LUKA 11:29 - Bibilia Kui Mdedie fo Kimochi

²⁹ Kyasia mamwingi fo wandu wafoi wakakuwumbia alyando aweei, naalyo kawooka ihamba “Kishari-ki nyi kishari kiwicho, kekepfula ofano luṟihishie; nakyo ma kechiwona ofanopfo, shile nyi ofano lulya lo Yona.

LUKA 11:29 ပူးပေါင်းရင်းမြစ်များ

EZEKIELI 24:24

Kipfa kya ikyo inyi Ezekieli njechiwa kichano kyanu, kyamba orio kindo njilewuta nanyo mochihenda iwuta kudo. Kyasiang'u ili mandi shindo shi shechihenda iwutika, nyi lyondo mochimanya oo nyi Mndumii-Ruwa.”

YONA 1:1

Nahong'u mkonu fumu idedo lya Mndumii likachea Yona mana o Amitai, lyehamba,

MATAYO 3:7

Nao lyandi alewona Wafarisayo wafoi na Wasadukayo wechicha na wupatisonyi kawawia, “Nyo mui malea ha njoka, nyi mndu o ku alemlosha idicha nyashi iya iriiye icha?

MARIKO 8:38

Mndu oose monjiwadia sonu inyi na madedo ha hako kunu kiidi kya mbaṟi ya wanyamaṟi na walasaṟie Ruwa, na Manomndu nyi echimbadia sonu ili echikaa nache na wusuṟi wo Nde handu hamu na wamalaika waele.”

LUKA 11:16

Wengi-se wakamhesha wakundi nawaloṟe ofano luwukie ruwehu.

LUKA 11:50

Kundu oshari-lu luwuwuyo samu tsa waikimbi wose tsipusukie kimatsika wuyana wuwiko shika inu.

LUKA 12:1

Kiheri nakyo kukakuwumbia-ho mamwingi fo wandu shiku na shiku itane wachumana-chumana, nao kawooka ideda na wasu wake kuwooka kahamba, “Kuṟisenyi mso fotarang'asha fo Wafarisayo, nyifo wulembetseṟi.

LUKA 9:41

Yesu kahaluo kahamba, “Ee, nyo kishari kilawode iidikia kihendie makika! Aka-le-wo, nyi njekaa nanyo njishike indii, a njiwe moduana nanyo njishike indi? Keende mana-cho opfo na iya?”

YOHANE 2:18

Kikatewa Wayuda wakawesa Yesu, “A nyi kichano kya kiki owuta oluloṟa ke nuwode pfinya ili ohenda itana kudo?”

YOHANE 6:30

Nahong'u wakambia, “A nyi kiki otana kyeluloṟa kichano so lukiwone luwute-ho ikuidikya iyo. Nyi owika-pfo kuda ngesa?

YOHANE 8:44

Nyo mui wana wa Mkumbi ulya onu, na mukundi iwuta lango tsa ndeanu. Na ishi shilango nyi Nde chu onyu nyisho mukundi ishiwuta. O awekeri mbahi, mowaha wandu wokia mawokyonyi; alakuwode wukilohi-hu ma hanga, kipfa wukilohi wulai nao. Ilindi adeda kii wongo kyo kii kyake akiende kii kya chure yake amonyi kipfa akeri mowongo kawa nyio mku mopaṟa shi wongo shose.

1 WAKORINTO 1:22

Cha kipfa Wayuda wekewesa shichano na Wagriki waipfula wuṟango.