MAITALA 12:2 - Bibilia Kui Mdedie fo Kimochi

² Wakahamba, “Alae Mndumii-Ruwa nalededa na itutuma Mose amonyi tupu? Ngesa, alemedede naso-daa?” Mndumii-Ruwa kaicho madedoho.

MAITALA 12:2 ပူးပေါင်းရင်းမြစ်များ

MAWOOKIONYI 29:33

Kafeese mana, kahamba, kyamba Mndumii ameicho ke njilekundopfo, amennenga na ichu; kamlaha rina lyake ni Simeoni .

2SAMWELI 11:27

Kiheri kya makulili kikasia, Dawidi kaduma Bathsheba naendo na kanyi koke, kawa mka oke na ifee nao mana o kisoṟo. Ruwa kasuo mnu kya kilya Dawidi alewuta.

2WAMANGI 19:4

Kofia kechiidimika ke Mndumii-Ruwa, Ruwa opfo naleicho madedo ha mnene o wanzenge, ichu aledumo nyi mangi o Ashuru, mndumii oke, kundu narume Ruwa menyi moo, na Mndumii-Ruwa, Ruwa opfo nechideda kya madedo ho alehaicho, ko ikyo terewia wandu wa waletsuhaa.’”

IWUKA 4:14

Nyashi ya Mndumii-Ruwa ikado kipfa kya Mose, kahamba, “Ngesa! Kuipfo Aroni ichu mano mayo Mlewi? Njiichi ke o neidima ideda necha. Handu hamu na isho ambuya, nao naicha ikuambia; nao ili echikuwona, nechichihio mrimenyi foke.

IWUKA 4:30

Aroni kawawia madedoho hose Mndumii-Ruwa alededa na Mose, kawuta na ṟiho tsilya oshangunyi lo wandu.

IWUKA 5:1

Numa, Mose na Aroni wakahenda iwia Farao, wehamba, “Mndumii-Ruwa o Israeli, nahamba adi, ‘Inenga wandu wako momu wahende, kundu wanjisungusie mkonu mnene ipfo nuka.’”

IWUKA 7:10

Kyasia, Mose na Aroni wakaida na ko Farao, wakawuta wado chandu MNMDUMII ewawia, Aroni kakumba wanda ndichi iya yake oshangunyi lo Farao, na oshangunyi lo waṟundi wake, ikahaluka njoka.

MFANANO 13:10

Orikiki lochiende marekiano; Indi wuṟango wochikaa na wechila.

YESAYA 37:4

Kofia Mndumii-Ruwa opfo nechiidima iicho madedo ha mnenechu o shida, iha aledumo nyi mangi o Ashuru, mndumii oke, kundu narume Ruwa menyi moo, na Mndumii, Ruwa opfo, nechidedia madedoho alehaicho; kyasia, wika kiterewo kyapfo kipfa kya mtsuhaṟo fuletsuhaa.”

MIKA 6:4

Inyi njilemuwuta Misri, ngamukiṟa wusingenyi ngamwinenga Mose, Aroni na Miriamu wamusongoe.

MAITALA 11:1

Wandu walewoka inunuwia Mndumii-Ruwa kya mawukiwa hawo Mndumii Kekiicho nalewado nyi nyashi, kawadikia modo. Modofo fuweimbawo kiidi kyawo fukakoṟa ora lumu lo handu hesia moo.

MAITALA 11:29

Kyaindi Mose kamhaluo kambia, “Ngesa nowado nyi wunyenyi kipfa kyako? A kima Mndumii-Ruwa aweinenga wandu wake wose mumuyo foke nawo wakawa waikimbi!”

MAITALA 12:3

(Mose nawei mndu mtsiri kota wandu wengi wose wawei wuyanenyi).

MAITALA 16:3

Walekusanzia oshangunyi lo Mose na Aroni wakawawia, “Nyo mokuichika mnu mwidio! Wanduwa wose nyi wai waele na orio mndu kiidi kya wanduwa nai mwele, na Mndumii-Ruwa nai naso lose. Wulalu nki ili muikuhaluo wanene wa wandu wa Mndumii-Ruwa?”

WAROMA 12:10

Mkundana fonu fokundana fuwe fo wakanyi kamu, ngapano moira iwe yewikyana wuindi.

WAROMA 12:3

Kisumbo njii-msumbe nakyo kyanjienenga njiwie orio mndu ose akeri ipfo konu, ke nalahie kyake kyekung'anyisha kyeng'anya kilya kimsuhananye, kya indi nahie-ho kyeidikya kidembo kyake chando Ruwa ahawye orio mndu kiheo kya mwidikye.

WAFILIPI 2:14

Kewewutenyi shindo shose mulechinunuwa ma ipfio nyi mdo.

WAFILIPI 2:3

Ma mulawone moamtsa shida ya nda mulakunyashe nekushela, kya indi orio onu natane odoe msongoru muwe mokunyiiṟa mudi mose.

1PETRO 5:5

Na wudo nyo mui wakoho kyekuhooyenyi wameku. Indi nyo mose mupfungane nguwo muwenyi na wenyi nyi yo mkunyiiṟye yanu. Kipfa Ruwa awikye walya wekyekung'nyisha tunja indi walya wekyekunyiiṟa wo nyi awawonye wutonga.