MAITALA 10:10 - Bibilia Kui Mdedie fo Kimochi

¹⁰ Nawudo-da kiheri kya mfiri yanu ya sia, cha mkonu mnene fo meri, na mfiri ingi ing'anyi, mochikapa taṟumbetatsi kiheri muilekia shidaso shanu shemaya modonyi, na shidaso sha mwano ya ofoṟo. Nlyondi njechimukumbuo Inyi Ruwa onu. Inyi nyio Mndumii-Ruwa, Ruwa onu.”

MAITALA 10:10 ပူးပေါင်းရင်းမြစ်များ

2WAMANGI 4:23

Kambia, “Nki ili ukundi ihenda inu? Chi iwoneka lya meripfo, ma chi Sabatopfo.” Na mka kamhaluo, “Makulakusaṟe.”

1MBONYI TSA MAHERI 15:24

Shebania, Yoshafati, Nethaneli, Amasai, Zekaria, Benaya, wawei wakohanyi, na waleinengo iṟunda lyekapa membe oshangunyi lo isanduku lilya lya Ruwa. Obed-edomu na Yehiya nawo waleinengo iṟunda lyeringa isanduku lilya.

1MBONYI TSA MAHERI 15:28

Kyasia, Waisraeli wose wakaduo isanduku lilya lya mkundana lya Ruwa Yerusalemu wai na sia ing'anyi, wechishina na ikapa ombe, membe, matoasi, na ṟu lying'anyi lya shinanda na shinubi.

1MBONYI TSA MAHERI 16:42

Hemani na Yeduthuni wawekeri ikapa membe na matoasi ko ṟu ling'anyi warianyi na waimbi, wechiṟumisha Ruwa. Wana wa Yeduthuni walesambuṟo wakainengo iṟunda lyeringa kichumi.

2MBONYI TSA MAHERI 29:26

Walewi walehoṟoka na shihia shawo sha wuimbi sha Dawidi, na wakohanyi nawo wakawehoṟoka na wawode membe tsawo.

2MBONYI TSA MAHERI 29:28

Na wandu wose sa waweiho, wakalungana na wengi wuindinyi wo Mndumii-Ruwa. Waimbi wakaengeṟa iimba, na membe tsikaengeṟa ikapo mṟasa rungutsu tsose tsewuta kidaso kyo kemaya modonyi tsikasia.

2MBONYI TSA MAHERI 7:6

Kyasia orio mndu kahoṟoka kiheri kya mfuho fulya. Wakohanyi wakahoṟoka wechikapa membe handu wawewateṟie wahoṟoke. Walewi nawo wakahoṟoka waambuyanyi na Wakohanyi, wechikapa shihia sha shiimbo sha Mndumii-Ruwa, sa Mangi Dawidi aleshisungusia Mndumii-Ruwa, shemuana ko ikunda lyake lilawode matstitsionyi.

EZRA 3:10

Lilyamandi walewoka iwika otende lulya lo hekalu, wakohanyi waleṟaa maṟao hawo warie na tarumbeta tsawo na wana wa Lewi walya wa oshari lo Asafu wakahoṟoka na matoasi hawo. Wakaṟumisha Mndumii-Ruwa, chando Mangi Dawidi o Israeli awawasie.

NEHEMIA 12:35

Wakohanyi waleoshana nawo warie taṟumbeta nyi; Zekaria mana o Yonatani, mana o Shemaya mana o Matania, mana o Mikaya, mana o Zakuri, mana o Asafu,

SHIIMBO SHA DAWIDI 150:3

Mwichikenyi kui mrundumo fo iranda; mwichikenyi kui kinanda na kinubi.

SHIIMBO SHA DAWIDI 81:3

Kapenyi iranda madoyenyi ha meri, kiheri meri fuiwaa, mkonu mnene fonu.

SHIIMBO SHA DAWIDI 81:4

Kipfa nyi iwawaso ko Waisraeli; nyi mdumbuye fo Ruwa o Yakobo.

SHIIMBO SHA DAWIDI 89:15

Nanga wandu walya waichi ṟu lya sia. Ewo Mndumii, wekechumia kiidi kya sa ya kyamu kyafo.

IWUKA 28:29

Na Aroni nechiduo marina ha wana wa Waisraeli kulya iṟaonyi lya kipeeta lya mdumbuye huya mrima foke, ili echiida na handu haele, kiwe ngumbuo oshangunyi lo Mndumii-Ruwa kiheri kyose.

IWUKA 30:16

Na iyo nochiambia fesatso tsa kisanza mawokonyi ha wana wa Waisraeli na itsisuṟuma tsa wuṟundi wo ihema lyekoyana kundu tsiwe ngumbuo ya wana wa Waisraeli oshangunyi lo Mndumii-Ruwa, kundu wawike kisanza kipfa kya mrima yanu.”

YESAYA 27:13

Nakyo kechiwa kiidi kya mkonufo, taṟumbeta iya ing'anyi yechikapo, na iwo wawei kufui na iarisika kiidi kya oruka lo Ashuru wechicha; na iwo wawei wawihitse kiidi kya oruka lo Misri; wo nyi weechiindiya Mndumii kiidi kya fumvu liele ipfo Yerusalemu.

WALEWI 23:24

“Wia wandu wa Waisraeli kudi: Mfiri fo kuwoka fo meri fo mfungade mochifuhaluo mfiri fosia moo, mfiri fo ngumbuo yechiedio kui ṟu lya maranda na iwada kisanzio kiele.

MAITALA 10:9

“Kiheri kya shida orukenyi lonu yekapana na wakituwa waimuṟinjawia, mochiloṟa kichano kya shida mochikapa taṟumbetatsi kundu Mndumii-Ruwa, Ruwa onu namukumbuo na imwashuo na wakituwa wanu.

MAITALA 28:11

“Mawookyonyi ha orio meri, mochiinenga Mndumii-Ruwa mwano fokoṟa modonyi: shipung'a shitutu shiwi, isuwa limu; masuwa matutu mfungade ha maka fumu, halawode tewe.

MAITALA 29:1

“Mfiri fo kuwoka fo meri fo mfungade, mochiwika kisanzio kiele. Manya mulaṟunde kindo. Ifo nyi mkonu fokapa iranda.

MATAYO 11:28

Kekucheenyi na koko nyo, mukeri iwina muwei walemye nyi maṟio malemeri; na inyi njimuwihiṟye moo.

MAWUTO HA WASU 10:4

Nao kamwambuya a mṟihie kaowuo kahamba, “Nkyo iki kindo ki Mndumii?” Kambia “Shiterewo shapfo na shilewekudooya shikashika kikumbuyonyi kya ipfo oshangunyi lo Ruwa na shisaṟyo shapfo.

1 WAKORINTO 15:52

Waṟu cha ili okema kiheri kya ombe lofurumya; kyamba kochikapo ombe na wapfu wechiṟuka warie moo fulechisia naso lochiilachika.

1WATESALONYIKYE 4:16

Kipfa matika halya koichio iwawaso lyeamtsa ṟu lya msu mwele mchili na ombe lo Ruwa lochideda, Mndumii kachesoka ruwehu, oweṟe na lulya wapfie wa Kristo wechiṟuka wasonguo.

1WATESALONYIKYE 4:18

Wihiṟianenyi moo nyo muwenyi na wenyi mochiongoyana oloho lu.

YOSHUA 4:7

Nyi lyo mandi mochiwawia, ‘Kiheri isanduku lya mkundana lya Mndumii-Ruwa lileambatso medenyi fo Yordani, mṟinga fo meda fo nyi fuletirima fulakisoke se.’ Koikyo maho ho nyi hechiwa ngumbuo ya Waisraeli mlungana.”

YOSHUA 6:4

Na wudo wakohanyi mfungade warie maranda hawo ha membe tsa masuwa nyi wechisongoya isanduku lilya lya mkundana. Ili mkonu fo mfungade nyi mochitengetia mṟi fo ka mfungade, kunu wakohanyiwo wechikapa membe tsawo.

OTAMBAHALUO LO YOHANE 22:17

Na Mumuyo na Moaliko ulya wo wahamba, “Ke-njoo-wo.” Na moicho ikyo nahambe, “Ke-njoo-wo.” Na ichu awodo nyi nyoda nakuchee, na orio molanga naambye mṟinga fo moo echifurutso fo nga.

1SAMWELI 20:5

Dawidi kambia, “Ngama nyi mkonu fo meri okombe, inyi njikundikie mesenyi ilya shelya hamu na mangi. Kyaindi leka, njihende iowa kulya demenyi itane mkonu fo kaṟaṟu kyukanyi.