LUKA 21:26 - Bibilia Kui Mdedie fo Kimochi

²⁶ Wandu nyi wechiuma ndadya kwi kitewe kya wuowu na iwedia shilya shechihoya wuyana; kipfa pfinya tsa ruwehu nyi tsechisingitso-singitso.

LUKA 21:26 ပူးပေါင်းရင်းမြစ်များ

YESAYA 5:30

Wo wechiringona huyawo mkonu fo Cha idihina lya ipalyipalyi; Na mndu kaambuya oruka, nechiwona meema na wukiwa, Na ngela yechiwa mema kiidi kya mapuchi hake.

WALEWI 26:36

Na iwo maata wanu wechikiapfo njechiwaenenga wuowu mrimenyi yawo; kulya orukenyi lo wakituwa wawo; manya iṟa likawiwito nyi otanu wechilidicha. Wechidicha cha ili mndu aidicha shida. Wechidicha na ioloka ma kokoya kulawode mndu aiwawingia.

MATAYO 24:29

“Indi kombona shiwiira shilya sha mafiri halya shamiida kukae handu hatutu nalyo mnengeṟi fuhaluke meema na meeri fulechikiloṟa-se ngela yafo na nyenyeri tsioloke tsiwuke ipfo ruwehu. Na pfinya tsi tsiirye alya ruwehu tsiwekupaya-paya.

MARIKO 13:25

Na nyenyeri tsechiwa molokya tsiwuke ipfo ruwehu, na pfinya tsa ipfo ruwehu tsechisingitsosingitso.

LUKA 21:25

“Kochiwoneka na ṟiho tsa njofano ipfo mnengeṟinyi na merinyi na nyenyerinyi, na iya wuyana wandu wa mbaṟi tsose nyi wechikapo ngoo walechimanya kimaduma, kipfa masinanu ha ipalyipalyi nyi hechiengeṟa ihaluka-haluka na idihina.

LUKA 21:27

Kiheri-kyo, nlyondo wechiwona Mana o mndu kechicha ario nyi ipuchi, awode pfinya na kiṟumi king'anyi.