LUKA 12:15 - Bibilia Kui Mdedie fo Kimochi

¹⁵ Nao kawawia, “Ambuyenyi, mukuṟise lango tsa shindo ma tsida ma tsida, cha kipfa mfeeṟa fo mndu fochiidima imnenga natawulye moo na shindo-sho awodepfo.”

LUKA 12:15 ပူးပေါင်းရင်းမြစ်များ

1WAMANGI 2:40

Shimei kakure kaṟeheṟa nzoi yake kahenda Gathi ko Akishi ishiha masinga hake. Shimei kawihiṟa masinga halya awuka Gathi.

YOBU 2:4

Satana-kahaluo Mndumii-Ruwa kambia, “Kichong'u kwi kichong'u, ee da mndu nechiwuta shose awode kipfa kya moo foke.

SHIIMBO SHA DAWIDI 10:3

Mndu mnyamaṟi nyi akuṟumisha ipfo langonyi tsake, Mndu muumu nyi alehanyi na Ruwa na impiṟa.

SHIIMBO SHA DAWIDI 37:16

Kitutu awode ichu o wulohi kii nanga Kota masaa hafoi na walai na wulohi.

SHIIMBO SHA DAWIDI 62:10

Mulakusirie mbaka, manya mulakushelie isoka wandu; masaa hakapfumbuka mulahaambuye mnu, na iwika mrimenyi.

MFANANO 15:16

Iwada masaa maangu na iindia Mndumii; Nyi kicha kota masaa hafoi kimu na wukiwa.

MFANANO 16:16

Chi nanga iwada wuṟango kota sahapu? Ee da, nanga isambuṟa imanya kota fesa.

MFANANO 28:16

Mnene alawode wuṟango, nekewonyia wandu mnu; Indi ulya asuye ilanga nechiengeṟa mkonu yake.

YEREMIA 6:13

Kyamba, wokia ulya ai mtutu itane ulya ang'anyi kiidi kyawo orio umu nyi aichuo lango; na wokia mwikimbi mṟasa Mkohanyi, orio umu nekewuta mbonyi tsa wulembi.

EZEKIELI 33:31

Ambuyang'u wakeri icha oshangunyi lopfo makamba kui makamba cha wandu wako, wakawekuadanyia kilya ukeri iwaongoya, kyaindi wekewuta kilya owawia wawutepfo. Ambuya nyi wekehamba ke nyi wawode ikunda kyaindi nyi wakeri ipfula shilya shechiwainenga kiira kyawo tupu.

MIKA 2:2

Wekelanga madema na ihawada; wakakunda mba wakarakuo, wekesoka na iwonyia wawode mba na wa kanyi kowo, wekesoka wandu masaa hawo.

HABAKUKI 2:9

“Ochia nyi lo ulya ekesanyia masaa kui wuwicho kundu nawike sungu yake huye, nakuletse na owoko luwicho.

MARIKO 7:22

Na iṟuhuya na iṟuhuyo; wununyi na wuwicho; ngeṟo na mpuria; riso linenyi na shirumo na ikushela na wutondo.

LUKA 12:16

Kyasia kawawia ifanano kahamba, “Kuwekeri-pfo mndu msuṟi, madema hake hakaende mnu shelya.

LUKA 16:14

Kwipfo mṟundi echidima ipfuṟukanyia womi wawipfo. Kipfa nyi wudi kechihendeka, “Nyi echisuo ichu o kuwooka, nakunde ulya o kawi, ang'u nakuwade na ichu o kuwoka, naisaluche ichu o kawi; Mochiima iṟundia iwa wawi; Ruwa na Mamonapfo.

LUKA 21:34

“Kyasia, kuṟisenyi, mulawone ngoo tsanu tsechilemeṟo nyi itandaluo ndeu na wunanzi na mawinyisha ha wanda-i, mfiri fulya fuwone fochimutowokia mulakusirie.

LUKA 8:14

Na tsilya tsiolokie mshenyi nyi iwo wekeadanyia idedo, wakahenda ishingio nyi makusaṟo ha wukiwa na masaa na malango ha moo-fu, walakikumbie ndunda.

1 WAKORINTO 6:10

Manya waiwi, manya wenyi-wuehi, manya makinango, manya makiruma, manya wasoki.

WAKOLOSE 3:5

Kyo kimwitike muhende iwaha mamlungia halya hanu hai ha wuyana: wuṟuhui, wungafu; wukuwu; wulanga wuwicho, sanza-ho na wuehi ili wukeri wuindi woindya maruwa ha wongo.

2TIMOTEO 3:2

Kyamba wandu wechikukunda wawenyii wai wa kiṟaṟi wakuwi wekuwa fesa, waṟahiṟahi, wai na tumbe, weruma Ruwa; wemiina wafee, wala fanyi, wai wambafu.

WAEBRANIA 13:5

Mbuka yanu ilafane wueehi, kilya kyanu kii-ho kyo kimshikye. Kyamba o amonyi awehambie, “Njechikuda manya-lepfo, njechiwuta macha ipfo kofo ma indipfo.”

YOSHUA 7:21

Kiheri njilewona nguo njicha iwukie Shinani kiidi kya shindo shilya shilewado shidenyi na shekeli mahana (200) hawi ha fesa na mnaṟa fo sahabu fulemeri cha shekeli makumi hatanu (50), nalyo ngashilanga ngashiduo, ambuya nyi njishiṟikie, ngashisumia terinyi ipfo ihemenyi lyako, na fesa yo ngaiṟika wanda ya shindo sho.”

2PETRO 2:14

Meso hawo haichuo wuṟuhui, walaida wunyamaṟi. Wekyetuusa mrima ya wafafa ilai-mdamiṟe. Mrima yawo iichwo lango tsa masaa, wai wana wa oseso lo Ruwa.

2PETRO 2:3

Ili wawodo nyi wuehi wechikapa nanyo mbucha kui sumu tsawo tsa wongo. Indi kui kiheri kileshe Moanduya owo nakuṟeheṟie, na Morumatsa owo nawonyi.