LUKA 19:46 - Bibilia Kui Mdedie fo Kimochi

⁴⁶ Kawawia, “Nyiki kiṟehie, ‘Mba yako iwe mba yeterewia,’ nanyo mkawuya iihaluo opango lo wasoki!”

LUKA 19:46 ပူးပေါင်းရင်းမြစ်များ

SHIIMBO SHA DAWIDI 93:5

Shiṟingishio shapfo nyi lohi nakamu; wuele nyiwo wuwaṟi ipfo mbenyi yapfo, ee wo Mndumii, mlungana na mlungana.

YESAYA 56:7

manya iwo njechiwaembeṟa kiidi kya ifumvu lyako liele, na iwachihiṟa kiidi kya mba yako ya wuhendeli wo shiterewo. Shidaso na shiano shemaya modonyi shechiidikio ipfo kitaṟenyi kedasia; kyamba mba yako yelaho nyi mba yeterewia masanga hose.

YEREMIA 7:11

Ngesa mbai ilesendio rina lyako, ikawa opanga lo wasoki ipfo mesonyi hanu, ikawa ido lohi, na inyi njiwonyi, nyi wudo Mndumii ahamba.

EZEKIELI 43:12

Ili nyi lyo iwawaso lya hekalu li kyamba orukalu luṟingichie hekaluli iya fumvuhu nyi litane liele. Ambuyang'u ili nyi lyo iwawaso lya hekalu.”

HOSEA 12:7

Efraimu nyi afananyi na mndu mokapa mbucha, ekeṟunda na kipimo kekelemba, kawelemba nakyo wandu.

MATAYO 21:13

Kawawia, “Mba yako nyi yewio nyi mba yeterewya, nanyo mukawuya ihaluo opanga lo weala njia loowa!”

MATAYO 23:13

“Ochia lonu nyo walosha wa mawawaso na Wafarisayo mui makulembetseṟe. Nyi ilindi mokepfunga mongo fo wumangi wo ruwehu sumhana na oshangunyi lo wandu. Nanyo ma mlechiida napfo ma wandu wawechiida napfo mlawalekye waide napfo. [

MARIKO 11:17

Kalosha kawawia, “Ki kiṟehye, ke mba yako nyi yeterewia kipfa kya wandu wa mbaṟi tose. Nanyo mkawuya iihaluo opanga lo wandu wasoki.”