LUKA 9:26 - Bibilia Kui Mdedie fo Kimochi

²⁶ Kipfa orio mowada sonu tsako inyi ang'u tsa shidedo shako, o ichu na Mana o mndu na echeewada sonu tsake ili echikaa nache na wusuṟi woke, nyiwo wo Nde na wo wamalaika wake waele.

LUKA 9:26 ပူးပေါင်းရင်းမြစ်များ

YESAYA 53:3

Nataluke kaweleho nyi wandu; Mndu aichuo fowa, aichi ikuinadia; Kawewa motewa wandu waṟike shamu shawo. Naletaluka nalawono ma cha kindo.

DANIELI 7:10

Meda cha fo modo fukaida oshangunyi loke; shiku na shiku wukamṟundya, na shiku ikumi ka shiku ikumi wakahoṟoka oshangunyi loke, mwanduye fukawiko, shitapu shikatambaṟuyo.

MATAYO 16:27

Kipfa nyi kochikaa Manomndu nache ai wusuṟinyi wo Nde arianyi na wasu wake wa ruwehu. Nalyo nainengye orio mndu ose kyake kimsumhanye ipfo mawutyenyi hake.

MATAYO 25:31

“Kyaindi ilindi Manomndu echicha ai na wusumuhanyi woke arianyi na wasu wake wa kulya ruwehu wo wose, nalyo echidamya ipfo loṟike-hu lo wusuṟi woke.

MATAYO 26:64

Yesu kambia, “Naakyo ohamba. Na inyi ngambia, wokia wulalu mochiwona Mana o mndu adamye ipfo ora lo kulyo lo pfinya-ii itoṟye akeri icha ai huyaa mapuchi ha ruwehu.”

MARIKO 8:38

Mndu oose monjiwadia sonu inyi na madedo ha hako kunu kiidi kya mbaṟi ya wanyamaṟi na walasaṟie Ruwa, na Manomndu nyi echimbadia sonu ili echikaa nache na wusuṟi wo Nde handu hamu na wamalaika waele.”

YOHANE 12:43

Kyamba nyi wawekundi iṟumisho nyi wandu kota irumisho nyi Ruwa.

YOHANE 5:44

Nyi wuda moidima iidikya nyo ili mokeringa kiṟumi mukeri muiwikyana muwenyi na wenyi, na kiṟumi kilya kicheye ko Ruwa amonyi mulaikiwalya?

MAWUTO HA WASU 10:22

Wakahamba, “Nyi Kornelio mchili mndu mhoṟotsu aowoye mnu Ruwa menyi kiṟumi kicha ipfo osharinyi lo Wayuda lose, o alewawaso nyi malaika mwele ke nadume wandu kopfo nohende kulya kanyi koke nakuadanye kindo ochimbia.”

WAROMA 1:16

Kyamba inyi njilapfia sonu kya Ndumi yo ya Sia ya okiio, kyamba nyi ikeri pfinya ya Ruwa yewonya orio mwidiki oletso iasie na mndu Myuda na mndu Mgriki.

2 WAKORINTO 12:10

Nkyo kimaduma kichihianyi na inyi kikeri kiile, ili njii wufafenyi ang'u shituryonyi ang'u shiwiṟenyi ang'u shiterengyonyi ang'u shipeṟehetsanyonyi shiwe shinjihoya kimaduma kya Kristo. Kyamba mandi njiiwufafenyi lyondo njii na pfinya.

WAGALATIA 6:14

Indi kyako inyi njichi kiṟumi kingipfo shila nyi kya msalaba fo Mndumii odu Yesu Kristo. Mfo fonnenga wuyana wukambiia wupfu na inyi ngawuwiia mpfu.

1TIMOTEO 5:21

Ngakututuma na kamu njii oshangunyi lo Ruwa na lo Kristo Yesu na lo wasu waele wasambuṟe ke uringe ishi kulawone kosuya mndu ma kulawute kindo ochikundia mndu.

2TIMOTEO 1:12

Nakyo kyatewa ngaliso wukiwa wo isho. Indi ngapfia kyasho sonupfo, kipfa njichi ichu njimkusirye njii mbanzie imanya ke o awode pfinya yeringa kilya njimsumumbe itane Mkonu fulya fulya.

2TIMOTEO 2:12

“Kokoya lokutirisia hamu nao, na itoṟya lochiitoṟia da kimu nao. Kokoya so lomkana nao echilukana so da.”

WAEBRANIA 11:26

Nyi alehamba isutso kimaduma kya Kristo lyo liende wusuṟi kota shisa sha Wamisiri, kyamba nyi aleringa wuṟundi wulya.

WAEBRANIA 13:13

Hondo lukuwutie tewe so luwuke otiṟiwenyi lulya lusangane nao nja iya lochikudika na wusutsu wulya awei-mwendie o.

YUDA 1:14

Indi kyawo na Enoki mku chu o mfungade wokia Adamu alemaa ideda kui Mumuyo kehamba. “Ambuya Mndumii nechicha arianyi na malaika wake wai matorito ha shiku ikumi ikumi.

OTAMBAHALUO LO YOHANE 1:7

Ambuya, nyi icha akeri ipfo mapuchi-hu na orio riso lyechimbona, na iwona wechimbona walya walemtocha. Na mbaṟi tsa wandu tsose tsechimlilia. Ee da, nakyo. Amenyi.

OTAMBAHALUO LO YOHANE 20:11

Na ngamambuo ngawewona loṟika lo wuitoṟi lung'anyi luili, na ichu awedamye-ho. Ruwehu na oruka shikaarisika oshangunyi loke. Shilakiwono-se. Nasho shilawewonyo handu hekaa.

OTAMBAHALUO LO YOHANE 21:8

Indi wandu walya wai waowu; na walaidikie; na wenyi paṟi; na wawahi; na waṟuhui, na wasawi waruwia weruwia wuṟoi na weindya mfanano na wededa wongo wose, kyoṟa kyawo nyi kya ipfo nduwenyi yeaka modo fo kibiriti. Nyilo opfu lulya lo kawi.”

OTAMBAHALUO LO YOHANE 3:5

Wawinzi nyi wudo wechiṟiko nguwo njiili. Na marina hawo njechihaangatsa kitapunyi kya moopfo. Na inyi njechiwaṟingishia ke nyi wako oshangunyi lo Wande oko na oshangunyi lo wamalaika wake.’