LUKA 16:15 - Bibilia Kui Mdedie fo Kimochi

¹⁵ Kyasia Wafarisayo walya waicho wado nawo nyiwe-wandu wawelangie mnu mapesa, wakakutsinyia kyake. Nao kawawia, ‘Nyo nyi mokekuhaluo wecha wasumhanyi oshangunyi lo wandu muwenyi, kyaindi Ruwa nyio aichi ngoo tsanu; cha-kipfa wutumbe wo ki-wandu nyi kindo kisuikie ko Ruwa.’

LUKA 16:15 ပူးပေါင်းရင်းမြစ်များ

1MBONYI TSA MAHERI 29:17

Njiichi Ruwa oko ke iyo nokeṟisa mrima ya wandu, na nokechihiṟo nyi mrima mheṟemtsu; Ko wuhendeli wo mrima foko ngakuwutia shindoshi shose; na wulalu ngamewona ke wandu wa wose wakuwutia walaiwaitike na ko sia ing'anyi.

2MBONYI TSA MAHERI 6:30

Iyo Mndumii-Ruwa noichi orio kindo kii mrimenyi fo wandu wose. Koikyo kuwuka kanyi kopfo ipfo ruwehu, keicho shiterewo shawo, wahoṟie, na iwainenga kiṟinganyi na mawuto hawo na isho shikeri mrimenyi yawo.

SHIIMBO SHA DAWIDI 10:3

Mndu mnyamaṟi nyi akuṟumisha ipfo langonyi tsake, Mndu muumu nyi alehanyi na Ruwa na impiṟa.

SHIIMBO SHA DAWIDI 49:13

Iyo nyiyo njia yawo, ya wusembo wowo, na ifo nyifo mtsitsionyi fo walya wakusirie wusuṟi wowo.

SHIIMBO SHA DAWIDI 49:18

Ma kokoya nyi alekuwikia ona lyandi awei na moo, Wandu wechikuṟumisha ko kuwutia shapfo shicha,

SHIIMBO SHA DAWIDI 7:9

Wuwicho wo walai na wukiilohi wutsitse, Indi uhoṟotse menyi wukiilohi. Kipfa mohesha mrima ya wandu na shitsi Nyi Ruwa menyi wusumhanyi.

MFANANO 16:5

Orio msa awode mrima fo orikiki nyi asuiṟie Mndumii, Nyi lohi, echida alamhoṟwo pfo.

MFANANO 20:6

Wandu wekehamba orio mndu wuidimi woke amonyi, Indi mndu mhendeli, nyiu echiidima imbona?

MFANANO 21:2

Orio njia ya mndu ii njicha mesonyi hake amonyi Indi Mndumii nekehesha ngoo.

YEREMIA 17:10

Inyi Mndumii njekeṟisa mrima ngawehesha pfinya, tsa mbihu ngaweinenga orio mndu, ohawi lo njia tsake na kiheo kya mawuto hake.

MALAKI 3:15

Wulalu luihamba ke wenyi orikiki nyiwo wai nanga, wewuta mawicho nyiwo waonyishe na walya wehesha Mndumii nyiwo wachiṟo.’”

MATAYO 23:5

Mawuto hawo hose wakahawuta kundu wawono nyi wandu. Nyi ili wekelandaṟa shingowa shi sha ngumbu sheterewa nasho wakalesha na mambo tso tsa nguwo tsawo.

MATAYO 6:16

“Nanyo mkashika ikuotoya, ma mulakufananyishe na makulembetseṟe-ho hekesuruwanyisha masineeri kipfa nyi wekeshimbiṟa shamu kundu wakuloṟe na wandu. Nyi kya lohi ngambia, wo walemmaa iduo kya woṟunda wowo.

MATAYO 6:2

Na iyo koshika ilekia shindo shapfo shesaṟia, ma kulakape ombe lukusongoye chando makulembetsere halya hekewuta wai ifo sinagogenyi ipfo kikumbuhananyonyi kya njia tsa mṟinyi nawo nyi kundu waṟumisho nyi wandu! Nyi kya lohi ngambia, ‘Wo walemmaa iduo kya woṟunda wowo!’

MATAYO 6:5

“Ma iterewa na wudo; ma mlawe cha makulembetseṟe halya! Wo nyi wakundi iterewa wahoṟoki ipfo sinagogenyi na alya kikumbuhananyo kya njia tsa mṟi kundu wakuloṟe na wandu. Nki lohi iki njiimbia wo walemmaa iduo kya woṟunda wowo!

LUKA 10:29

Nao kakunda ikutana mcha asumhanyi kawia Yesu, “A odoya oko nyiu?”

LUKA 11:39

Mndumii kambia, “Nyo Wafarisayo nyi mokesanja shirahu na shitela ipfo kya-nja, kyaindi ipfo kiidi kyanu nyi kuichuo wusoki na wuwicho.

LUKA 18:11

Mfarisayo ulya kahoṟoka, katerewa mrimenyi koke adi, ‘Ruwa ngakuichika, kipfa ili njilafananyi na wandu wengi, wasoki, wa ukika, waṟuhui, ma ndafananyi na msanyii-cho o okamba.

LUKA 18:14

Kyasia nyi ngamuwia, ‘Ichu nyi alesoka na kanyi koke amsumuhantse kota ulya.’ Chakipfa orio mokung'anyisha amonyi, nyi echinyiiṟo, na mokunyiiṟa amonyi, nyi eching'anyisho.”

LUKA 18:21

Nao kahamba, “Isho shose nyi njishiwode wookia wututu woko.”

LUKA 18:9

Kuweepfo wandu wawekusaṟye kyawo wawenyi ke nyi wai wecha wasumuhanyi, wakapiṟa wengi; kawawia ifano-li,

LUKA 20:20

Wakambikya ndeheka, wakamdumia wemsoṟa wokulembetseṟa ke nyi wai wecha wasumhanyi na wucha, kundu wawone mti fo madedo hake wahende imdambika wuchilinyi na pfinyenyi ya mchili mwitoṟi o oruka.

LUKA 20:47

Nyi wekelya mba tsa waka wakusu wakatsimaa, na kwi wulembetseṟi wakakurihiria ihamba ke nyi lokemterewia. Iwo! Iwo, nyi wechikaa wawonyio owingo ngoseṟa.”

YOHANE 2:25

Yesu naweichi chuṟe tsa wandu tsose alawewuṟie mndu motsimbia.

YOHANE 21:17

Kawuya kambia lingi lya kaṟaṟu, “Iyo Simon o Yohane, nonjikundi woe?” Petro kasokyo nyi fowa kipfa ili ambia lingi lya kaṟaṟu, “Nonjikundi?” Nao kambia, “Hoi Mndumii, nyi uichi shindo shose; kowemanya ke njikukundi.” Kambia, “Kelisa shichondi shako.

MAWUTO HA WASU 1:18

Kyasia ichu nyi alehuṟa mdemi na mweke fo wueri wo wukika kaho wanda karandawuka, ndewu yake yose ikawundukya-ho.

MAWUTO HA WASU 1:24

Wakaterewa wakahamba, “Hoi-wo Mndumii, iyo uichi ngoo tsa wandu wose, keluloṟe nyi uhya-ho umsangye ipfo kiidi kya iwa wawi.

MAWUTO HA WASU 15:8

Nao Ruwa ichu aichi ngoo tsa wandu kawawikya kiṟinghishyo kewainenga Mumuyo Mwele kimu naso.

WAROMA 3:20

Kipfa kulaipfo mndu o wandu awetano mhoṟotsu oshanguyi lo Ruwa kui mweke fo mawuto ha-mawawase, kyamba wuwawaso wu kindo wukiendie nyi imanyisha mndu wunyamaṟi woke.

WAROMA 8:27

Indi msa motichya ngoo tsa wandu nyio sa aichi chuṟe tsa Mumuyo ai moterewya wandu wa Ruwa akundi.

1 WAKORINTO 4:5

Nkyo kimaduma mulahende idumbuo kiheri kilandewiṟa itane Mndumii ache ichu echiendie senyi shindo shii-shiṟikishe meemenyi na itambaṟuya necha patehu chila tsikuwode ngoonyi Mandi na halya orio mndu ose kiṟumi kilya kimsumhanye nyi echiwikyo nyi Ruwa.

1PETRO 3:4

Kya indi wuwe wo mndu o mrima achia ora lo kya mba aṟee wuchopi wu wulechisia wo mumuyo mhoo fupfudie, nyifo fui na kiweṟe oshangunyi lo Ruwa.

1PETRO 5:5

Na wudo nyo mui wakoho kyekuhooyenyi wameku. Indi nyo mose mupfungane nguwo muwenyi na wenyi nyi yo mkunyiiṟye yanu. Kipfa Ruwa awikye walya wekyekung'nyisha tunja indi walya wekyekunyiiṟa wo nyi awawonye wutonga.

OTAMBAHALUO LO YOHANE 2:23

Na iwaha njechiwawaha wana wake. Na siṟi tsose tsechikuwutya-ho imanya ke nyio inyi njii-ho njechitiichia ngoo na mahio ha wandu. Njechienenga orio onu ose chandu kisumhanye mawuto hake.

1SAMWELI 16:7

Kyaindi Mndumii-Ruwa nalemmbia, “Manya kulaambuye fana yake na wuleshe woke. Inyi ngamleha cha kipfa njekeambuya shindo cha isho wandu wekeambuyapfo. Wandu wekeambuya wucha wo kya nja, kyaindi inyi njekeambuya mrima.”