LUKA 21:25 - Bibilia Kui Mdedie fo Kimochi

²⁵ “Kochiwoneka na ṟiho tsa njofano ipfo mnengeṟinyi na merinyi na nyenyerinyi, na iya wuyana wandu wa mbaṟi tsose nyi wechikapo ngoo walechimanya kimaduma, kipfa masinanu ha ipalyipalyi nyi hechiengeṟa ihaluka-haluka na idihina.

LUKA 21:25 ပူးပေါင်းရင်းမြစ်များ

SHIIMBO SHA DAWIDI 46:3

Mṟinga fukadihina na iowesha. Na mafumvu hakatangaluka kui orikiki loho.

YESAYA 13:10

Kipfa nyenyeri tsose tsa ruwehu na shiende saa shechiwuta ngeela yashopfo; mnengeṟi fochihaluka mema kiheri fodo, na meri fochiwaapfo.

YESAYA 17:12

Ho! Ndiṟimo ya wandu wafoi! Ndiṟimo cha otanu lung'anyi lo ipalyipalyi; Ho! Ndiṟimo ya wandu wa mkambo! Waringona cha ndiṟimo ya mṟinga fufoi,

YESAYA 24:23

Nlyong'u meri fochileha iwaa na mnengeṟi fuṟeenze; kipfa Mndumii menyi Matorito nechichilia huya fumvu lya Sioni, na kiidi kya Yerusalemu na oshangunyi lo wameku wawode kiṟumi.

YESAYA 5:30

Wo wechiringona huyawo mkonu fo Cha idihina lya ipalyipalyi; Na mndu kaambuya oruka, nechiwona meema na wukiwa, Na ngela yechiwa mema kiidi kya mapuchi hake.

YESAYA 51:15

Kipfa inyi nyi Mndumii-Ruwa opfo, njekefoha ipalyipalyi, masinanu halyo hakaṟuṟuma.

YEREMIA 4:23

Njileambuya oruka kuwewode kindo maomndupfo; Njileambuya ngina, tsiwewode sa-pfo.

DANIELI 12:1

“Kiheri kyo Mikaeli nechihoṟoka, mnene o ngapano nahoṟoke ora lo wana wa wandu wako; kochiwa kiheri kya wukiwa wulalemewono wokia mbooko itane kiheri kyo, na kiheri kyo wandu wapfo wechikiṟo orio umu echiwono amṟehiye kiidi kya kitapu kilya.

MIKA 7:4

Ulya mcha kota wo nekelisa wandu wukiwa cha mbeche. Kokoya kwipfo asumhanyi nyi cha oṟiho lo msha. Mkonu fowo fohoṟuo fuweiwedio foshika. Wulalu nyi wai iṟewe.

MATAYO 24:29

“Indi kombona shiwiira shilya sha mafiri halya shamiida kukae handu hatutu nalyo mnengeṟi fuhaluke meema na meeri fulechikiloṟa-se ngela yafo na nyenyeri tsioloke tsiwuke ipfo ruwehu. Na pfinya tsi tsiirye alya ruwehu tsiwekupaya-paya.

MATAYO 27:45

Kyasia kuwokia saa ya kaṟandaṟu kukaho meema kulya orukenyi kose fukashika saa kenda.

MARIKO 13:24

“Nahong'u mafiri ho, kombona wukiwa wo womeida na mnengeṟi fochihaluka meema na meeri fochiloṟa ngela yafopfo.

MARIKO 13:26

Mandi nalyo wawone Manomndu kechicha ipfo mapuchinyi ai na pfinya ing'anyi na wuitoṟi.

MARIKO 15:33

Wokya saa ya kaṟandaṟu mfiri, kukaho meema kulya orukenyi kose itane foshika saa kenda.

LUKA 21:24

Wengi nyi wechiwooho kui njoshu, wengi wadao wafungo njosharinyi tsose. Na Yerusalemu ideo yechichumo-chumo nyi wandu wa mbaṟi njihenu, itane shiheri sha mbaṟi-tso njihenu shainutsio.”

LUKA 21:26

Wandu nyi wechiuma ndadya kwi kitewe kya wuowu na iwedia shilya shechihoya wuyana; kipfa pfinya tsa ruwehu nyi tsechisingitso-singitso.

MAWUTO HA WASU 2:19

Ṟiho njechilekya ipfo ruwehu huye na shichano orukenyi iya wanda, samu na modo na tuṟukumbi ya mtsu.

OTAMBAHALUO LO YOHANE 20:11

Na ngamambuo ngawewona loṟika lo wuitoṟi lung'anyi luili, na ichu awedamye-ho. Ruwehu na oruka shikaarisika oshangunyi loke. Shilakiwono-se. Nasho shilawewonyo handu hekaa.