LUKA 6:20 - Bibilia Kui Mdedie fo Kimochi

²⁰ Naalyo kairia meso kaambuya walya wa kiloshionyi kyake kahamba, “Wungusu nyo mui wakiwa, cha kipfa wumangi wo Ruwa nyi wui wonu!”

LUKA 6:20 ပူးပေါင်းရင်းမြစ်များ

SHIIMBO SHA DAWIDI 37:16

Kitutu awode ichu o wulohi kii nanga Kota masaa hafoi na walai na wulohi.

MFANANO 16:19

Nanga owada mrima fo ikunyiiṟa hamu na mkiwa, Kota ihawa shiende shidenyi hamu na wa orikiki.

MFANANO 19:1

Nanga mkiwa ai msumhanyi, Kota mdetsi o dumbu ai tondo

YESAYA 29:19

Walya wakunyiiṟie wo wechiengeṟa sia yawo kiidi kya Mndumii, na wakiwa kiidi kya wandu wechichihiyo kiidi kya Mwele o Israeli.

YESAYA 66:2

Owoko loko nyilo lulewika ishi shose, shindo shi shikawutika Mndumii ahamba; kyaindi mnduchu nyio njechimwambuya, mndu ai mfafa, awode ngoo ikunyiiṟie, ichu ekeicho idedo lyako kaliowuo.

SEFANIA 3:12

Indi njechitsuhaṟa wandu waangu walya waiwawonyie na wakiwa, nawo wechiidikia na ikusiria rina lyako inyi Mndumii.

ZEKARIA 11:11

Nayo ikafunjo mkonu fulya; ko ikyo machondi halya hawei mapootse halenjiadanyia hakamanya ke idedo lyi nyi lya Mndumii.

MATAYO 11:5

Wapfu meso a-iwang'u waiwona, na shiricheche aiwa waihenda. Na waluo saka waiheremka, wapfu madu a iwa waicho, na wapfu nyi waṟuka, na wakiwa a iwa waiongoyo mbonyi tsa sia.

MATAYO 25:34

Nalyo mangi echiwia walya wakeri ora loke lo kulyo, ‘Kenjonyi mui wawikei ona nyi Wande oko. Kehenda kaenyi kyoṟenyi kya wumangi kyanu muwasuṟumiye kuwokia masanga hambiko.

MATAYO 5:1

Kyasia nao ili alewona wandu walya wakeri-pfo mamwingi, kado kundu ko fumvu-hu. Amiidima idamia, walya wa kiloshio kyake wakacha ihoṟoka handu ai.

LUKA 12:32

“Ma mlawone mochiowuo nyo poo itutu; kipfa nyi kilechihia Ndeyanu imuinengia-nyio wumangi-wu.

LUKA 13:28

Nlyondo kochikaa-ho yeṟeṟa na iimadya maheho ili mochiwona Abrahamu na Isaki na Yakobo na wadedi wa Ruwa wose wakeri ipfo wumanginyi wo Ruwa, nanyo muwenyi muwone ke nyi muwapfungie nja.

LUKA 14:15

Kyasia umu o walya wadamie nao shelyenyi aicho ado kambia, “Wungusu ichu ekaa nakuliie choonga ipfo wumanginyi wo Ruwa.”

LUKA 16:25

Abrahamu kahamba, “Manoko, kekumbuo-wo chando iyo kuwei-yambia mecha hapfo lilya mandi uwei na moo orukenyi, na Lasaro kyake kaambia mawawio tupu na wuale, nao wulalu iya nyi aiwihiṟyo moo na iyo kowawiṟo.

LUKA 4:18

“Mumuyo fo Mndumii nyi huyako fui; cha kipfa njimshimbuo na mafuda, njihende yongoya wakiwa mbonyi tsiwode sia. Anjidumie njihende yongoya wapfungo yashuka, na wapfu meso wechiwuya iwona. Njihende ilekia iwo wai wafaṟe wakuashukie.

MAWUTO HA WASU 14:22

Wechiwanza mrima ya wa kiloshyonyi na iwatutuma ke wakae necha mwidikyenyi na ke nyi kiluwaṟi ikuidya shiwirenyi shiingi mtano na lushike wumanginyi wo Ruwa.

2 WAKORINTO 6:10

Lui cha ili lui-walise wukiwa indi luwode nyi sia mkonu yose, lui-ho cha wakiwa indi lichisuṟisha weengi, lui cha walawode ma kindo na lui wenyishose.

2 WAKORINTO 8:2

Cha kipfa msiha fowo fuwekuingikye fudi ipfo kundo wafoyo shihesho sha shiwira na wukiwa wowo mawowo shikafeṟa mfeṟa fulya fo wuleki wowo.

2 WAKORINTO 8:9

Kyamba muichi ngata ya Mndumii odu Yesu Kristo irie wutonga woke, nyi ili awei msuṟi adi kahenda haluka mkiwa, kundu nyo ipfo wukiwenyi woke mukuwutie-ho iwa wasuṟi.

1WATESALONYIKYE 1:6

Mukamekuwakisha naso na Mndumii mombada dedo lilya kituryonyi muwewodo nyi sia ya Mumuyo Mwele.

2WATESALONYIKYE 1:5

Isho shose shiṟingishie mdumbuye fo Ruwa fui fo wuhoṟotsu na fo lohi fohamba ke nyo musumhanyi iinengo wumangi wo Ruwa iwu muweiwawiṟo kimaduma kyawo.

YAKOBO 1:12

Nanga mndu msoṟo aikuhoda kiheshyonyi, kipfa ili ambangohoda echiambya oṟo iya nchope, nyiyo moo fu Ruwa alemteṟya walya wamkundi.

YAKOBO 2:5

Wanawawama wako wakunde, kundenyi yadanya. Ruwa chi alesambuṟa iwa wai wakiwa na wa iya wuyana kawatana wasuṟi wenyi-wuidiki na waoṟi wa wumangi wu alewuteṟya walya wamkundi?

OTAMBAHALUO LO YOHANE 2:9

Njiichi matuuro hapfo na wukiwa wopfo, kya indi nyi ui msuṟi. Njiichi na shirumo walekuruma walya wakuhamba ke wai Wayuda nawo walai Wayuda kya indi wakeri siṟi ya Satana!

1SAMWELI 2:8

Nekeiria wakiwa kuwuka kilulyinyi, nekeiria wawuṟie kuwuka mafunyi, kawadamiṟa handu hamu na wanene, na iwainenga kioṟa shidinyi sha kiṟumi. Kyamba ngo tsawuyana nyi Mndumii-Ruwa; o naleilika wuyana huya ngo tsake.