MAITALA 11:31 - Bibilia Kui Mdedie fo Kimochi

³¹ Lyefurumia Mndumii-Ruwa peṟesengu kawiwita otanu lo oweṟe, lukaende makura kuwuka ipalyipalyinyi tsikalaa wotengetia handu hesia moo handu ha mchumie fo mfiri fumu tsikakuwumbia wanda kufui meta imu wuleshe wodo huye.

MAITALA 11:31 ပူးပေါင်းရင်းမြစ်များ

SHIIMBO SHA DAWIDI 105:40

Lyilya wawekundi kaende mkate; kawaihutsa kelya kya ruwehu.

SHIIMBO SHA DAWIDI 106:15

Kawainenga kilya waleterewa, kyaindi kawakapa na ndaṟe mbicho mbihunyi yawo.

SHIIMBO SHA DAWIDI 135:7

Nyio ekedosa mmeṟa kuwuka mtsitsionyi fo oruka, Nekeinenga mvuo mbawa, kaende otanu kuwuka kimaenyi kyalo.

IWUKA 10:13

Kyasia Mose kahoṟuo ndichi iya yake huya oruka lo Misri, na Mndumii-Ruwa kaende otanu kuwuka ora lo ngamenyi huya oruka, mkonu puti, na kio taṟaṟaa; koikitambaṟuka otanu lulya lo ora lo ngamenyi lukaende nzihe.

IWUKA 10:19

Mndumii-Ruwa kaembeṟutsa otanu lo ora lo kyukanyi lurie pfinya ing'anyi, sa luleira nzihe tsilya lukatsiduo ipalyipalyinyi lya Shamu; kulatsuhae nzihe maimu kulya orukenyi lo Misri.

IWUKA 15:10

Kuledihina kui otanu lopfo, ipalyipalyi lyikawapfinyikia. Wakasoṟowia cha mboro kiidi kya mṟinga fufoi.

IWUKA 16:13

Kikashika kiheri kya kyukanyi, makura hakacha, hakapfumba alya handu wawekuumbie na kiheri kya ngamenyi mlewi fuweichuo orukenyi njora tsose tsa handu wawei.

MAITALA 11:30

Numa Mose kawuya na handu hesia moo handu hamu na wameku walya makumi mfungade wa Waisraeli.