LUKA 21:24 - Bibilia Kui Mdedie fo Kimochi

²⁴ Wengi nyi wechiwooho kui njoshu, wengi wadao wafungo njosharinyi tsose. Na Yerusalemu ideo yechichumo-chumo nyi wandu wa mbaṟi njihenu, itane shiheri sha mbaṟi-tso njihenu shainutsio.”

LUKA 21:24 ပူးပေါင်းရင်းမြစ်များ

MAWOOKIONYI 34:26

Wakawaaha Hamori na mana Shekemu, kui wuohi wo oshu, wakairapfo Dina kulya mmbenyi ko Shekemu wakakurepfo.

IWUKA 17:13

Yoshua karumatsa Amaleki na wandu wake kui wuohi wo oshu.

YESAYA 5:5

Kyakusia, wulalu njimuwia, chando njechitana mdemi fo msabibu; njechisanja kilya keshikia nafo fochilio; njiwewunduo na omombo lokyo, nalo lochichumochumo;

YESAYA 63:18

Wandu wapfo waele waleitoṟia oruka ko kiheri sa kifui. Wakituwa wadu wakacha wakanyamaṟa handu hapfo haele.

YESAYA 66:12

Kipfa Mndumii nahamba adi, “Ambuya njechimhaluya ofoṟo cha meda, na wuitoṟi wo wandu wa mkambo cha kimeda kiichuo, kundu nyo muidime ionga; na iiro; mulembolembo ndenyi.

YESAYA 66:19

Na inyi njechiwika kichano kiidi kyawo, inyi njechiduma wakiṟe ko mkambo ya wandu, Tarshishi, na Puli, na Ludi, wekuruo uda, ko Tubali na Yowani, njoruka tsitengetie mṟinga tsi kuleshe; wandu walalemeicho mbonyi tsako, ma iwona wuitoṟi woko; nawo wechionguo wuitoṟi woko kiidi kya wandu wa mkambo.

SHILIO 1:15

“Mndumii-Ruwa nyi aleleha mbahanyi tsiwenjiringa. Ambuya nyi alehamba kiheri kenjikapa, karumatsa wanake wako wa kisoṟo. Kawarumatsa kiidi kya wandu wako wa Yuda.

DANIELI 12:7

Inyi ngaicho mndu ulya amṟike nguo tsa katanyi, awei huya mṟinga fo meda, kairia owoko loke lo kulyo na owoko loke lo kumoso huye ruwehu; kalya nyamu ya ichu ai na moo mlungana na mlungana, ke kochiwa kiheri na shiheri shiwi, na kyenga kya kiheri; kake wakamemaa ifunja pfinya tsa wandu wo waele, nlyong'u mbonyi tso tsose tsechiinukia.

DANIELI 8:13

Ngaicho umu o waele echideda na mwele ungi kechimmbesa, “Mṟasa indi shindo shi shawono kunu mawonesionyi shechitsitsa? Mṟasa indi wunyamaṟi wung'anyi wochiwa shidaso? Mṟasa indi mbahanyi ya ruwehu na ihekalu shechichumochumo?

DANIELI 9:27

Nao nyi echiwikaho mkundana mhoṟotsu na wandu wafoi kiheri kya mfungade fumu; na kyenga kya mfungadefo nyi echiima shiano shedasa; na o kiidi kochihoṟokaho kiwi kya orumatso; nahong'u mtsitsionyi, na nyashi iya iwenjiteseheṟe ihende hoya ichu monyamaṟa.”

MALAKI 1:11

Kipfa wokia madoyenyi ha mnengeṟi mṟasa iolokia lyafo rina lyako ling'anyi masangenyi kose, na orio handu kokoṟo mpfaamo fo rasionyi na shidaso shicha kui rina lyako; kipfa rina lyako ling'anyi shisharinyi shose, Mndumii Menyi Matoṟito ahamba.

LUKA 21:25

“Kochiwoneka na ṟiho tsa njofano ipfo mnengeṟinyi na merinyi na nyenyerinyi, na iya wuyana wandu wa mbaṟi tsose nyi wechikapo ngoo walechimanya kimaduma, kipfa masinanu ha ipalyipalyi nyi hechiengeṟa ihaluka-haluka na idihina.

WAROMA 11:25

Kyasia, wanawawama, njikundi mukae mulaichi kyama kikoomepfo, mulawone mokusirya na wuṟango wonu wuwenyi kipfa wuumu wokuumiṟa wo Wayuda waweny wo wulemhoya Israeli nyi wo oweṟe, kyayo itane wandu wa mkambo mhenu washikia Ruwa na mkambo mhenu yamhenda ishika iwonyo okiio.

WAEBRANIA 11:34

Wakaṟumisha modo furie pfinya ing'anyi wakaturuchuka madumbu ha oshu wakahomoyo pfinya ili wawei wufafenyi, wakawa wawahanyi ipfo shidenyi, wakadichiṟa siṟi tsa mesa.

OTAMBAHALUO LO YOHANE 11:2

Na menge ya ora lo nja ya hekalu uideye mbai ulaiheshe. Kipfa nyi yamedambikyo mkambo ya wahenu, nawo wechichumachuma mṟi fu mwele meeri makumi haana na iwi.