LUKA 24:27 - Bibilia Kui Mdedie fo Kimochi

²⁷ Nao kawoka alya ko Mose na waikimbi wose kawatambahaluya shilya shi-shidede sha mbonyi tsake kadung'atsa mṟeho yose.

LUKA 24:27 ပူးပေါင်းရင်းမြစ်များ

MAWOOKIONYI 12:3

Na inyi njechiwikya ona iwo wekuwikia ona, na ichu mokusesa njechimsesa; na ipfo kopfo iyo mbaṟi tsa wandu wa masangenyi wose wechicha iwikio ona.”

MAWOOKIONYI 22:18

na kiidi kya oshari lopfo mkambo ya wandu yose wechicha iwikio ona; kipfa kya ili ohendelia ṟu lyako.’”

MAWOOKIONYI 26:4

Njechipfumbutsa oshari lopfo cha nyenyeri tsa ruwehu, na inyi njechiinenga oshari lopfo njorukatsi tsose, na kiidi kya oshari lopfo mkambo ya wandu wose wa wuyana wechicha iwikio ona.

MAWOOKIONYI 3:15

Njechiwika-ho kituwa kyanu na mka na kya oshari lopfo na lo mka. Nalo lochikuṟinjawia mdofo na iyo noluṟinjawie kitsinano-kyo.

MAWOOKIONYI 49:10

Ndichi ya wumangi yechilekana ipfo ko Yudapfo. Manya mowika mawawaso madendenyi hakepfo. Na kuwede nache Ichu, menyi uikolonyi. Ichu mkambo ya wandu wechimwindia.

SHIIMBO SHA DAWIDI 132:11

Mndumii naleliia Dawidi nyamu idedo lya lohi, echiwuya numa nalitehiepfo, washari maata wapfo kulewafee, njechiwawika loṟikehu lopfo lo wuitoṟi.

YESAYA 1:23

Wanene wapfo nyi watahachi, na mbuya tsa mbafu; orio mndu nakundi itsutsumo, wekeosha itao, wechiinenga ngoeda kilya kyake kisumhanyipfo, wekeicho kieṟeṟo kya mkusu pfo.

YESAYA 50:6

Njilehalutsia walya wenjikapa mhongo foko, walya wetufuo ngerero tsa nguchu tsako; njileṟika kyamu kyako kundu kilatalukepfo ma ipuchio mada-pfo.

YESAYA 7:14

Ko ikyo Mndumii amonyi nyi echimuinenga kichano. Ambuya mana mkeha nechikapika, nechifee mana o womi, nao nechimlaha Imanueli.

YESAYA 8:17

Na inyi njechiwedia Mndumii, moṟika kyaamu kyake ko wandu wa mba ya Yakobo na inyi njechimwambuya.

YESAYA 9:1

Kochiwoneka meeke fodicha ma iowa maheri ha ha kiwipfo. Njoruka tsa Zabuloni na Naftali tsiweinjimine ili mbooko, kyaindi maheri-ha tsilewada kiṟumi kufui na njia ya ipalyipalyi; na oruka lui maambatsana na Yordani, mṟasa Galilaya ikeri ya wahenu.

EZEKIELI 34:23

Ambuya njikeri iwawikia mlisi umu huye yawo, mangi ai cha mṟundi oko Dawidi. Ichu nyi echiwalisa, nawewa mlisi owo.

EZEKIELI 37:25

Nawo nyi wechihenda ikaa orukenyi lo waku wawo ilu njiweinengie Yakobo. Kyamba wana wawo na wachuku wawo nyi wechihenda ikaapfo mlungana.

DANIELI 7:13

Ngawewona se ipfo ndodonyi ya kio, umu ai ofano lo mndu kacha na mapuchi awuka ruwehu, kasembelia mmeku ulya o maka ifoi wakameende na afui.

MIKA 5:6

Wa oshari lo Yakobo wedeoho na moo, wadung'anyie kiidi kya mkambo ifoi, wechiwa cha mlewi fo Mndumii-Ruwa fokewihiṟia moo, cha ṟauṟa ikeolokia maṟa maumu ilakeendo nyi mndu ma ikusihia mndu.

MIKA 7:20

Nochiloṟa wuhendeli wopfo na isaṟia lyapfo, ko kishari kya Abrahamu na kya Yakobo, chandu kulewikia waku wadu kyasa wokia kacha.

ZEKARIA 13:7

“Mndumii menyi Matorito nahamba; kure iyo oshu, kure nokape mlisi oko, mlisi ekenjiṟundia, kapa mlisi o machondi na machondi harahanyike. Njechihoṟwo owoko loko njikape wandu wafafa.

ZEKARIA 9:9

Chihiyo iyo mana o Sioni Kapa ngululu iyo Yerusalemu Ambuya mangi yapfo nyi akuchea Nyi o wusumhanyi nyi arie okiṟo Ai mwoloru ambawe nyi nzoi Lii ihache lya nzoi.

MALAKI 4:2

Kyaindi nyo mukeri india rina lyako, mnengeṟi fo ona fochimuchea, fochiidima imuchiṟa; nyo mochicha na nja na itoola-toola cha shidahina sha mfiṟihenyi.

MAITALA 21:14

Kui kipfa kya ikyo, kikiṟehie kitapunyi kya shida ya Mndumii-Ruwa: “Mṟi fo Wahebu orukenyi lo Sufa, na mapichi ha Arnoni,

MARIKO 4:34

Alededa nawo kindo kyosepfo chila kui mfanano tupu, kya indi walya wa kiloshyonyi kyake o kawa mowatambahaluya shose kyanya.

LUKA 24:25

Nao kawawia, “Nyo mulaichi mbonyi mui mudo na ngoo njilemeri iidikia shilya waikimbi wa Ruwa wahambie.

YOHANE 1:45

Filipo kawona Natanaeli kambia, “Hoo lomekuwonya ichu amhambe nyi Mose na waikimbi, nyio Yesu o Yosefu ulya o kulya Nasareti.”

YOHANE 12:41

Nyi wudo Yesaya alededa lya alewona wuitoṟi woke kawa modeda kyake.

YOHANE 5:37

Nao Wande monjiduma kawenjiwikya kiṟingishyo o amonyi. Nanyo mlemeicho ṟu lyake ma mantapfo, ma fana yake mlemeiwone-pfo.

YOHANE 5:39

Nyo mokeweṟuwetsa Maṟehyo Maele muichi kulako mochiwonapfo moo fo mlungana, ate maṟeho ho nyi inyi. Naho hainjiṟingishya.

MAWUTO HA WASU 10:43

Nao ichu waikimbi wamhambye kya iṟingishya lyawo wose ke orio mndu amwidikye nyi echiwonyo mhoṟye fo wunyamaṟi kui rina lyake.”

MAWUTO HA WASU 3:18

Nyiyo njia Ruwa aleinutsya nayo shilya awesongoye ihamba kui dumbu lya waikimbi walya kya mawawyo ha Kristo.

MAWUTO HA WASU 3:22

Mose nyi ahambye ke, Mndumii-Ruwa odu echimwamtsya mwikimbi echiwuka kiidi kya wanawamanu cha inyi. Nyio ichu muwe mochimwadanya kya shindo shose echimwongoya.

MAWUTO HA WASU 3:24

Ee nyi wudo na waikimbi wokia Samueli na walya waleituma numa yake wose wadedye wechiongwo mbonyi tsa mafiri ha.

MAWUTO HA WASU 7:37

Mose cho nyio alewia wandu wa Israeli, ‘Ruwa echimwamtsya mwikimbi cha inyi ipfo kiidi kya wanawamanu.’

MAWUTO HA WASU 8:35

Nalyo Filipo katambaṟuo dumbu lyake kawoka alya kyasyonyi kya mṟeho fu kamwongoya ndumi ya sia ya Yesu.

NGUMBUO YA MAWAWASO 1:45

Nlyondi mulewuya, mkafihiṟia Mndumii-Ruwa kyaindi Mndumii-Ruwa nalamuadanyie ma nalamusaṟie.

NGUMBUO YA MAWAWASO 18:15

“Mndumii-Ruwa, Ruwa onu, nechimusambuṟia mwikimbi ai cha inyi kuwuka kiidi kyanu nyo muwenyi, nanyo mochimwindia.

OTAMBAHALUO LO YOHANE 19:10

Na inyi ngamwolokya madendenyi hake njikundi imwindia. Kanjiwia, “Leka, kudo ote! Inyi njikeri mṟundi mokyando opfo na o wanawamayo, so lose luwade kilya luwai-waṟingishye nyi Yesu. Nyio Ruwa lochimwindia!” Kyamba kiṟingishyo kya Yesu nyi mumuyo fuiwaya waikimbi.