MAITALA 11:8 - Bibilia Kui Mdedie fo Kimochi

⁸ Wandu waletengetatengeta wechiisanyia, numa wakasa na maho hesea ang'u wakahuo na shiuṟi, numa wakakoṟa shinungunyi na isungusia mandasi. Mlodo fokyo fuwei cha fo mandasi makaange na mafuda.

MAITALA 11:8 ပူးပေါင်းရင်းမြစ်များ

MAWOOKIONYI 25:29

Kiheri kimu Yakobo kakoṟa kelya kya soma. Esau kacha awuka nuka, nao naweleheli mnu.

IWUKA 16:23

Mbonyi tso Mose kawawia, “Nlyo idedo Mndumii-Ruwa alededa, ‘Ngama nyi mkonu mwele fosia moo, Sabato njiele ko Mndumii-Ruwa; kahaṟenyi sa mochikahaṟa, koṟenyi sa mochikoṟa na ikyo kechitsuhaa suṟumenyi necha mṟasa ngamenyi.’”

IWUKA 16:31

Na mba ya Waisraeli wakadumbuya kindokyo rina lyakyo Mana; nakyo kifananyi na mchele, kikiili; na mlodie fokyo fuwei cha mlodo fo mandasi masise hamasungusie na wuki.

MAITALA 11:7

Mana iwei cha ndunda tsa mtama, fana yatso iwe icha bedoza; injiili na opuko.

MAITALA 11:9

(Kiheri mlewi fuleoloka kulya handu hesia moo kiheri kya kio, nayo mana-da ikaweoloka handu hamu na mlewifo).

YOHANE 6:27

Mlawinyie kelya kyechipuo; winyienyi kelya kyechikaa kipfa kya moo fo mlungana nakyo nyi Mana chu o mndu echimwenenga. Kyamba Wande nyio Ruwa nyi alembikya mhuri yemṟingishya ke nyio.”

YOHANE 6:31

Waku walya wadu wo walelya Manna kulya olelenyi lulya chando ki-kiṟehye kehamba, Alewaenenga mkate folya fuwukye ruwehu.”