LUKA 9:41 - Bibilia Kui Mdedie fo Kimochi

⁴¹ Yesu kahaluo kahamba, “Ee, nyo kishari kilawode iidikia kihendie makika! Aka-le-wo, nyi njekaa nanyo njishike indii, a njiwe moduana nanyo njishike indi? Keende mana-cho opfo na iya?”

LUKA 9:41 ပူးပေါင်းရင်းမြစ်များ

2WAMANGI 5:8

Elisha kekiicho ke mangi ya Israeli, naranduo maṟao hake, naalyo kaduma mndu ko Mangi, kechihamba, “Kitewe uranduo maṟao hapfo nki? Nache na koko nao nechimanya ke kuwode mwikimbi kiidi kya Israeli.”

SHIIMBO SHA DAWIDI 78:8

Ee-da, walawe cha wandee wawo, kishari kya mtoolo na wutimbiri, kishari kilekekusungusia mrimenyi, manya mrimenyi foke fulawei lohi ko Ruwa.

IWUKA 10:3

Kyasia, Mose na Aroni wakaida na ko Farao, na immbia, “Mndumii-Ruwa o Waebri, nahamba adi, Ngesa! Nochileha mṟasa indi ihendelia oshangunyi loko? Inenga wandu wako momu wakuhendie, kundu wanjiṟundie.

IWUKA 16:28

Mndumii-Ruwa kawia Mose, “Mochileha iwada wuikimbi woko na mawawaso hako mṟasa indi?

YEREMIA 4:14

Iyo Yerusalemu sanja mrima fopfo ulawade wuwicho, kundu uidime ikia. Mahio hapfo mawicho hechikaa kiidi kyapfo ushike indii?

MAITALA 14:11

Kyasia Mndumii-Ruwa nalewia Mose, “Wanduwa wechinjimina kudi mṟasa indii? Na nyi mṟasa indii wechihutsa macha koko, manya chandu ndewuta ṟiho tsose kiidi kyawo?

MAITALA 14:27

“Kituṟuki kya wandu wawicho wechinjinunuwia wadi mṟasa indi? Ngalemo na inunuwalyi lya Waisraeli kyako!

MATAYO 11:28

Kekucheenyi na koko nyo, mukeri iwina muwei walemye nyi maṟio malemeri; na inyi njimuwihiṟye moo.

MATAYO 12:39

Nao kahalwo kawawia, “Mbaṟi-i ya wandu i mbicho idahye na iṟuhuya nyi ipfula kiṟingishyo. Nayo ma yechinengyo kiṟingishyopfo chila na kiṟingishyo kya mwikimbi Yona.

MATAYO 12:45

Nalyo fukahenda fukaonduo mṟufu mbicho ingi mfungade i mbicho ikafuida fo fumenyi fukacha fuirie, ikasamya-ho ikakaa-ho. Naho mbonyi tsefurumya tsa mndu ulya tsikawa nyi mbicho kota na tsa kuwoka. Na mbaṟi i ya wandu i mbicho ido kyayo na wudo yehenda.’”

MATAYO 16:4

Mbaṟi i ya wandu ii mbicho idahye na wameluki nyi ishiha kiṟingishio. Nayo ma yechiinengo kiṟingishioyo, chi kokoya nyi kiṟingishio kya Yona.’” Nalyo kawada-ho kahenda.

MATAYO 17:17

Yesu kahaluo kahamba, “Mui mbaṟi ya wandu ilawode iidikya muhendye na mkika, akashika njekaa nanyo njishike indi? A njimduo njishike indi? Mendenyi na handu njii!”

MATAYO 23:36

Nyi kya lohi ngambia, ‘Ikyo kyose nyi kekaa kiche huye ya rika-li lya wandu.’”

MATAYO 3:7

Nao lyandi alewona Wafarisayo wafoi na Wasadukayo wechicha na wupatisonyi kawawia, “Nyo mui malea ha njoka, nyi mndu o ku alemlosha idicha nyashi iya iriiye icha?

MARIKO 10:14

Yesu kekiwona ado, kasungulula kawawia, “Kelekenyi shiwana shikucheye na koko, ma mlashiime; cha kipfa wandu wado chasho nyiwo Wumangi wo Ruwa woewa wowo.

MARIKO 10:49

Yesu katirima-ho kahamba, “Kemlahenyi.” Wakalaha kipfupfuṟe ulya wechimbia, “Kyewuuyo nyi moo! Kure, nyi akulaha.”

MARIKO 9:19

Yesu kawahaluo kahamba, “Nyo Mui mbaṟi ya wandu ilawode idikya, Njikae nanyo njishike indii? A njimpfirilie njishike indii? Mwendenyi na iya hando njikeri.”

LUKA 8:25

Nao kawawia “A iidikia lyanu nyiiku li?” Wakaowuo, wakaṟihio, wakawiana wo wenyi na wenyi “A ulalu nyiu-wo ichu, ili awawasa otanu na mṟinga nasho shikawemwicho?”

LUKA 9:40

Ngaterewa iwo wa kiloshionyi kyapfo wafuwute, walaidime.”

LUKA 9:42

Kekicha na alyando ai, mṟufu ulya kawemrakuo-rakuo na imrengetesha-rengetesha. Yesu katilima mṟufu ulya o ngafu, kachiṟa mana ulya, kamnengia ndee.

YOHANE 14:9

Adi Yesu kambia, Filipo kiheri ki kyose ngamekaa nanyo na iyo kulanjimanye? Ichu amenjiwona inyi ammaa iwona Wande. A kyawa kida ili ohamba, keluloṟe-wo Wande chu?

YOHANE 20:27

Kiidima kawia Toma, “Keende-ng'u kimnyo kyapfo na aa noweambuya na mawoko hako, uweende na owoko lopfo noluwike aa owarinyi loko. Ma kulawe mlemeshi iidikya kya indi uwe mwidiki.”

MAWUTO HA WASU 13:18

Kawalisya kulya nuka maka iwe makumi haana.

MAWUTO HA WASU 2:40

Kawaṟingishya na madedo hengi hafoi na iwatutuma kewawia, “Lekanenyi na kishari ki kya mtolo.”

WAROMA 2:4

Ang'u ngesa upiṟye wuwongoya woke na wutsitsa na wuleeli wufoi wudi kulamanye ke wucha wu wo Ruwa wokuitika udumbuye umhalukie kui mrima?

NGUMBUO YA MAWAWASO 32:5

“Kyaindi nyo muledeko wuhendeli woke nyo muise wana wakesepfo kipfa kya wuwicho wonu; nyo mui kishari kiwicho na kidekie.

WAEBRANIA 3:19

Natso na lowona walalekuidimya yangya-ho kipfa kya wulemi wulya.

WAEBRANIA 4:11

Nakyo kiluitike luwinye ikuangya ipfo hando kuwode olele lulya, kundu ma kulakae-ho echihutso nyi kitewe kya wulemi wulya.

WAEBRANIA 4:2

Kyamba naso luiwaongoye ndumi ya sia chawo. Indi idedo lilya waleliicho lilewaekya kindopfo kipfa yadanya lyawo lilawelungyo mwidikye.

WAEBRANIA 7:25

Ikyo kyaenenga aidima iwonya iwa waichea Ruwa wakuwawie nao okiio lo mlungana, kipfa ekaa na moo maheri hose mowaterewya-ho.