MAITALA 14:9 - Bibilia Kui Mdedie fo Kimochi

⁹ Na kokoya mulalekana na Mndumii-Ruwa, manya mulaowuo wandu wa orukalo. Kyamba wo nyi kindo kitutu tupu koduso; ikyo wawekusirie kilememarisa iwutoho, nao Mndumii-Ruwa nai naso; mulawaowuo!”

MAITALA 14:9 ပူးပေါင်းရင်းမြစ်များ

MAWOOKIONYI 48:21

Numa Israeli kawia Yosefu, “Ambuya, inyi njikeri ipfa, kyaindi Ruwa nechikaa hamu nanyo, nao nechimuwihiṟa tane orukenyi lo wande wanu.

2MBONYI TSA MAHERI 13:12

Keambuyenyi, Mndumii-Ruwa nyio msongoru odu, na wakohanyi wake wawode omembe tsawo, nawo wakuṟeheṟie itsikapa, na iluinenga kichano kewoka shida na ikapana nanyo. Nyo wandu wa Israeli, lekenyi mulakapane shida na Mndumii-Ruwa, Ruwa o wasahuyanu. Mochiidima iwa wawinzi pfo!

2MBONYI TSA MAHERI 15:2

nao kakure kahenda ioshana na mangi Asa, kambia, “Njiadanyia, ee mangi Asa na wandu wose wa Yuda na Benyamini! Mndumii-Ruwa, nakeri hamu nanyo, kokoya nyo mukeri hamu nao. Mukoshiha Ruwa, mochimbona, kyaindi mukamda nao nechimuda.

2MBONYI TSA MAHERI 20:17

Nyo mochikapana shida ii pfo. Nyo kusayenyi tupu numa muwedie, nduma mochiwona ke Mndumii-Ruwa kechiwawinza handu hanu. Nyo wandu wa Yuda, mamulaowuo ma iwada makangao. Hendenyi shidenyi na Mndumii-Ruwa nechiwa hamu nanyo!’”

2MBONYI TSA MAHERI 32:8

Senakeribu nawode pfinya tsa kiwumndu tupu, kyaindi so lui na Mndumii-Ruwa, Ruwa odu, ailutarama na ilukapanyia shida shadu.” Madedoha ha mangi Hezekia halewanza mnu mrima ya wanduwo.

NEHEMIA 4:14

Kyasia kiheri njilewona ke wandu nyi walewado nyi wuowu naalyo ngawia wanene wo wa wandu namashehe na wandu wengi wose, “Manya mlaowuo manya kitutu. Kumbuonyi ke Mndumii nyi ang'anyi nao nyi aoweshie, koikyo kapanenyi kipfa kya wana wa maeanu, na wana wanu wa kika, waka wanu na mba tsanu.”

SHIIMBO SHA DAWIDI 106:24

Wakapiṟa oruka lulya luchihiṟie, manya waleidikia idedo lyakepfo.

SHIIMBO SHA DAWIDI 121:5

Mndumii nyio mringi opfo; Mndumii nyi mṟinje kuwoko kopfo ko kulyo.

SHIIMBO SHA DAWIDI 14:4

Ngesa wose waichi iwo wekewuta mawicho? Wekelya wandu wako chandu wekelya mkate, Wekelaha Mndumii pfo.

SHIIMBO SHA DAWIDI 46:11

Mndumii menyi matorito nai naso; Ruwa o Yakobo nyi mfiṟiha fodu.

SHIIMBO SHA DAWIDI 46:7

Mndumii menyi matorito nyiai naso Ruwa o Yakobo nyi mfiṟiha fodu.

SHIIMBO SHA DAWIDI 46:8

Njoonyi ambuyenyi mawuto ha Mndumii, Chando aletana oruka ngoeda.

SHIIMBO SHA DAWIDI 74:14

Iyo nyi ulesa mdo fo Lewiathani; fuwe kelya kya wandu wa mbai ya ipalyipalyi.

SHIIMBO SHA DAWIDI 91:1

Adamie handu ha kiṟika hake Ai huye, Nechikaa kiidi kya maṟinje ha Mndumii menyi pfinya.

IWUKA 14:13

Mose kawia wandu, “Mulaowuo, hoṟokenyi tupu muwone okiṟo lo Mndumii-Ruwa echimuwutia inu; cha kipfa Wamisri wa muwawonyi inu mochiwawonase mlunganapfo.

IWUKA 33:16

Kokoya ulahenda na inyi na wandu wako, kechimanyika kuda ke njilewona osaṟio kyamunyi kyapfo, inyi na wandu wako? Kipfa kohenda naso, wandu wechimanya ke lufananyi na wandu wengi wa wuyana pfo.”

YESAYA 1:2

Adanyienyi, nyo ngina, deha kudu, iyo oruka, kipfa Mndumii amededa; Njiletoṟisha wana na iwadosa, nawo wanjileha,

YESAYA 32:2

Na mndu nechiwa cha handu heowa cha otanu, na handu hekuringa na masinanu ha kiwiriwiri; cha meda ya mṟinga handu hahadutsu haumu, cha kiṟinje kya iṟaṟa ling'anyi kiidi kya oruka luleheli.

YESAYA 41:10

Ma kulaowuo; kipfa inyi njii hamu na iyo; kulawado nyi makangao, kipfa inyi nyi Ruwa opfo; njechikuwika pfinya, ee, njechikutarama, ee, njechikuwada na owoko loko lo kulyo lo wusumhanyi woko.

YESAYA 41:14

“Ulaowuo, Yakobo nyi ishinu, nanyo wandu wa Israeli, inyi njechimutarama, Mndumii ahamba, na mkiṟa opfo nyi Mwele o Israeli

YESAYA 63:10

Indi wo wakadeko itane wasuiṟa Mumuyo Mwele; kyasia kawahaluka, kawa mkituwa, kakapana nawo.

YEREMIA 1:19

Nawo wechikapana na iyo kyaindi wechikuidimapfo; kipfa inyi njii hamu na iyo. Kundu njikukiṟe, nyi Mndumii ahamba.”

YEREMIA 42:11

Mulaowuo mangi ya Babeli ichu mumuowoye: ee da, mulamwowuo manya le. Nyi inyi Mndumii-Ruwa ngahamba. Inyi njii hamu nanyo imukiṟa na imuringa kiidi kya mawoko hake.

YEREMIA 48:45

Wadichi waleheli wasia moo Heshboni wakundi ofoṟo, kipfa koṟuka modo ipfo mṟinyi, olewo lo modo lowuka, mbenyi ya mangi o Sihoni; lorumatsa mṟasa ya Moabu lotengeta mafumvu ha iwo walemeshi.

DANIELI 9:5

Lulenyamaṟa, lukawewada ngoo njiumu, lukatana mawicho, lukakuda iyo, ee da, lukaweda mawawaso hapfo na chile tsapfo.

DANIELI 9:9

Osaṟio na ihoṟio lyii ko Mndumii-Ruwa odu ma chandu lulemdekio;

MAITALA 13:30

Kyaindi Kalebi kahaluo wandu ndiṟi oshangunyi lo Mose, kahamba, “Luhende wulalu kudi luchilie orukalo. Cha kipfa luwode wuidimi wung'anyi wowinga.”

MAITALA 17:6

Mose kadeda na wandu wa Israeli. Wasongoru wawo wose wakamnengia orio umu na ndichi yake chandu kiitumanyi na kishari kyake tsose tsikawa ndichi ikumi na tsiwi. Ndichi ya Aroni ilewiko handu hamu na ndichitso.

MAITALA 20:2

Handuho walewika mfiṟiha kuwewode mṟingapfo. Ko ikyo mamiingifo fo wandu fose wakakusanza

MAITALA 24:8

Ruwa nalewaonduo kuwuka Misri, nao nekewakapanyia ko pfinya cha mboho. Nechirumatsa mkambo ya wandu wakeri wakituwa wawo, nechifunjafunja mafuo hawo, nechiwatocha na mfi yake.

MATAYO 1:23

“A mbuya, kukae mana aikoso nakapike, nafee mana o womi, na rina lyake wamlahe nyi Imanueli.” Imanueli nyi cha ili ohamba: Ruwa ai naso.

WAROMA 8:31

Aka luhambe-se luda kya iki? Komkoya Ruwa ailuikaya aka ichu alufoye nyi wu?

NGUMBUO YA MAWAWASO 1:21

Ambuyenyi, Mndumii-Ruwa, Ruwa onu, amemuteseheṟia orukalu mesonyi hanu. Ailo! Idenyi napfo muluchilie chandu Mndumii-Ruwa, Ruwa o wameku wanu alewawia. Mulaowuo manya mulaneneuke.”

NGUMBUO YA MAWAWASO 1:26

“Kyaindi nyo mulekiosha iwawaso lya Mndumii-Ruwa, Ruwa onupfo; muleleha ihenda ipfo orukenyi.

NGUMBUO YA MAWAWASO 1:29

“Kyaindi inyi njilemuwia ke Mulawado nyi wuowu ma iowuo wanduwo.”

NGUMBUO YA MAWAWASO 31:6

Wenyi watumuhari muwe ngohoda, manya mulaowuo ang'u ikangaṟitso nyiwo cha kipfa Mndumii-Ruwa Ruwa onu, nyio aihenda hamu nanyo. O echida alamutaramapfo; echimukumbapfo.”

NGUMBUO YA MAWAWASO 31:8

Mndumii-Ruwa nyio aiwateteṟa; o nechikaa hamu nanyo; o echida alamutaramapfo, echimukumbapfo. Koikyo, manya mulaowuo, manya mulaneneuke.”

NGUMBUO YA MAWAWASO 32:42

Mfi yako yechiichuo samu, oshu lako lochiichuo nyama, lochifana samu ya wawike shifaṟe na wapfungo wa shidenyi na wakituwa wawode njui njileshe.

NGUMBUO YA MAWAWASO 7:18

Mulawaowuo, kumbuonyi chando Mndumii-Ruwa, Ruwa onu alewutia Farao na oruka lose lo Misri.

NGUMBUO YA MAWAWASO 7:21

Kyasiang'u manya mulawaowuo, cha kipfa Mndumii-Ruwa, Ruwa onu, nai kiidi kyanu. O nyi Ruwa ang'anyi na naoweshie.

NGUMBUO YA MAWAWASO 9:7

“Kumbuonyi manya mulahadime chandu muledosa Mndumii-Ruwa, Ruwa onu nyashi kulya nuka. Wokia mkonu mulekure orukenyi lo Misri tane mkonu mulepfulutsa na mulewamonyamaṟia Mndumii-Ruwa.

WAFILIPI 1:27

Maṟi muhende kuachia kui chile tsa mkambo tsisumhanye ndumi ya sia yehamba Kristo, kundu na ilindi ngacha ngambona ma ilindi njii kuleshe ngawio kyanu njikoye muhoṟoki mhoṟoki fo mumuyo fumu mochikapanya mwidikye fo ndumi ya sia ya okiio mupfunganyi mui mrima fumu.

YOSHUA 1:5

Ambuya Yoshua, kuwode mndu ose echiidima iwinzana na iyo kiheri kyose ui na moopfo nyi njechikaa na iyo chando njiwei na mṟundi oko Mose, nyi njechikaa handu hamu na iyo manya njechikulekiapfo.

YOSHUA 14:12

Ambuya nyi njikuterewa unjiinenge orukalu lo mafumvuhu chandu Mndumii-Ruwa alenjiteṟia mkonu fulya. Kyamba iyo kumonyi nyi uleicho ke Waanaki nyi wawekekaa kulya mṟinyi iwode njomombo, kofia Mndumii-Ruwa nyi nechioshana na inyi njiwafune chandu Mndumii-Ruwa aleteṟia.”

WACHILI 1:22

Wandu wa kishari kya Yosefu wakasaṟikia mṟi fo Betheli, nao Mndumii-Ruwa nawei nawo.