MAITALA 12:7 - Bibilia Kui Mdedie fo Kimochi

⁷ Kyaindi kya mṟundichu oko Mose nyi kii kiwungi nakamu. O nawode iṟunda lyeringa wandu wako wose.

MAITALA 12:7 ပူးပေါင်းရင်းမြစ်များ

YOBU 1:8

Mndumii-Ruwa kawia Satana, “Kofia na uichi mṟundi oko elaho nyi Yobu. Ipfo wuyanenyi kose kuwode mndu chaopfo. O nyi mndu mhoṟotsu, aowoye Ruwa na ikushowa na orio mbaṟi yose ya wuwicho.”

SHIIMBO SHA DAWIDI 105:26

Kaduma Mose, mṟundi oke, na Aronyi msa alemsambuṟa.

IWUKA 33:11

Nao Mndumii-Ruwa kadeda na Mose kyamu kui kyamu, chandu mndu ekededa na mbuya yake. Numa kahaluka kawuya na kambinyi; kyaindi mṟundi oke Yosua, mana o Nuni, nao nyi mrika, nalakure kulya ihemenyi.

MATAYO 11:11

Na kya lohi ngambia, ‘Kiidi kya iwa wa wafee nyi mka kulemekure mndu ang'anyiye Yohane Mpatisipfo. Indi ichu a mtutu o wose ipfo wumangi wo Ruwa nyi ang'anyi kota o.

MATAYO 11:9

A kilawe nyi kiki kilemnenga ihenda-pfo? Nyi kundu mochiwona mwikimbi ngesa? Ee ngambia na kota mwikimbi.

MAWUTO HA WASU 7:31

Mose kekimbona kaṟihyo kiwonesyo kilya nao kechitikiṟia afui ke nambuye kukaichyo ṟu lya Mndumii lyehamba.

1 WAKORINTO 4:2

Kikawa kido kitsuhae kyeringa waheki nyi nashike iwono ai mteechi.

NGUMBUO YA MAWAWASO 18:18

Njechiwasambuṟia mwikimbi cha iyo kuwuka kiidi kya wana wa mayawo; njechiwika madedo hako dumbunyi lyake, nao nechimuwia shose njechimuwawasia.

NGUMBUO YA MAWAWASO 34:5

Kyasia, Mose mṟundi o Mndumii-Ruwa kapfia kulya orukenyi lo Moabu chando idedo lya Mndumii-Ruwa alelihamba.

1TIMOTEO 3:15

Indi kokoya ngakeleo nomanye njia isumuhanyi yekuidya mbenyi ya Ruwa. Nayo nyi siṟi ya Ruwa ichu menyi-mooo, ii ngo iya yekanza kiwulohi.

YOSHUA 1:1

Kyasia Mose mṟundi o Ruwa ampfa, Mndumii-Ruwa kacha ideda na mṟundi ulya o Mose Yoshua mana o Nuni,

YOSHUA 1:2

kambia, “Mṟundi oko Mose alemaa ipfa, koikyo kure iyo na wana wa Israeli, muhende iambada meda fo Yordani itane moida na orukenyilu njikeri imwinenga.