LUKA 9:1 - Bibilia Kui Mdedie fo Kimochi

¹ Kyasia kalaha walya ikumi na wawi na handu hamu, kawainenga pfinya na chila yeng'anyia waṟufu wawicho na ichiṟa ndaaṟe.

LUKA 9:1 ပူးပေါင်းရင်းမြစ်များ

MATAYO 16:19

Njechikuinengya njopfunguo tsa wumangi wo ruwehu, na kindo opfunga kunu orukenyi kyose kiwekaa kikipfunge; na orio kindo omepfunguo kunu orukenyi kyose na kulya ruwehu na kyekaa kiwei kipfunguo.”

MATAYO 4:24

Na kiṟumi kyake kikahenda dung'ana kulya Siria kose. Wakamwendie wandu waluo wose, walya wai warohie nyi ndaaṟe tsa orio mbaṟi kawachiṟa wose.

MATAYO 8:9

Kipfa na inyi nyi nji mndu nji mwitoṟye nyi wuchili, indi na inyi na njiwode wasikari wai shi-ako. Na inyi njechiwia-ho ichu, ‘Henda!’ Nao kahenda. Ngawia ichu ungi, ‘Kenjo!’ Nao kacha. Ngawia na isinga lyako, ‘Henda wuta wuliwe!’ Nao kawewuta!”

LUKA 10:1

Iya numa-numa Mndumii kasambuṟa wasoṟo wengi makumi mfungade, kawaduma wawi wawi wahende imsongoya, wahende kundo ko mṟinyi kose, na handu hose ekaa nache naho.

LUKA 10:19

Kyasia na inyi nyi njimwinengie pfinya yechumia njoka na shisuwa na ya orio pfinya yose ya mkituwa, ma kuipfo kindo ma kida ma kida kechimukapapfo!

YOHANE 14:12

Ni lohi kya lohi ngamuwia, Mndu kanjiidikya inyi, mawuta ngawuta nao da echiwuta, na manenenene kota ho echihawuta, nyi kipfa inyi nyi ipfo ko Wande njihenda.

MAWUTO HA WASU 1:8

Kya indi nyo mochiambya pfinya ili Mumuyo Mwele echimsokya. Nanyo nyi mochiwa waṟingishi wako ipfo Yerusalemu na Yudaya kose na Samaria itane mokoya mtsitsionyi fo masanga.”

MAWUTO HA WASU 3:16

Na mwidikye foidikya rina lya Yesu, ili akusirye nalyo, rina lyake nalyo lyaṟamtsa mndu chu mumbonyi na immanya. Mwidikye fomwidikya o mfo fowonesya mndu chu oru loke iya oshangunyi lonu mose.

MAWUTO HA WASU 4:30

Nohoṟuo owoko lopfo lochiṟa wandu kundu shichano na ṟiho tsitanyike kui rina lya manopfo mwele o Yesu.”

MAWUTO HA WASU 9:34

Petro kambia, “Ainea, Yesu Kristo akuchiṟa. Kure noale kitaṟa kyapfo iyo kumonyi.” Oweṟe nalo kakure.