LUKA 21:19 - Bibilia Kui Mdedie fo Kimochi

¹⁹ Damiṟenyi mrima yanu kui ikutirisya.”

LUKA 21:19 ပူးပေါင်းရင်းမြစ်များ

SHIIMBO SHA DAWIDI 37:7

Tsia sau oshangunyi lo Mndumii; na iyo umbedie wotirisia. Ulasuuye ichu mowona osu njienyi tsake; ma mndu mowuta sha mtambo.

SHIIMBO SHA DAWIDI 40:1

Njileweda Mndumii kui itirisia, kanjiaramia kaicho kifuhiyo kyako.

HABAKUKI 3:16

Ngaicho na ndeu yako ikadedema, Momu yako ikadedema kya ṟu lilya; Ndaṟe ikaida mafuonyi, Ngadedema mtara; Kundu njiwedie mkonu fulya fo kiwi, Ili siṟi ya wandu wa mbahanyi wechicha Ikapana.

MATAYO 10:22

Nanyo muwe nyi mochisukya wandu wose kipfa kya rina lyako. Kya indi ichu mokarishya-ho kaweda kushike ili masiyonyi echikiṟo.

MATAYO 24:13

Kyaindi ichu mokarishya-ho kaweda nashike ili masiyonyi nyio echikiṟo.

LUKA 8:15

Indi tsilya tsa terinyi njicha, nyi iwo wekeicho idedo lilya, wakaliwada na ngoo njilalutsu wakakumbia ndunda na itirisia.”

WAROMA 15:4

Kyamba shilya shileṟehyo mbooko nyi shilemmaa iṟehyo shelulosha-so, kundu lukuwutye ikaa lochikusihya ipfo kundo mṟeho-yo ihambye ikukarishya lya waidiki wa kacha yechiluwihiṟya nalyo moo.

WAROMA 2:7

Iwo watsinda wewuta kilya kii kicha wepfula moo fo mlungana echiwaenenga wuitoṟi na kiṟumi na moo fulechisia.

WAROMA 5:3

Ma chi kya ikyo tupupfo, kya indi lui wakesi ipfo shiwirenyi kipfa nyi luichi shiwira shekeende ikuhoda.

WAROMA 5:4

Na ikuhoda-li lyekeende otsano na otsano-lu lokeende owedi.

WAROMA 8:25

Indi lukamba mowedya ikyo lulawonyi nyi lokiwedya lochikutirisia.

1WATESALONYIKYE 1:3

Lulatsia itamuo oshangunyi lo Ruwa odu Wande kyando kya wuidiki wonu na mawina ha kikunda na ikukarishia lya owedo lyewedya Mndumii odu Yesu Kristo.

2WATESALONYIKYE 3:5

Indi nao Mndumii namhoṟotsie ngoo tsanu kikunda kya Ruwa na ikukarishia luiwainenge nyi Kristo.

WAEBRANIA 10:36

Nyi muwuṟie ikaa na mrima msanze kundu muhende iduo kilya kii kiteṟye mukamaa iwuta kilya Ruwa akundi.

WAEBRANIA 6:11

Na lulalakye mnu ke orio mndu onu ose nawe momanyishya-ho wuitiki wu wumu wo mfeṟa fo owedo lulya shika mawutsyonyi.

WAEBRANIA 6:15

Nao kakutirisia ado kashika ikoya kyasa kilya kyaawutsyo.

YAKOBO 1:3

Mochimanya ke kilya kiihesha wuidiki wonu kiende wukuhodi.

YAKOBO 1:4

Indi wukuhodi wu wumarisie iṟunda lyawo ipfo kundo nyo mochiawukya muhendechia wyoo mulapfuwae ma kya iki ma kya iki.

2PETRO 1:6

Na ipfo wulanyi muendeho ikutumhaṟa, na ipfo kikutumhaṟyonyi muendeho ikutirisia na ipfo kikutirisionyi muende-ho wu-pfundi.

OTAMBAHALUO LO YOHANE 1:9

Inyi Yohane nji manowama onyu na mokyando o wuaalenyi na wumanginyi na wukukarishi-hu wo ko Yesu njiwekeri ipfo kyandenyi kilya rina lyakyo nyi Patimo. Njileendo naho kundu njionguo idedo lya Ruwa na iṟingishya kii lohi kya Yesu.

OTAMBAHALUO LO YOHANE 13:10

Kokoya kwipfo aidao kipfungonyi nahende itano mpfungo amonyi. Kokoya kwipfo ekewaha wandu na oshu, na kimbaṟi nahende iwoho na oshu o amonyi. Nyihondo kukeri wukutirisi na wuidiki wo wandu wa Ruwa.

OTAMBAHALUO LO YOHANE 14:12

Kipfa kya ikyo nyi kiwaṟi wandu wa Ruwa, iwo waidikye, wakuwode na mawawaso ha Ruwa na waidikye Yesu wawe watirisi.

OTAMBAHALUO LO YOHANE 3:10

Kyamba iyo uleringa na iwawaso lyako lya ikutirisia, na inyi njechikuiṟicha necha saa iya ya kihesho kilya kyechichea wuyanawu ihesha wandu waipfo kunu wuyanenyi.