee, mahache ha mmbe na machondi hanu,

WAFILIPI 4:18

Na ngambona shose shamba sha mfeṟa. Nyi njilemsuṟyo njido iliindi ngamwambya osano lonu lomendo nyi Epafrodito. Lo opuo lopfama mnu necha, nyilo odambiko lukundikye luchihiana na Ruwa.