LUKA 24:32 - Bibilia Kui Mdedie fo Kimochi

³² Wakawiana wa-wawi, “A chi luweihya shimbadu kunu ngoonyi tsadu lilyandi aweideda naso kulya njiehu kelutambahaluya mṟeho iya?”

LUKA 24:32 ပူးပေါင်းရင်းမြစ်များ

SHIIMBO SHA DAWIDI 104:34

Nochihiṟo hoi Mndumii-Ruwa nyi mahio hako, kipfa sia yako njekeiwona kopfo.

SHIIMBO SHA DAWIDI 39:3

Mrima foko fukawa modo kiidi kyako, kiidi kya makusaṟo hako modo fukaaka, njilededa kui olimi loko.

MFANANO 27:17

Menya yekenuo menya Nyi wudo mndu ekenuo kyamu kya mbuya yake.

MFANANO 27:9

Mafuda hepfaama hekechihiṟa mrima; Nyi wudo madedo mecha ha mbuya ya mrima hekewuka koke.

YESAYA 50:4

“Mndumii-Ruwa nanjiinengie olimi lo iwo welosho, njimanye chando njechimbanza kui madedo ha icho awinyie, nekenjiamtsa orio mfiri kilawo, kudu koko kuicho cha wandu welosho.

YEREMIA 15:16

Njilewona madedo hapfo ngahalya, ngameṟa hakanjiinenga sia ing'anyi, hakaloda mrimenyi foko. Kipfa inyi njimanyikie kui rina lyapfo. Lyo Mndumii-Ruwa menyi matorito.

YEREMIA 20:9

Wulalu ngahamba ke njechimsenda pfo, ma njechidedase kui rina lyake pfo, kyasia kechiwa cha ili kuwode modo, sa fuiaka kiidi kyako fui fupfinyike, kiidi kya mafuo hako inyi ngalehela itirisia, ma njechiidima ikarishia pfo.

YEREMIA 23:29

Idedo lyako chi cha modo? Mndumii ahamba; Cha kiria kepaṟa maho shipeṟengupeṟengu.

MARIKO 4:34

Alededa nawo kindo kyosepfo chila kui mfanano tupu, kya indi walya wa kiloshyonyi kyake o kawa mowatambahaluya shose kyanya.

LUKA 24:45

Nahong'u katambaṟuo wuṟango wulya wowo wakatamuo mṟeho iya mwele.

YOHANE 6:63

Mumuyo mfo fuiwika moo, mbihufu fumenyi fochiidima kindopfo. Madedo ho ngamemuwia ho hai ha Mumuyo hakawewa na moo.

MAWUTO HA WASU 28:23

Wekimaa iteṟyana nao mkonu wakacha na koke kulyando awelaa wandu sa wafoi kawaongoya neng'cha na iṟingishya wumangi wo Ruwa kechiwadambuya kya Yesu na mweke fo wuwawaso wo Mose na fo waikimbi awoka ngamenyi kashika kyukanyi.

WAEBRANIA 4:12

Kipfa dedo lya Ruwa lirie moo lii na pfinya lii liohi kota orio oshu lulie kuwi, lii soka itana lyapaṟa mrima na mumuyo na mawungo na moongo liileelia mahio na macha hakeri ngoonyi.