LUKA 2:14 - Bibilia Kui Mdedie fo Kimochi

¹⁴ “Kiṟumi nyi kya Ruwa kulya huye, na orukenyi nyi ofoṟo, ipfo ko wandu wakundikie!”

LUKA 2:14 ပူးပေါင်းရင်းမြစ်များ

YESAYA 44:23

Imbenyi nyo ngina kipfa Mndumii amekuwutia isho; Fahiyenyi nyo mapichi ha oruka; Iriyenyi maṟu ha shiimbo nyo mafumvu; Na iyo ngeṟa na orio ikidi kiidi kyapfo. Kipfa Mndumii akiṟa Yakobo, Nao nechikuṟumisha kiidi kya Israeli.

YESAYA 49:13

Imbenyi nyo ngina; chihiyo, iyo oruka; Irienyi maṟu heimba, nyo mafumvu; Kipfa Mndumii nalesaṟya wandu wake, Nao nechiwaichio wukiwa walya waletuuro.

YESAYA 57:19

Inyi njechiwainenga ofoṟo, ofoṟo ko walya wai hafui na walya wai kuleshe, Mndumii ahamba; “Na Inyi njechimchiṟa.”

MIKA 5:5

Kwi shisha shawo wechiitoṟia oruka lo Ashuru, na ichilia oruka lo Nimrodi. Wechiluashuo mawokonyi ha Waashuru, ili wechishika mṟasenyi fo oruka lodu na iwoka iṟinjawia oruka lodu.

MATAYO 21:9

Na mamwingi fulya fo wandu wasonguo na walya waituma numa wakakoṟoṟoma ilaha wehamba, “Hosana Mana o Dawidi. Ona nyi lo ichu acha kui rina lya Mndumii! Hosana kulya huye.”

LUKA 1:79

Hahende waaya walya wadamie meemenyi na maṟishenyi ha opfu; kundu madende hadu hahende isumuhantsyo ipfo njiehu ya ofoṟo.”

LUKA 19:38

Wakahamba, “Naleheke ichu mocha iwa mangi kui rina lya Mndumii; ruwehu nyi ofoṟo, na kiṟumi kikae huye ruwehu!”

LUKA 2:13

Naalyo peṟeseng'u kukocha mamwingi fo siṟi tsa ruwehu, fukasanza na malaka ulya, wakaidapfuma Ruwa wakahamba,

LUKA 2:15

Kyasia wamalaika walya wekiwuka kulya kowo wakahenda ruwehu, walisi walya wakawiana wo wenyi na wenyi wakahamba, “Kendenyi-ng'u lanye; lukehenda kulya Betlehemu, isahia kindo-kyo kyambutika; ikyo Mndumii aluongoya.”

LUKA 3:22

na Mumuyo Mwele kamsokia ai cha mbeta; na ṟu likawewuka kulya ruwehu likahamba, “Iyo nyi ui manoko mkunde unjichihiṟie.”

YOHANE 14:27

“Nyi ofoṟo ngamudeya, nyi ofoṟo lu loko ngamusumba. Na msumbye foko chi fukeri cha fo wuyana wupfo. Mamlanenewuke, ngoo yanu ilatautau.

YOHANE 17:4

Inyi njilekung'anyisha kunu wuyana; ngamwawutsia kuheo kilya unjienengye kyetana.

YOHANE 3:16

Kyamba Ruwa nyi awekundi wuyana katana alekya Mana oke kimumu mfi, kundu orio mndu ose amwidikye nalawone kedeka kya indi nawone moo fo mlungana.

MAWUTO HA WASU 10:36

Aii ndumi aidikye wana wa Israeli wose echionguo ofoṟo luiwiko nyi Yesu Kristo. Nao nyio ai Mndumii o wandu wose.

WAROMA 5:1

Kyasia ili lui-watane ludi wahoṟotsu na mweke fo wuidiki nyi luwode ofoṟo lo ko Ruwa lui-uwikeho nyi Yesu Kristo Mndumii odu.

WAEFESO 1:6

Kundu wutonga wo wusuṟi, woke iwo alelusumba kui mkunde oke wuhende iwikyo kiṟumi.

WAEFESO 1:9

Echilutambahaluya kyama kikoome kya mhie yake kechidumbwo ado ipfo koke amonyi.

WAEFESO 2:4

Indi o Ruwa molunga isaṟia ili awelukundi na mkundie fung'anyi fudo.

WAEFESO 2:7

Nyi wudo aleloṟa wandu wa maheri halya haitikiria mfeṟa welu fo wutonga woke kui wucha iwu ailuwutya so lui walungye Kristo Yesu.

WAFILIPI 2:11

Na orio olimi luonguo ke Yesu Kristo nyio ai Mndumii kyewikya Ruwa Wande kiṟumi.

WAFILIPI 2:13

Kyamba nyio Ruwa aitana kimu nanyo iteseheṟa na iṟunda shilya shichihianyi.

WAKOLOSE 1:20

Kui samu ya Kristo msalabenyi Ruwa nalekunda isanza wuyana-wu nao. Ruwa kawika-ho oforo, kechisanza shose sha ruwehu na sha wuyana-wu nao.

2WATESALONYIKYE 2:16

Nao Mndumii odu Yesu Kristo amonyi na Ruwa Ndeyadu ichu alelukunda na iluenenga kiwihiṟia moo kitsinde mulangana na owedo sa ucha kui wutonga.

OTAMBAHALUO LO YOHANE 5:13

Ngaicho shiwumbe shose shikeri ipfo ruwehu na iya wuyana na shi ya wanda ii na iya shilya shii ipfo ipalyipalyinyi na shose shikeri wuyanenyi yechihamba, Ichu adamye loṟike-hu lo wuitoṟi hamu na kidahina ki nahende ichiko na iwikyo wuindi na wuitoṟi nawe moikolonya maheri hose na hose halunganyi.