LUKA 17:29 - Bibilia Kui Mdedie fo Kimochi

²⁹ Kyaindi mkonu Loti alewuto kulya sodoma, kukaoloka modo fo kibiriti-biriti ipfo ruwehu fukawarumatsa wose piu.

LUKA 17:29 ပူးပေါင်းရင်းမြစ်များ

YESAYA 1:9

Kokoya Mndumii menyi Matoṟito alaleludeeya mtsuhaṟo mwaangu, luwechiwa cha Sodoma na ifanana na Gomora.

YESAYA 13:19

Na Babeli, kiṟumi kya mangi, wucha wo orikiki lo Wakalidayo, lochifanana na Sodoma na Gomora oo handu Ruwa alewakombetsa.

YEREMIA 50:40

Chando inyi Mndumii-Ruwa njilerumatsa mṟi iya ya Sodoma na Gomora na mṟi ya mṟasenyi, na wudo kuwode mndu echikaa nakae pfo pfo. Ee da, kochikaapfo mndu pfo. Inyi Mndumii-Ruwa ngahamba.

HOSEA 11:8

A nyi wuda njechiidima ikuda iyo Efraimu? A ngesa nyi wuda njechiidima ikukumba iyo Israeli? Ngesa njechiidima ikuhaluo cha mṟi fo Adma? Njechiidima ikuwutia cha mṟi fo Seboimu ? Mrima foko fokenjiima; isaṟia lyako likaengeṟa iwada mrike kiidi kyako.

AMOSI 4:11

Maata wanu ngawaarisya wanda, cha kiheri kilya Ruwa alekombetsa Sodoma na Gomora, nyo mukawa cha menya ilewuto modonyi, mulakunde ihaluka munjiwuuye, Mndumii ahamba.

SEFANIA 2:9

Inyi Mndumii menyi matorito, Ruwa o Israeli, lohi Moabu yechiwa cha Sodoma wana wa Amoni cha Gomora, handu hawo hado nduo na marina ha monyo na ilya wukiwa maheri hose, wandu wako waletsuhaa wawawade na iwaduo wupfungo, wandu wa oshari waletsuhaa waoṟe oruka lowo na iwaitoṟia.

LUKA 17:28

Nyi wudo shiwefananyi na kiheri kya Loti, nyi waweilya, wakawenyo, wakawehuṟa, wakawekumba, wakawewaaya, wakawewika mba.

LUKA 17:30

Na wudo-ng' tichi kochikaa kuwe mkonu fulya Mana o mndu echitarambuyo.

2PETRO 2:6

Na mṟi ya Sodoma na Gomora Ruwa kaikombetsa kombi kaikoṟa na modo kiwe kichano kya shindo shechihoya wandu wechikaa wapiṟe Ruwa.

YUDA 1:7

Kumbuonyi chando Sodoma na Gomora, na mṟi iweṟasanyi nayo; iwefananyi na wasu walya kui uṟuhui na wulala na mbonyi tsilawaṟi mbihunyi na yala mbihu ya wahenu yo ii-mbike-ho kitaanyo kya wudeheli wuende modo fulechirumika, wuwe wuikimbi ko wandu wose.

OTAMBAHALUO LO YOHANE 11:8

Na mnying'a yawo yechideo pate-hu lya mṟi fulya fung'anyi fokesendo kui mfanano Sodoma ang'u Misiri, hondo na Mndumii owo alemkapyo msalabe-hu.

OTAMBAHALUO LO YOHANE 14:10

Nyio amonyi echinyo mpfinyo irie nyashi ya Ruwa ii-njiheṟie ipfo kirahunyi kya wutuuke woke iilai-nlongye mṟinga. Nao mnduchu echituuro ipfo modonyi fodosa mumuyo fo uṟoi wopfumba oṟoo sumhana na wasu waele na Kidahina kilya.

OTAMBAHALUO LO YOHANE 19:20

Na indo lilya likawado lyikapfungo, hamu na mwikimbi mowongo handu hamu nao ichu alewuta maṟiho halya oshangunyi lolyo (Kawa motandawusha wandu na mweke foho walya weambya mhuri ya indo lilya wakaweindia mfano yalyo.) Wakahenda yombotso wai na moo wa wawi ipfo iruwenyi lya modo fodosa mumuyo fo wuṟoi wofumba oṟoo.