MAITALA 11:20 - Bibilia Kui Mdedie fo Kimochi

²⁰ kyaindi nyi ko meri fumu fuichuo!’ Mochilya mṟasa tsicheye mbuonyi na ipeleko. Isho shose nyi kipfa kya ilyi mlepiṟa Mndumii-Ruwachu akeri iya kiidi kyanu, mkafihiṟa oshangunyi loke mochihamba, ‘Nkili kuleluwuta kulya Misri.’”

MAITALA 11:20 ပူးပေါင်းရင်းမြစ်များ

2SAMWELI 12:10

Koikyo wokia mkonu fu foinu, ipfo osharini lopfo kiheri kyose, luwa lyapfo maata wechipfa opfu luwicho kipfa kya ili onjimina na iduo mka o Uria.

SHIIMBO SHA DAWIDI 106:15

Kawainenga kilya waleterewa, kyaindi kawakapa na ndaṟe mbicho mbihunyi yawo.

IWUKA 16:13

Kikashika kiheri kya kyukanyi, makura hakacha, hakapfumba alya handu wawekuumbie na kiheri kya ngamenyi mlewi fuweichuo orukenyi njora tsose tsa handu wawei.

IWUKA 16:3

Wana wa Waisraeli wakawawia, “Akima lulekupfia kui owoko lo Mndumii-Ruwa, kulya orukenyi lo Misri, mandi luwedamie kufui na nungu tsilya tsa nyama, lochilya shelya mṟasa lukaihuda; kipfa muleluwutapfo na iluende na kunu nuka, kundu muluwaahe na njaa mamiingifu fose.”

IWUKA 16:8

Mose kadeda, “Nkyo kechiwa, ili Mndumii-Ruwa echimuinenga nyama kiheri kya kyukanyi mulye, na ngamenyi mkate tane mopeleko; kyamba Mndumii-Ruwa ameicho inunuwa lyanu mulemnunuwia o; a so nyi waki? Inunuwa lyanu chi molununuwia sopfo, kyaindi monunuwia Mndumii-Ruwa.”

MFANANO 27:7

Mrima fuihutsu fokepeleko nyi iwuwu lya wuki; Indi mrima fuwodo nyi njaa fuwonyi oriyo kindo kewawa nyi kiloda.

MALAKI 1:6

“Mana nekeindia ndeye, na isinga likaowuo menyilyo, wulalu kokoya inyi nyi ndeyanu wuindi woko woku? Na kokoya inyi nyi Mndumii onu kui mbihu wuowu woku koko? Mndumii Menyi Matoṟito nakeri imuwesa nyo Wakohanyi mui imina rina lyako.” Nanyo mukahamba, “Nyi wuda luimina rina lyapfo?”

MAITALA 11:13

Nku njechiende nyama tseinenga wanduwo wose walye? Kyamba waifihiṟa oshangunyi loko wechihamba, ‘Luinenge nyama lulye!’

MAITALA 11:19

Mochilya nyama chi ko mfiri fumu, ang'u iwi, ang'u itanu ang'u ikumi ang'u makumi hawi tupupfo,

MAITALA 11:21

Kyaindi Mose kawia Mndumii-Ruwa, “Itala lya wandu njiwateteṟa iya nyi shiku mahana haṟandaṟu waichumia na madende, na iyo kohamba “Nochiwainenga nyama iwashikie meri fumu!

MAITALA 14:3

Nkili Mndumii-Ruwa ailuduo ipfo orukenyi? Lochiwaaho shidenyi, na waka wadu na wana wadu wadao masinga ha shidenyi! Chi nanga lukawuya na Misri?

MAITALA 14:4

Kiidima wakawoka iwiana, “Lukaesambuṟa msongoru, luwuye na Misri.”

MAITALA 16:13

Ngesa, nyi kindo kitutu ili kuleluwuta kulya Misri, oruka luwode maruwa na wuki, kundu noche iluwaahia kunu nuka? Kingise, nokutana mnene odu!

MAITALA 20:4

Nki ili mleluende na kunu nuka so mamiingi fo Mndumii-Ruwa Ngesa! Muleluende kundu luarisike na shuma shadu?

MAITALA 21:5

Nahong'u wakawoka inunuwia Ruwa na Mose, wehamba, “Nki ilyi muleluwuta kulya Misri luche ipfiia kunu nuka? Kunu kuwode kelya manya mṟingapfo; naso lolemo nyi kelyaki kya mlo fumu.”

MAWUTO HA WASU 13:41

‘Ambuyenyi nyo wemina! Ṟihionyi muhende ideka. Kipfa ngatana ngata mafiri ha hanu, ngata ii mulechiidikya manya le ma mndu kamdambuya munu!’”

1WATESALONYIKYE 4:8

Nkyo kimaduma mndu aleha iki aileha mndu o wandupfo indi Ruwa chu alemwinenga nyo Mumuyo oke mwele.

YOSHUA 24:27

Kyasia Yoshua kawia wandu walya, “Ambuyenyi iho li nyi lyawa mṟingishi odu, kyamba nyi lyaicho madedo halya hose Mndumii adeda naso, koikyo nyi lyechiwa mṟingishi kiidi kyanu kundu mulahende ilekana na Mndumii-Ruwa, Ruwa onu.”

1SAMWELI 10:19

Inu kudi monjileha inyi Ruwa onu msa njilemuashuo kuwuka ngapo na fowa tsanu; nanyo mohamba, ‘O manyale!’ Luinengenyi mangi moluchilia. Mui shisharinyi shanu na kui shiku shanu.”

1SAMWELI 2:30

Ko ikyo, Mndumii-Ruwa, Ruwa o Waisraeli nahamba adi, ‘Njileteṟia ke wa mba yapfo na ya wameku wapfo mochicha oshangunyi loko munjiṟundie mlungana;’ kya indi wulalu Mndumii-Ruwa nahamba adi, ‘Mbonyitso tsikae kuleshe na inyi. Njechiindia walya wekenjiindia, na walya wanjiminie njechiwamina.