LUKA 12:37 - Bibilia Kui Mdedie fo Kimochi

³⁷ Nanga wasoṟo walya mndumii owo echiwakooya walee dembo ili echicha; nkya lohi ngamuwia; nyi echikupfunga na iwadamiṟa shelyenyi, natengete kechiwahidia iwainenga shelya.

LUKA 12:37 ပူးပေါင်းရင်းမြစ်များ

YESAYA 62:5

Kipfa chando manake o kisoṟo aalika mana o waka, nyi wudo icho alekuwumba echiwa mii opfo; na chando menyi walyi ekechihiyo kipfa kya mpora aalika; nyi wudo Ruwa opfo echichihiyo kyapfo.

YEREMIA 32:41

Njechichihio iwawutia mecha, njechiwadonga kiidi kya orukalu na iwawutia kya sumhana.

SEFANIA 3:17

Mndumii-Ruwa opfo, nai kiidi kya mbahanyi echiidima ikiṟa. Nechikukesekia na sia ing'anyi, Nekutsia ikundenyi lyake, nechikuchihiṟo na shiimbo.

MATAYO 24:42

Kelaenyi-ng'u dembo, kipfa mulaichi mkonu fulya Mndumii echicha.

LUKA 12:36

Nanyo muwenyi muwe cha wandu waiwedia mndumii owo nawuye walinyi, kundu ili echicha, kakapa mongo, waweṟuhuo faṟa.

LUKA 12:43

Nanga msoṟo ulya mndumii oke kacha kamkooya kewuta ado!

LUKA 17:8

Chi echimbia, ‘Njiomoya kando njilye! Kupfunge nonjihidie mṟasa njimae ilya na inyo; ngammaa ilya, nokulieng'u iyo kumonyi na inyo noweku nyooya.

LUKA 21:36

Nanyo, laenyi dembo mfiri yose mochiterewa, kundu muidime ikuashuo isho shose shikundi iwa, na ihoṟoka alya sumuhana na Mana o mndu.”

LUKA 22:27

Kipfa ang'anyi nyi uhya, nyi ulya adamie ailya a nyi ulya momwendiye? Chi ichu adamie ailya? Kyaindi inyi kambenyi lyanu nji cha mopfuṟukanyia.

YOHANE 12:26

Kokoya mndu akundi njipfuṟukanya nache injilatya. Na hando inyi njikeri mpfondo na mpfuṟukanyi oko echikaa. Na kokoya mndu anjipfuṟukanya Wande nyi echimng'anyisha.”

1 WAKORINTO 2:9

Kyakyo kikeri chando kiikiṟehye, “Shilya riso lya mndu lilawewona ma kudu kulaweicho, manya shilaweida na ngoonyi ya mndu o wandu, nyisho Ruwa aweshiṟeheṟye walya wamkundi.”

WAFILIPI 1:21

Lyanjiwiia inyi moo nyi Kristo na ihenda ipfa lyo lyanjisumba.

WAFILIPI 1:23

Hanjirohya ha hawi, ili limu lyanjiamtsya langa lyehenda isama na ikukaya na Kristo lyo lii inetsi mnu.

2PETRO 1:11

Mukamba mudo nyi mochiengeṟyo necha kimwitsa wumanginyi wo Mndumii na Mkiṟa odu Yesu Kristo wokaa mlungana.

2PETRO 3:14

Nyo mui-wakunde wako, nkyo kimaduma ili muiweda isho, mukutambahanye muhende ikoyo-ho mulai na paṟi ma limu mulawa ihoyo owingo oshangunyi lo Ruwa mui na ofoṟo.

OTAMBAHALUO LO YOHANE 14:13

Na ngaweicho ṟu lyededa ipfo ruwehu lyehamba, Ṟehya, Ungusu wapfu wa walepfa wai Mndumii-hu. Wawio ungusu wokia wulalu. Mumuyo ahambye, Ee-da, washike yonyonya kya mawina hawo. Kyamba mawuto hawo haitumana nawo.

OTAMBAHALUO LO YOHANE 16:15

“Ambuya-ng'u njechicha cha mwiiwi! Nanga mndu awa molaa chowe echikuṟeheṟya maṟao hake, kundu nalachumie ai kiṟanguo ipfo na ipfo oshangunyi lo wandu nawone kimwendie ṟenze.”

OTAMBAHALUO LO YOHANE 3:21

“Walya wechiwinza njechiwadamiṟa hamu na inyi loṟikye loko lo wuitoṟi, chando nao inyi njilewinga ngadamia hamu na wande oko ipfo loṟikyehu loke lo wuitoṟi.

OTAMBAHALUO LO YOHANE 7:17

Kipfa nyi Kidahina ki kikeri makidi hawi ha kundu loṟika lui kyechiwalisiṟa na iwaduo ipfo sokenyi tsiende mṟinga moo. Na Ruwa echiangatsa mchenyeṟe yose ipfo mesonyi hawo.”