LUKA 23:35 - Bibilia Kui Mdedie fo Kimochi

³⁵ Na wandu wakahoṟoka-ho wechiambuya. Na waitoṟi walya wakamtaluo wakahamba, “Chi alekiṟa wengi, nakekukiṟa-ng'u amonyi kokooya nyio Kristo amsambuṟe nyi Ruwa!”

LUKA 23:35 ပူးပေါင်းရင်းမြစ်များ

SHIIMBO SHA DAWIDI 22:17

Njechiidima itala mafuo hako hose; wo wanjiambuya na injituluya meso.

SHIIMBO SHA DAWIDI 35:15

Indi ngakapa tulia wekesanza wakachihiyo. Walecha injisanzia wandu ndawaichi Wanjiraharaha watsitsa pfo.

SHIIMBO SHA DAWIDI 4:2

Lanye wandu mṟasa indi kiṟumi kyako kyechisuka? Ngesa nyi mochikunda sha maai na ishiha wongo?

SHIIMBO SHA DAWIDI 69:26

Kipfa wakeri iwonya mndu ulemkapa iyo, waonguo mawawio ha iwo ulewawika shifaṟe.

SHIIMBO SHA DAWIDI 71:11

Wechihamba, Ruwa namda, mlatienyi, mbadenyi, kuwode momkiṟa-pfo.

YESAYA 42:1

Ambuya mṟundi oko njimhoṟotsie; msambuṟe oko, ichu mrima foko fuifuchihiṟe nyio; njiwikie Mumuyo foko huyake; nyio echianduya wandu wa mkambo.

YESAYA 49:7

Mndumii mkiṟi o Israeli, Mwele oke, nawia adi ichu ammine nyi wandu; ichu asuikie ko oshari lu lo wandu; ichu ai mṟundi o iwa waitoṟie; “Wamangi wechiwona, wechihoṟoka; wanene nawo wechipfira ndi; kipfa kya Mndumii ai mhendeli, Mwele o Israeli alekusambuṟa.”

YESAYA 53:3

Nataluke kaweleho nyi wandu; Mndu aichuo fowa, aichi ikuinadia; Kawewa motewa wandu waṟike shamu shawo. Naletaluka nalawono ma cha kindo.

SHILIO 3:14

Wandu wakanjiseka mfiri puti, ngawewa mndu mosalucho nyi wandu wose;

ZEKARIA 12:10

Inyi Mndumii, njechipusuya Mumuyo foko wandu wa mba ya Dawidi na wekaa Yerusalemu wose mumuyo fo osaṟio na iterewa; nawo wechiambuya ulya walemtocha, wo wechihoyo nyi wukiwa na ilia cha ilyi mndu aililia mana oke kimumu nawo wechiicho mawawio kipfa kyake cha mawawio ha mana mmbee ilyi ahoyo nyi wukiwa wuliwe.

MATAYO 12:18

“A ichu msoṟo oko ndesambuṟa, a mkunde nyi inyi, ichu mrima foko fu mchihie nyio. Njechimbikya Mumuyo oko nakae huye yake nao nahende ongoya wandu wa masangenyi mbonyi tsa wusumuhanyi.

MATAYO 3:17

Oweṟe ṟu likalaha liwuka ruwehu likahamba, “A-ichu mana oko a-mkunde ichu njii mchihie kyake.”

LUKA 16:14

Kwipfo mṟundi echidima ipfuṟukanyia womi wawipfo. Kipfa nyi wudi kechihendeka, “Nyi echisuo ichu o kuwooka, nakunde ulya o kawi, ang'u nakuwade na ichu o kuwoka, naisaluche ichu o kawi; Mochiima iṟundia iwa wawi; Ruwa na Mamonapfo.

LUKA 23:13

Pilato kalaha wakohanyi wanene na handu hamu wameeku wa njoshari, na wandu wose.

LUKA 23:39

Wanyamaṟi walya wawewamase kimu nao, ulya umu-ho kawemtaluo kahamba, “Iyo chi iyo Kristo? Kukiṟeng'u kumonyi naso-wo!”

1PETRO 2:4

Nyio Mdumii muimchea ai iho lii na moo lii-lyimine nyi wandu; indi lii-isambuṟe nyi Ruwa, lii-iwikye wuindi ipfo koke.