MAITALA 11:22 - Bibilia Kui Mdedie fo Kimochi

²² Ngesa! Kochiidimika ishinja machondi na mmbe tsiwashikie? Ngesa! Makunga hose ha ipfo ipalyipalyinyi hadeho kipfa kyawo?

MAITALA 11:22 ပူးပေါင်းရင်းမြစ်များ

2WAMANGI 7:2

Kyasia mchili ulya aweketarama mangi kahaluo mndu ulya o Ruwa kahamba, “Ambuya kokoya Mndumii awechiwika matiṟisha ruwehu, ngesa kindo ki kiwechiidimika?” Kambia, “Ambuya iyo nochiwona na meso hapfo kyaindi ochikilya pfo.”

MAITALA 11:13

Nku njechiende nyama tseinenga wanduwo wose walye? Kyamba waifihiṟa oshangunyi loko wechihamba, ‘Luinenge nyama lulye!’

MAITALA 11:21

Kyaindi Mose kawia Mndumii-Ruwa, “Itala lya wandu njiwateteṟa iya nyi shiku mahana haṟandaṟu waichumia na madende, na iyo kohamba “Nochiwainenga nyama iwashikie meri fumu!

MAITALA 11:23

Mndumii-Ruwa kawia Mose, “Ngesa! Wuidimi woko womefafaa? Kyasia nochiwonang'u kokoya idedo lyako lyechiwa lya lohi kopfo ang'u ote.”

MATAYO 15:33

Na walya wa kiloshionyi wakambia, “A nku lochiwuta kando kafoi kadi kunu nuka wandu-wa wafoi wadi watane waihuda wose?”

MARIKO 6:37

Nao Yesu kahalwo kawawia, “Wainengenyi nyo shelya.” Nawo wakambia, “Ngesa luhende ihuṟa mkate ya dinari mahana hawi, luwainenge kyekulia?”

MARIKO 8:4

Wa kiloshyonyi kyake wakamhaluo wakahamba, “A nyku mndu echiidima iwuta mkate yechiwaihutsa wose iya nuka.”

LUKA 1:18

Kyasia Sakaria kawia malaika alya, “Aka-wo kindo njemanya-wo nakyo ikyo nkyo kiki; kipfa njii mmeku namka oko nawei mku?”

LUKA 1:34

Maria kawia malaika ulya, “A kindo-kyo nyi kyekaa kiwe kida, ili njilawode mii?”

YOHANE 6:9

“Kunu nyi kuwode manake awode mkate ya ngano itanu na makunga hawi. Kyechiwiko cha iki wandu wamfo wado?”