LUKA 11:9 - Bibilia Kui Mdedie fo Kimochi

⁹ “Na inyi nyi ngamuwia; Keterewenyi nyi mochiinengo; kepfulenyi nyi mochiwona. Kekapekapenyi mongo nyi mochipfunguyo.

LUKA 11:9 ပူးပေါင်းရင်းမြစ်များ

SHIIMBO SHA DAWIDI 118:5

Kiidi kya wukiwa woko njilelaha Mndumii, Mndumii kanjiidikia kanjiwika handu hawewode mwaanya.

SHIIMBO SHA DAWIDI 27:4

Idedo limu njiwelikundi ko Mndumii, Nlyo njiliwalya mkonu yose. Njikae ipfo mbenyi ko Mndumii mfiri yose ya moo foko. Njiambuye wucha wo Mndumii, Na ikusaṟa mbonyi tsake ipfo hekalunyi lyake.

SHIIMBO SHA DAWIDI 27:8

Lyilya mandi kulehamba, pfulenyi kyamu kyako Mrima foko fulekuwia, Mndumii, kyamu kyapfo njechikishiha.

SHIIMBO SHA DAWIDI 34:10

Malea ha miiso hekeuṟa, hekewado nyi njaa, walya washiha Mndumii wekeuṟa kindo kyose kii kicha pfo.

SHIIMBO SHA DAWIDI 34:4

Njilelaha Mndumii kanjihaluo, Kanjikiṟa wuowu woko wose.

SHIIMBO SHA DAWIDI 50:15

Unjilahe mkonu ya kiwi; Njechikukiṟa na iyo nochinjiṟumisha.

SHIIMBO SHA SOLOMONI 5:6

Njileṟuhuo mongo kyaindi mkunde oko awemahenda. Mrima foko fulekeseka lyando awededa, indi mkunde oko awemhaluka kaida; ngamshiha, njilambone, ngamlaha, nalanjiidikie.

YESAYA 45:19

Njilededa kui kiṟika, handu ha memenyipfo; njilewia oshari lo Yakobo; Njishihenyi wulya pfo; Inyi Mndumii njideda lohi; njideda mbonyi tsa osaaṟe.

YEREMIA 29:12

Nyo nyi mochinjilaha, mochinjiterewa na inyi njechimuicho.

YEREMIA 33:3

“Njilaha na inyi njechiidikia na ikuwia mbonyi tsing'anyi tsa kiṟikenyi ulalemetsiwone.

DANIELI 9:3

Ngaindutsia Mndumii-Ruwa kyamu kyako, kundu njiidime iterewa, na ikuotoya na iṟaa nguo tsa masaṟa na ikaa ifunyi.

MATAYO 21:22

Na orio kindo kyose mokipfula kiterewyonyi kui iidikya na mochi-kiwona.”

MATAYO 21:31

A walya wawi ichu awekeri-ho kewuta shechihia ndee nyi uhya ngesa? Wakahamba, ‘Nyi ulya mosongoru.’ Yesu kawawia, Nyi kya lohi ngambia, ‘Wesana okamba nyi wechishika ipfo wumanginyi wo Ruwa na waka wameluki wamsongoe nyo.

MATAYO 6:29

Indi nyi ngambia ke, ma Solomon na wusuṟi woke wose awemṟike chasho ma kimu-hopfo!

MARIKO 11:24

Nahong'u ngambia, orio shindo shose mochiterewa na yomba, keidikyenyi, ke momambya, na mochishiinengo.

MARIKO 13:37

Kyaindi kindo ngambia nyo, ngawia wose, laenyi dembo!”

LUKA 11:10

Kipfa orio moterewa nyi echiinengo, na mopfula kawewona, na mokapakapa mongo kawepfunguyo.

YOHANE 14:13

Na orio kindo mochiterewa kui rina lyako inyi nikyo njechikiwuta kundu Wande nang'anyisho ipfo kiidi kya Mana.

YOHANE 15:16

Chi nyi mulenjisambuṟa inyipfo. Nyio inyi njilemsambuṟa nyo na imuduma mukuhendekye mochikumbya ndunda. Na shilya mokumbya sho shikae shilechisia, ili o Wande echimuenenga isho mochimterewa kui rina lyo lyako.

YOHANE 15:7

Kokoya mokaa-ho kiidi kyako inyi na madedo ho hako kokoya mokaa naho ipfo mrimenyi yanu, orio kindo moterewa mochiinengo.

YOHANE 4:10

Yesu kahalwo kambia, “Koye kuweichi kisumbo kya Ruwa na nyiu ichu aideda na iyo kyekuwia, ‘Njirutsa mṟinga njinyo,’ koye uwemwichi nyio uwechimterewa nao awekuenenga mṟinga fuwode moo.”

WAROMA 2:7

Iwo watsinda wewuta kilya kii kicha wepfula moo fo mlungana echiwaenenga wuitoṟi na kiṟumi na moo fulechisia.

2 WAKORINTO 6:2

Kyamba ahambye, Nyi kiheri kichihianyi ngamekuadanya, nyi mkonu fo okiio ngawekuekanya; ambuya wulalu kiheri kichihianyi na kamu kiipfo, ambuya wulalu mkonu fo okiio fuipfo.

WAEBRANIA 11:6

Indi kundo kulawode wuidiki koidima ichihianapfo. Kyamba kiwaṟi mndu motikirya Ruwa nawe mwidiki moidikya ke o aiho na walya waimpfula nyi echiwasumba.

WAEBRANIA 4:16

Ikyo kiluenenge luitikirie kidembo kilya kya wutonga lui na wutumbe, kundu luambye-ho osaṟio luweshika ikoya-pfo wutonga woluendie ngaya yetambachuo liwe lya heri.

YAKOBO 1:5

Indi kokoya ipfo konu kwipfo atoṟowae wuṟango, o naterewe Ruwa chu ekenengya wose alasambuṟa alechideda mndu na echienengo.

YAKOBO 5:15

Na kiterewo kilya kii-kiwike kui wuidiki kyechichiṟa moluo ulya, na Mndumii echimheluo. Kawuta wunyamaṟi nyi echihoṟyo.

1YOHANE 3:22

Na kokoya luimterewa kindo lochikiambya ipfo koke, kipfa luihendelya mawawaso hake na iwuta shilya shichihianyi nao.

OTAMBAHALUO LO YOHANE 2:24

“Indi nyo wengi mui ipfo Tiatira mulakuwode na kiloshyo kya Yezebeli, mulalekulosha, ‘Mbonyi tsa Satana,’ makisenyi ha Satana wai, chando wo wekehamba, nyi ngambia ke njechimuwikya ṟio lingipfo.