LUKA 7:39 - Bibilia Kui Mdedie fo Kimochi

³⁹ Kyasia Mfarisayo ulya amlahie shelyenyii kekiwona ado kahia mrimenyi foke amonyi kehamba “Kokoya ichu nyi ai mdedi o Ruwa, nyi awechimanya ke mka-chu nyiu, na mbaṟi yake nyi ida, ke nyi mka mnyamaṟi!”

LUKA 7:39 ပူးပေါင်းရင်းမြစ်များ

2WAMANGI 5:20

Kyaindi Gehazi, mṟundi o Elisha mndu o Ruwa kahamba, “Ambuya mndumii oko naleha shindo shilya Naamani alemeendie so Mndumii ai na moo, inyi njechimwosha, njewikia mteeṟa, njiambie kindo koke.”

MFANANO 23:7

Kipfa chando awonyi ipfo mrimenyi foke nyi wudo ai. Nekuwia, ee, lya, nyo; Indi mrima foke fui hamu na iyo pfo.

YESAYA 65:5

Wandu wekehamba “Hoṟoka iyo kumonyi, ulanjisembeṟe kipfa inyi njii Mwele kota iyo; wandu wo nyi mtsu mbuonyi tsako, modo foaka mfiri puti.

MATAYO 20:16

Nyi wudong'u iwo wafurumya wechiwa wasongoru na iwo wesonguo wawe wafurumi.”

MATAYO 21:11

Na wandu walya mamwingi wakahamba, “Ichu nyi mwikimbi nyi Yesu awukye kulya Nasareti ya kulya Galilaya.”

MARIKO 7:21

Kipfa kyekyeuka ipfo ngoonyi ya mndu nyisho mahio mawicho; isokomba na isokombo; wuiwi na wuwahi.

LUKA 12:17

Nao kakusaṟa-saṟa mrimenyi kahamba, ‘Nyi wuda njiechiwika, ili ndawode kundu njesambuya shelya sako?’

LUKA 15:2

Wafarisayo na walaanyi wa shitapu wakarihinyika wakahamba, “Ichu nyi ekeambia wanyamaṟi na ilya kalya nawo.”

LUKA 16:3

Mhidi ulya kahia ipfo mrimenyi koke, ‘Nyi wuda njechiwika ngesa, ili mndumii oko anjifuna wuhidinyi? Idema njechiidimapfo, na yeṟeṟa nyi njechiwado nyi sonu tseeṟeṟa.

LUKA 18:4

Nao nalakunde, kambetesa haleshe. Numa kawuya ihamba ipfo mrimenyi koke, ‘Ngakaa njilaowoye Ruwa, na ikusaṟa kya mndu ma uhya.

LUKA 3:8

Kyasia loṟenyi kui mawuto hasumhanyi ke modumbuya, ma mlawone mochideda muhambe, Luwode ndeadu nyi Abrahamu; cha kipfa ngamuwia, Ma maho-ho, Ruwa nechiidima yalutsia-ho Abrahamu luwa.

LUKA 7:16

Wakawado nyi wuowu wose wakaidapfuma Ruwa wehamba “E lae; kodu komekure mwikimbi o Ruwa ang'anyi, na Ruwa amesahia-ng'u wandu wake.”

LUKA 7:37

Adi aichu mka o kulya mṟinyi ai monyamaṟia Ruwa, aleicho ke nyi adamie kiliionyi kya choonga ipfo mba ko Mfarisayo ulya, kacha naho arie kichupa kya alabastro kiwode mafuda hepfaama.

LUKA 7:38

Kacha ihoṟoka alya numa ya madende hake kechilia, kawooka ichoweṟa madende halya hake na mchenyeṟe iya; kawuya ihaanguo na njui tsa ipfo mdonyi koke. Amiidima ado kakomba-komba madende halya hake, kahashia mafuda halya hepfaama.

LUKA 7:40

Yesu kahaluo kambia “Simon oko, njiwode kindo kyako njiikuwia.” Nao kahamba “Mlosha, kuhambie, mwaaria.”

YOHANE 4:19

Mka ulya kambia, “Hoi Mndumii, njiwonyi iyo nyi ukeri mwikimbi.

YOHANE 7:12

Na wandu walya wafoi waweiho wakachila mnu kyake. Walya maata wakahamba, “O ai mcha wyo.” Maata wakahamba, “Ote nyi adekesha wandu.”

YOHANE 9:24

Nahong'u wakawuya wakalaha-se mndu ulya awei kipfupfuṟe wakambia, “Hamba lohi oshangunyi lo Ruwa. Kya mndu chu luichi ke nyi akeri mnyamaṟi.”