MAITALA 12:6 - Bibilia Kui Mdedie fo Kimochi

⁶ Kiidima Mndumii-Ruwa kawawia, “Adanyenyi madedo ha hako: kokoya kuwode mwikimbi kiidi kyanu, inyi Mndumii-Ruwa njekekuloṟa koke kui mawonesio ngadeda nao kiidi kya ndodo.

MAITALA 12:6 ပူးပေါင်းရင်းမြစ်များ

MAWOOKIONYI 15:1

Isho shose shameida, idedo lya Mndumii-Ruwa likachea Abramu ndodonyi, lyehamba, “Manya kulaowuo Abramu! Inyi nyi ngawo yapfo na njechikuinenga mboṟa ing'anyi mnu.”

MAWOOKIONYI 20:7

Ko ikyo nowihiṟe mkachu o mndu wulalu kipfa o nyi mwikimbi nao nechikuterewia nokie. Indi koda kulambihiṟa manya kya lohi ke nochipfa iyo na wandu wose ui nawo.

MAWOOKIONYI 28:12

Kalodia ndodo; ambuya ngasi ihoṟotse o wanda na mdo foyo fukashika ruwehu. Na, ambuya, malaika wa Ruwa waido na isoka.

MAWOOKIONYI 28:16

Yakobo kakure kulya madonyi hake, kahamba, “Kya lohi Mndumii-Ruwa nakeri handu ha, manya inyi njilamanye.”

MAWOOKIONYI 37:5

Kio kimu Yosefu kalodia ndodo, kawia wana wa mae mbonyitso nawo wakaengeṟa imsuo;

MAWOOKIONYI 37:9

Kalodiase ndodo ingi, kawia wana wa mae, kahamba, “Ambuyenyi ngamelodiase ndodo ingi; ambuya mnengeṟi na meri na nyenyeri ikumi na imu shikanjiaramia.”

MAWOOKIONYI 46:2

Ruwa kadeda na Israeli kui ndodo kio, kahamba, “Yakobo, Yakobo.” Kahamba, “Nyi iya njii.”

2SAMWELI 7:4

Kyaindi kio kya mfiri fulya, Ruwa kadeda na Nathani, kambia,

1WAMANGI 3:15

Naho Solomoni kakure, ate nyi ndodo. Kahenda Yerusalemu, kahoṟoka sumuhana na isanduku lya mkundana lya Mndumii; kawika kidaso kemaya modonyi, na mwano ya ofoṟo; kasungusia waṟundi wake mfuho.

1WAMANGI 3:5

Mndumii kachea Solomoni ipfo Gibeoni ndodonyi kio, kambia, “Terewa kindo ukundi njikuneenge.”

YOBU 33:15

Kiidi kya ndodo, kiidi kya mawonesyo ha kio, mado malemeri hakachea wandu walee shitaṟenyi shawo,

YOBU 4:13

Njii kiidi kya makusaṟo ha ndodo tsa kio, Kiheri wandu wawodo nyi mado malemeri.

SHIIMBO SHA DAWIDI 105:15

Kyechihamba; Manya mlapaye washimbuo wako, manya mlawutie kindo kiwicho waikimbi wako.

SHIIMBO SHA DAWIDI 89:19

Nlyondi kulewia waele wapfo kui ndodo, “Kohamba, njileinenga ai ngohoda kitarama; ngang'anyisha msa alesambuṟo kiidi kya wandu.

IWUKA 7:1

Mndumii-Ruwa kawia, Mose, “Ambuya, ngakutana iyo nowe cha Ruwa ko Farao; na manomayo cho opfo Aroni nechiwa muikimbi kopfo.

YEREMIA 23:25

Njileicho isho waikimbi walehamba shisuku sha wongo kui rina lyako wehamba, ‘Ngalodia ndodo! Ngalodia ndodo!’

YEREMIA 23:28

Mwikimbi awode ndodo nahambe ndodo yake; na ulya awode idedo lyako nahambe idedo lyako kui wuhendeli. Muulu nyi kiki kota Ngano?” Mndumii ahamba.

EZEKIELI 1:1

Maka fo makumi haṟaṟu, meri fo kana, na mkonu fo katanu njiwekeri kulya Babeli kiidi kya walya waledao wusingenyi kufui na meda fo Kebari. Nahong'u ruwehu kukanjitambaṟukia ngawewona Ruwa kui ndodo.

DANIELI 10:8

Kyasia ngadeo njimonyi, ngawona mbonyitsi tsiṟihishie, ngadeo njilawode pfinya; wucha wulya woko wukalaachika wukawa inyamaṟika, manya njiledeyo pfinya.

DANIELI 2:19

Nalyo Danieli kaloṟo ndodo iya yose na mdambuye foyo. Danieli kaidapfuma Ruwa.

DANIELI 7:1

Maka fo kuwoka fo Belshaza Mangi ya Babeli, Danieli kalodia alee kio kitaṟenyi kyake; kaṟehia ndodo iya, kawika shose handu hamu.

DANIELI 8:2

Inyi njilewona njidi, njiwekeri ipfo Shushanyi mfiṟihenyi kidembo kya Elamu; ngawona mawonesio njikeri hafui na meda Ulai.

HOSEA 12:11

Kulya Gileadi nyi handu ha wunyamaṟi, kulya Gilgali walewuta mapung'a ha shidaso, koikyo rasio tsawo nyi tsechiwa cha mbumbi tsa maho, kiidi kya mfongo ii mademenyi?

YOELI 3:1

“Kiheri kyo na mkonu yo, njechiachikia mbonyi tsa Yuda na Yerusalemu.

ZEKARIA 1:8

Njilewona ilyi kio, ambuya, mndu adooye frasi ya kimaande, kahoṟoka kiidi kya mashidi (hepfaama helaho “mhadasi”) handu hawode kiṟiinje; numa yake kuweiho frasi tsingi tsa kimaande, na tsa ifuifu na njiili.

MAITALA 24:4

oloho lo mndu aleadanyia madedo ha Ruwa, mndu alewona mawonesio ha Ruwa menyi pfinya. Mndu ekeadapfuma kawewona na pata.

MATAYO 1:20

Ili awerie ado mdonyi, adi aichu msu o Mndumii akulora nao kilodionyi kambia, “Iyo Yosefu, ui mana o Dawidi, ma kulahinge-hinge iduo tindi-i yapfo Maria kipfa iki ki-kimohe ipfo koke nyi kiwukie ko Mumuyo Mwele.

MATAYO 2:19

Kyasia Herode kekipfa, msu o Mndumii kacha ikuloṟa na Yosefu kui ndodo kulya Misiri.

MATAYO 23:31

Mukatana mokuwutya owingo muwenyi ke na mukeri wana wa wewaha waikimbi walya.

MATAYO 23:34

Kyasia kyamba nyi wudo kii na inyi njiwe moduma konu waikimbi na wandu walaanyi na walosha wa mawawaso. Nanyo iwo maata muwawahe na iwawambia msalabenyi, na walya wengi muwakape na ngowa tsii njitochie msha ipfo kya mba kundo mokumbuhananya na iterengya mbewaterengya wawuke kunu mṟinyi ifu wadichye fulya fungi.

MATAYO 23:37

“Iyo Yerusalemu, iyo Yerusalemu, kui mowaha waikimbi na iwo wai wadume kopfo kowakumbya maho, na sa kafoi da mbekundi isanya shiwana shapfo na chando nguku yekesanya malea hayo ipfo shi ya makungo hayo nanyo ma malakunde.

MATAYO 27:19

Kyasia ili adamye alya loṟike-hu lodumbuya mondu, mka ulya oke kamdumya ndumi kahamba, “Ma kulawone kochilungyaho kyapfo na mndu chu o wusumuhanyi. Nyi kifa ngawona wukiwa wufoi inu kilodyonyi kipfa kyake.”

LUKA 1:11

Kawonekio nyi malaika o Mndumii kahoṟoka oo ora lo kulyo lo kitaṟa kyepfaamiṟia.

LUKA 1:22

Kiheri alewuka na kulya nja, nalakiidime ideda nawo; wakamanyia nyi ammbona kiṟiha kulya hekalunyi; nao kawakemya na owoko, kakaa ai pipi.

LUKA 20:6

Na lukahamba, ko wandu, wandu wose nyi wechilukumbia maho, kipfa wakusirie ke Yohane nyi mwikimbi o Ruwa.

MAWUTO HA WASU 10:11

Kawona ruwehu kuṟuhukye na kindo kiimsokya kii cha nguo sa nnene kechisotsosotso na makechu ho ha haana kikatana kyashika wanda.

MAWUTO HA WASU 10:17

Kyasia Petro kekikusaṟa na iṟihiyo kya kiwonekyo kilya ke nyi kii kya iki wadi a walya wawei wadume nyi Kornelio wameidima iwesa mba ya Simon wakahoṟoka oo mbele ya mongo.

WAEFESO 4:11

Nao nyio aleinenga wandu shisumbo: Iwa wawe wasu, na iwa waikimbi na iwa wedung'anyitsa ndumi ya okiio na iwa walisi na walosha.

NGUMBUO YA MAWAWASO 18:15

“Mndumii-Ruwa, Ruwa onu, nechimusambuṟia mwikimbi ai cha inyi kuwuka kiidi kyanu nyo muwenyi, nanyo mochimwindia.

NGUMBUO YA MAWAWASO 18:18

Njechiwasambuṟia mwikimbi cha iyo kuwuka kiidi kya wana wa mayawo; njechiwika madedo hako dumbunyi lyake, nao nechimuwia shose njechimuwawasia.

WAEBRANIA 1:1

Mbaṟi tsiweipfo tsifoi na njia natso Ruwa alemdeda na waku wadu kui waikimbi walya.

OTAMBAHALUO LO YOHANE 11:10

Na wandu wai kunu wuyana wechichihio kya opfu lo iwo wawi na yaala mkonu ya seko na yamtsana na shindo sha nga cha kipfa waikimbi walya wawi walerohya mnu wandu wai kunu wuyana.

OTAMBAHALUO LO YOHANE 11:3

Na inyi njechiwika-ho wangochi wako wawi, nawo wawe wechihamba mbiia tsa wuikimbi wo Ruwa mkonu kiku kimu na mahana hawi na makumi haṟandaṟu waṟee makunyia.

1SAMWELI 28:6

Kiheri aleterewa Mndumii-Ruwa, Mndumii-Ruwa alededa nao manyalepfo ma kui ndodo ma kui maho hededapfo Urim na Thummim, ma kui waikimbipfo.

1SAMWELI 3:15

Samweli kalaaho mṟasa ili lya ngama ngamenyi, kiidima kakure kaṟuhuo mongo ya mba ya Mndumii-Ruwa. Kyaindi Samweli naleowuo iwia Eli mawonesioho.

1SAMWELI 3:21

Mndumii-Ruwa kaengeṟa ikuloṟa ipfo Shilo, handu alecha Samweli na ideda nao. Na orio mandi Samweli amehamba kindo Waisraeli wose walemwandanyia.