MAITALA 11:23 - Bibilia Kui Mdedie fo Kimochi

²³ Mndumii-Ruwa kawia Mose, “Ngesa! Wuidimi woko womefafaa? Kyasia nochiwonang'u kokoya idedo lyako lyechiwa lya lohi kopfo ang'u ote.”

MAITALA 11:23 ပူးပေါင်းရင်းမြစ်များ

MAWOOKIONYI 18:14

Nyi idedo lihya lii liumu lyelema Mndumii-Ruwa? Kiheri kyo njechiwuya na konu, kiheri ki iki maaka fochicha, na Sara nechiwona mana o womi.

2WAMANGI 4:43

Mṟundi ulya oke kawesa, “Ngesa njiinenge wandu ihana kelya ki?” Kyaindi Elisha kahamba, “Inenga wandu walye, kipfa Mndumii nahamba wechilya watsuhaṟe.”

2WAMANGI 7:2

Kyasia mchili ulya aweketarama mangi kahaluo mndu ulya o Ruwa kahamba, “Ambuya kokoya Mndumii awechiwika matiṟisha ruwehu, ngesa kindo ki kiwechiidimika?” Kambia, “Ambuya iyo nochiwona na meso hapfo kyaindi ochikilya pfo.”

SHIIMBO SHA DAWIDI 78:41

Wakawuya na numa wakaheshase Ruwa; wakasuiṟa mnene mwele o Israeli.

IWUKA 6:1

Mndumii-Ruwa kawia Mose, “Wulalu nochiwona chandu njechiwutia Farao; kyamba kui owoko lukahari nechiwainenga momu wakuhendye kowo, na kui owoko lukahari nechiwafuna orukenyi loke.”

YESAYA 50:2

“Kyasia lilya njilecha nkili kulawewode mndu? Ngalaha, kuwode alehaluopfo? Ngesa! Owoko loko lui lufui njilemo ikiṟa? Ngesa njiwode pfinya tsechiṟa? Ambuya kui ideda lyako ngahadutsa ipalyipalyi, meda ya mṟinga ngaihaluo nuka ya msanga; makunga hayo haidaa kipfa kulawode mṟinga, wandu wapfa kipfa kya nyoda.

YESAYA 59:1

Ambuya, owoko lo Mndumii luilututu lulemo ikiṟa-pfo; ma kudu koke kulemeri kulechiidima iicho-pfo.

YEREMIA 14:9

Nkili owa cha mndu alaichi kilya aiwuta, kowa cha mbahanyi alechiidima ikiṟa? Kyaindi iyo Mndumii nyi ui kiidi kyadu, lolelaho kui rina lyapfo ulaluleke.’”

YEREMIA 32:17

Hoi Mndumii-Ruwa, nyi iyo kumonyi kwi pfinya tsapfo tsing'anyi na wuidimi wopfo, kulewumba ruwehu na oruka.

YEREMIA 32:27

“Ambuya inyi nyi Mndumii, Ruwa o wandu wose; Ngesa! Kuwode kindo kiumu kyose kechiidima injilema?

EZEKIELI 12:25

Kyamba inyi inyi Mndumii, na orio idedo njechilideda nyi lyechihenda iwutika kudo. Kochikaasepfo ikeleṟapfo iyo mba iwode wuminyi. Kyamba njechideda idedo nalyo liwehenda iwutika kudo nyi wudo Mndumii-Ruwa ahamba.”

EZEKIELI 24:14

Ambuya nyi Inyi Mndumii-Ruwa ngahamba, ‘Njechihenda iawutsia kindo ki, njechiwuta kindo, njechiambuya ndumapfo, nyi njechikukapa sumuhana na mkao fopfo na mawuto hapfo, nyi wudo Mndumii-Ruwa ahamba.’”

DANIELI 6:20

Ai kufui nashike; kafihiṟa na isokio mfowa kya Danieli Mangi kawia Danieli, “Oo Danieli mṟundi o Ruwa menyi moo, a ngesa Ruwa chu opfo okemṟundia mfiri yose akukiṟa na miiso yo?”

MIKA 2:7

Ngesa, kiwaṟi ihamba kudo nyo wana wa Yakobo? Ngesa Mndumii-Ruwa nadeye itirisia lyake? Ngesa, nekewuta mbonyi cha itsi? Chi wudo-pfo! Madedo hako hawaṟi walya wewuta mbonyi njicha.

MAITALA 11:22

Ngesa! Kochiidimika ishinja machondi na mmbe tsiwashikie? Ngesa! Makunga hose ha ipfo ipalyipalyinyi hadeho kipfa kyawo?

MAITALA 23:19

Ruwa chi mndu owandu nahambe wongopfo, manya chi mndu o wandu nailache mahio hakepfo! Ngesa, nechiteṟia kindo alekiwuta, ang'u nahambe kindo nade alakiinutsia?

MATAYO 19:26

Nalyo Yesu kawaambuya kahamba, “Kindo-kyo kunu ko wandu kechiwa iwutapfo, kya indi ipfo ko Ruwa shindo shose na shechiwutika tupu.”

MATAYO 24:35

Kulya ruwehu kukae kunyamaṟike na kunu orukenyi, kyaindi madedo hako hawode mandi hechinyamarṟikapfo.”

LUKA 1:37

Kipfa ko Ruwa kuipfo kindo kilemie iwutapfo.”