LUKA 15:4 - Bibilia Kui Mdedie fo Kimochi

⁴ “Nyi mndu uhya o konu awode machondi hake ihana, limu-ho lideke, alechida halya makumi kenda na kenda ipfo patenyi nahende iwatiṟa lilya lidekie itane aliwona?

LUKA 15:4 ပူးပေါင်းရင်းမြစ်များ

SHIIMBO SHA DAWIDI 119:176

Njileṟaha-ṟaha cha ichondi lyiwedekie, kyewalia mṟundi opfo; kyamba njilalehadima mapfundo hapfo.

YESAYA 53:6

Luwerahanyikie lose cha machondi, Orio umu nawehalukie ora loke, Na Mndumii nawemdikie o njonyamaṟo tsadu so lose.

YEREMIA 33:13

Kiidi kya mṟi ya oruka luwode mafumvu, kiidi kya mṟi ya Shefela na kiidi kya mṟi ya nuka lya Negebu, kiidi kya oruka lo Benyamini, mbai ya mṟi fo Yerusalemu na kiidi kya mṟi ya Yuda, wandu wechiitala machondi hawo. Inyi Mndumii-Ruwa ngahamba.”

YEREMIA 50:6

“Wandu wako wawei machondi hadekie; walisi wako walehadekesha, wakawahaluo wambuya mafumvuhu; hakaṟahaṟa fumvu na shitoṟomoso hakahadima mfiṟiha foho.

EZEKIELI 34:16

Kii kidi machondiho hawedekie njechihenda ihapfula, na halya hakeri kiṟahioṟahionyi njechihawihiṟa na kanyi. Nyi wudo na halya hawode shifaṟe njechihawikia mdi, na halya hai mafari njechihainenga pfinya, kyaindi, machondiho manoru, hawode pfinya njechiharumatsa. Kii kidi njechihenda ilisa machondi hako chandu kiwaṟi.

EZEKIELI 34:31

“Nyo nyi ipo lya machondi hako, nyo nyi wandu wako, na inyi ni Ruwa onu. Nyi Inyi Mndumii-Ruwa Menyi Matorito ngahamba njido.”

EZEKIELI 34:4

Ambuya machondi halya mafafa mulehaambuyapfo, manya halya haweluo mulehaṟundiapfo, na halya hawei na shifaṟe mulehawikia mdipfo, halya haweṟahaṟaha mulehawihiṟapfo, manya halya hawedekie mulehapfulapfo. Kyaindi nyi mulewahoṟokia ko pfinya na wulang'a

EZEKIELI 34:8

Kyamba Inyi Mndumii-Ruwa ai na moo, ngamulia nyamu ke nyi ngalehela ko iwona machondi hako chando halewa shelya sha mando ha ngeṟenyi, kyamba halewuṟa mlisi, kyamba walisi wako walekunda ilisa machondi hakopfo, wakawekulisiṟa wawenyi walalise machondi hako.

MATAYO 12:11

Nao kawawia, “Kunu konu nyi o ku awode ichondi lyake limu. Kakoya lioloke ṟungunyi ili mfiri fo Sabato. Nao nade alacha iliwada na ilidosapfo?

LUKA 13:15

Mndumii kahaluo kahamba, “Nyo nyi wamakulembetseṟi; alae chi orio umu onu ekepfunguo pung'a yake ang'u nzoi yake ipfo mbangonyi mkonu fo sabato nahende iirutsa mṟinga?

LUKA 15:3

Nao kawawia ifano-li kahamba.

LUKA 19:10

Kipfa Mana o mndu nyi alecha ipfula kilya kidekie, nakikiṟe.”

WAROMA 2:1

Nkyo kyaenenga hoi iyo, ui mndu o wandu, ma kowa wu, ulaidima ikuwuta-ho ili uidedya ungi; kyamba ipfo kundo odedya ungi mpfondo okuwonya owingo iyo kumonyi, kyamba isho ukeri ideda kyasho nyisho nasho iyo kumonyi ukeri iwuta.

1PETRO 2:25

Kyamba muwei waṟahi-ṟahi indi wulalu momekuhalukya Mlisi chu ai moambuya mrima yanu.