LUKA 13:35 - Bibilia Kui Mdedie fo Kimochi

³⁵ Ambuyenyi mba tsanu nyi tsechideo tsii njisame. Nyi kya lohi ngamuwia, mochinjiwona-se manya-lepfo, shile na mkonu fulya mochihamba; kuichiko ichu acha kui rina lya Mndumii.”

LUKA 13:35 ပူးပေါင်းရင်းမြစ်များ

SHIIMBO SHA DAWIDI 118:26

Nawikio ona ichu acha kui rina lya Mndumii; Lulewawikia ona kuwuka mmbenyi ya Mndumii.

SHIIMBO SHA DAWIDI 69:25

Handu hawo hesia moo hawe mraapu, kulawade mndu mokaa mmbenyi yawo.

YESAYA 52:7

Chandu hai mecha mafumvuhu Madende ha ichu arie mbonyi njicha, Ichu aionguo ofoṟo, Arie mbonyi njicha ko shindo shicha, Ichu aionguo ofoṟo na Okiṟo, Aiwia Sioni, “Ruwa opfo naikolonyia!”

YEREMIA 22:5

Kyaindi kokoya mulakundi iicho madedo ha, inyi ngalya nyamu yako Mndumii ahamba, ‘Mba i yechiwa ya wukiwa.’

YEREMIA 35:17

Ko ikyo inyi Mndumii-Ruwa o matorito, Ruwa o Israeli, ngahamba kudi. Njechimuendie wandu wose wa Yuda na wenyi wose wa Yerusalemu mawicho hose njilededa kyawo, kipfa inyi njilededa nawo, indi walanjiadanyie, njilewalaha, indi walanjiidikie.”

MIKA 3:12

Kyasia! Kwi kipfa kya ikyo, Sioni yechidemo cha mdemi. Yerusalemu yechisamo na ifumvu, lya hekalu lyechiwa ngeṟa.

ZEKARIA 12:10

Inyi Mndumii, njechipusuya Mumuyo foko wandu wa mba ya Dawidi na wekaa Yerusalemu wose mumuyo fo osaṟio na iterewa; nawo wechiambuya ulya walemtocha, wo wechihoyo nyi wukiwa na ilia cha ilyi mndu aililia mana oke kimumu nawo wechiicho mawawio kipfa kyake cha mawawio ha mana mmbee ilyi ahoyo nyi wukiwa wuliwe.

ZEKARIA 14:2

Mndumii-Ruwa nyi echisanyia wandu wa masanga kundu wakape mṟi fu fo Yerusalemu. Mṟi fu fochidao wapfungo, mba tsanu tsiwewado, waka wanu wateṟefutso. Kyeenga kya wandu wa mṟi wasamiṟo, indi kenga kingi kechipayopfo ma idao nja ya mṟi pfo.

MATAYO 21:9

Na mamwingi fulya fo wandu wasonguo na walya waituma numa wakakoṟoṟoma ilaha wehamba, “Hosana Mana o Dawidi. Ona nyi lo ichu acha kui rina lya Mndumii! Hosana kulya huye.”

MATAYO 23:37

“Iyo Yerusalemu, iyo Yerusalemu, kui mowaha waikimbi na iwo wai wadume kopfo kowakumbya maho, na sa kafoi da mbekundi isanya shiwana shapfo na chando nguku yekesanya malea hayo ipfo shi ya makungo hayo nanyo ma malakunde.

LUKA 19:41

Ashika kufui na yafukia, kawona mṟi fulya kafulilia.

LUKA 21:24

Wengi nyi wechiwooho kui njoshu, wengi wadao wafungo njosharinyi tsose. Na Yerusalemu ideo yechichumo-chumo nyi wandu wa mbaṟi njihenu, itane shiheri sha mbaṟi-tso njihenu shainutsio.”

YOHANE 12:13

Wakawada maṟamba ha makangachi wakakure wahende imwambya wakakoṟoṟoma ilaha, “Hosana. Kwadapfumo ichu acha kui rina lya Mndumii kawewa mangi ya Israeli.”