LUKA 21:33 - Bibilia Kui Mdedie fo Kimochi

³³ Ruwehu na oruka nyi shechikaa shimande, kyaindi madedo hako hechimandapfo.”

LUKA 21:33 ပူးပေါင်းရင်းမြစ်များ

SHIIMBO SHA DAWIDI 102:26

Ishi shechinyamaṟika, indi iyo nochikaa mlungana; ee da, ishi shechikuo cha nguo; cha maṟao nochishiilacha, nasho shechiilachika.

SHIIMBO SHA DAWIDI 119:152

Wokia kacha njilemanya kui wuṟingishihu wopfo, Ke nyi kulewuwika wukae mlungana.

YESAYA 40:8

Maṟa hauma, kiwaṟo kyaaṟawuka, Indi idedo lya Ruwa lyechikaa mlungana.

YESAYA 51:6

Irienyi meso huye ruwehu, mwambuye oruka wanda; kipfa ngina yechideka cha mtsu, oruka lochiwa masaṟa cha nguwo na iwo waipfo wechipfa, indi ofoṟo loko lochiwa lo mlungana, na wulohi woko wochiwutoho pfo.

MATAYO 24:35

Kulya ruwehu kukae kunyamaṟike na kunu orukenyi, kyaindi madedo hako hawode mandi hechinyamarṟikapfo.”

MATAYO 5:18

Kipfa nyi kya lohi ngambia, na kuwede kulya ruwehu kunyamaṟo na sanga, indi ipfo wuwawasonyi kochinyamaṟika-fo ma kichano kimu ma kimcharie kimupfo na shiwede shiinutsio shose.

MARIKO 13:31

Kulya ruwehu kukakye kunyamaṟike na kunu orukenyi, kyaindi madedo hako hechinyamaṟika manyale-pfo.”

LUKA 16:17

Nyi kyaangu ruwehu na sanga shisaramaye, kota kimṟeho kimu kya wuwawaso kechideka.

LUKA 21:32

Nyi lohi ngambia; Oshari-lu lochiarisika manya-lepfo, na kutane ishi shawutika.

1PETRO 1:25

Indi idedo lya Mndumii lyekaa mlungana. Nalyo nyilyo dedo lilemwongoyo konu lyemwendie Ndumi ya Sia.

OTAMBAHALUO LO YOHANE 20:11

Na ngamambuo ngawewona loṟika lo wuitoṟi lung'anyi luili, na ichu awedamye-ho. Ruwehu na oruka shikaarisika oshangunyi loke. Shilakiwono-se. Nasho shilawewonyo handu hekaa.