MAITALA 11:25 - Bibilia Kui Mdedie fo Kimochi

²⁵ Mndumii-Ruwa kasoka ai ipuchinyi kadeda nao. Numa kawuta kienga kya mumuyo sa aweinengie Mose, kainengia orio umu o wameku walya makumi mfungade. Mumuyo fulya fokiida na kowo, wameku wakawoka ihamba shisuku, kyaindi walakiwuuyese iwuta wudo.

MAITALA 11:25 ပူးပေါင်းရင်းမြစ်များ

2WAMANGI 2:15

Na wana walya wa waikimbi wawei Yeriko maambasana, wekimbona walehamba, “Mumuyo fo Elia fui huya Elisha.” Wakacha iwonana nao, wakahongoma mbele yake.

NEHEMIA 9:20

Ambuya kui ikunda lyapfo kowaloṟa kilya ki wawaṟi iwuta, kowewaihutsa ko mana, na iwarutsa mṟinga fonyo.

SHIIMBO SHA DAWIDI 99:7

Kiidi kya ngo ya ipuchi nawekyededa nawo. Walewada wuṟingishi woke na iwawaso alewainenga.

IWUKA 32:32

Kyaindi wulalu, ngakuterewa uwahoṟie wunyamaṟi wowo. Shila wudo wuta rina lyako kitapunyi kyapfo.”

IWUKA 34:5

Mndumii-Ruwa kasoka kiidi kya ipuchi lilya, kahoṟoka handu hamu nao, kaedia rina lya Mndumii-Ruwa.

IWUKA 40:38

Kyamba ipuchi lilya lya Mndumii-Ruwa liwei huya handu halya hekaa kiheri kya mfiri, na liwewode modo kiidi kyalyo kiheri kya kio.

YESAYA 63:11

Nlyo mandi alekumbuo mafiri halya ha kuwoka, kiheri kya Mose na wandu wake kehamba, “Oku ulya alemdosa wuka ipalyipalyinyi hamu na walisi wa ipo lyake? Oku ichu alewika Mumuyo Mwele kiidi kyawo?

EZEKIELI 8:11

Wanene makumi mfungade wa wana wa Israeli wawehoṟoki oo kiidi nawo wawerie shisoṟo shilya shewuta shidaso sha opfaamo hamu na Yazania mana o Yoshafani. Koikyo mringo fo shindo shilya shepfaamiṟa na mtsu fosho fukado na huye mnu.

MAITALA 11:17

Njechisoka napfo njidede na iyo; njechiwuta kienga kya mumuyo njilekuinenga, njiwainenge wanduwo. Nawo wechikudika mhanda foringa wanduwo handu hamu na iyo, kulache ikudika mhandafo iyo kumonyi.

MAITALA 12:5

Mndumii-Ruwa kasoka ai kiidi kya ngo ya ipuchi, kahoṟoka o mongo fo ihema kalaha Aroni na Miriamu. Wose wawawi wakatikiria hafui.

MAITALA 16:25

Kyasia kahendia Dathani na Abiramu, arianyi na wameku wa Waisraeli.

MAITALA 24:2

Kaambuya huye kawona Waisraeli wawikie mfiṟiha orio kishari handu hakyo. Ko ikyo mumuyo fo Ruwa fukamchea,

MAITALA 27:18

Mndumii-Ruwa kawia Mose, “Ira Yosua mana o Nuni, mndu awode mrima mcha, numa nomhekie mawoko,

MAWUTO HA WASU 11:28

Kukahoṟoka umu-ho owo, rina lyake ewio nyi Agabo, kaloṟa kui pfinya ya Mumuyo Mwele ke nyi kuicha njaa sa ing'anyi ikiṟe idung'ana wuyana wose. Nayo nyi yeshika mafiri halya ha Kaisari Klaudio.

1 WAKORINTO 14:32

Nayo mumuyo ya waikimbi nyi yekaa yechiidikya waikimbi.

YAKOBO 1:17

Orio kisumbo kyose kii kicha, orio kinego kyose kii kya sungusihu kichee huye, kisokie kyechiwuka ko Wande mowika sa tsose. Na ipfo koke kuwode ma mhaluye mliwe manya mṟishe mangu fo masehyanopfo.

2PETRO 1:21

Kyamba kuipfo wuikimbi wulemendo kui kyama kya wandu manya-lepfo. Kya indi wandu waweipfo walededa kiwukye ko Ruwa wawewodo nyi Mumuyo Mwele.

WACHILI 3:10

Kyasia, mumuyo fo Mndumii-Ruwa fukachea Othinieli, nao kawa mchili o Waisraeli. Othinieli kahenda shidenyi nao Mndumii-Ruwa kadambika Kushan-rishathaimu mangi o Mesopotamia mawokonyi hake.

1SAMWELI 10:10

Sauli na mṟundi oke wekishika Gibea (Fumvuhu) kaambio nyi mamiingi fo waikimbi. Mumuyo fo Ruwa fukamchea kui pfinya, Sauli kawooka ihamba kisuku handu hamu nawo.