MAITALA 14:10 - Bibilia Kui Mdedie fo Kimochi

¹⁰ Kyaindi mkambo fose fukakuhesha iwakapa na maho Peṟeseng'u, kiṟumi kya Mndumii-Ruwa kikachea huya ihema lyesanzia, oshangunyi lo Waisraeli wose.

MAITALA 14:10 ပူးပေါင်းရင်းမြစ်များ

IWUKA 16:10

Kiwei lilya mandi Aroni alededa na kisanzio kyose kya wana wa Waisraeli, wakaambuya ora lo nuka ya msanga, ambuya, kiṟumi kya Mndumii-Ruwa kikawoneka kulya ipuchinyi.

IWUKA 16:7

na ngamenyi nlyondi mochiwona kiṟumi kya Mndumii-Ruwa; kyamba naicho inunuwa lyanu mlemnunuwia Mndumii-Ruwa; ‘a so nyi waki, tane molununuwia?’”

IWUKA 17:4

Mose kafihiṟia Mndumii-Ruwa, kechihamba, “Njiwutie kiki wanduwa? Kutsuhee kitutu na wo wanjikapena maho.”

IWUKA 40:34

Nalyo ipuchi lilya likashikia ihema lyekusanzia, na kiṟumikyo kya Mndumii-Ruwa kikaichuṟa handu halya hekaa.

WALEWI 9:23

Numa Mose na Aroni wakaida na ihemenyi lyekusanza, numa wakawuka na nja, na iwikia wandu ona; na mng'anofo fo Mndumii fukawonekia wandu wose.

MAITALA 16:19

Na Kora kasanyia wandu wose handu hamu, wakahoṟoka oshangunyi lo Mose na Aroni wawei alya mongo fo ihema lyesanzia. Naho pereseng'u kirumi kya Mndumii-Ruwa kikawachea wose!

MAITALA 16:42

Kiheri walekuwumbia oshangunyi lo Mose na Aroni kundu wawawie nyashi yawo, walehaluka woambuya ihema lyesanzia, wakawona ipuchi lyishikie ihemalyo na kiṟumi kya Mndumii-Ruwa kilekuloṟaho.

MAITALA 17:7

Mose kaleṟia ndichitso tsose oshangunyi lo Mndumii-Ruwa ihemenyi lyesanzia.

MAITALA 20:6

Mose na Aroni wakakure alya mamiinginyi fo wandu, wakahenda ihoṟoka mongo fo ihema lyesanzia wakaho wanda na kyamu. Nahong'u kiṟumi kya Mndumii-Ruwa kikawawonekia,

MATAYO 23:37

“Iyo Yerusalemu, iyo Yerusalemu, kui mowaha waikimbi na iwo wai wadume kopfo kowakumbya maho, na sa kafoi da mbekundi isanya shiwana shapfo na chando nguku yekesanya malea hayo ipfo shi ya makungo hayo nanyo ma malakunde.

MAWUTO HA WASU 7:52

Nyi ku kuwei mwikimbi waku wanu wakada walamterengya. Ee lae na iwaha wakawewaha walya weesongwo ihamba mbonyi tsa macheenyi ha ichu mhorotsu, ichu nyo mlewa wulalu watwaṟi wake na wawahi.

MAWUTO HA WASU 7:59

Wakakumbya Stefano maho nao katerewa kahamba, “Hoi Mndumii Yesu, ambya mumuyo foko!”

1SAMWELI 30:6

Wulalu, Dawidi nawekeri kiidi kya ngataṟa tsing'anyi kipfa wandu wake wawewodo nyi fowa mrimenyi yawo kipfa kya ili wawedetsie wana wawo, wakamwowesha kya imkapa na maho. Kyaindi Dawidi kakukarisha mrimenyi na ikusiria Mndumii-Ruwa, Ruwa oke.