LUKA 1:33 - Bibilia Kui Mdedie fo Kimochi

³³ Nao nyi echikaa ai mangi ya oshari lo Yakobo mlungana, ma wumangi woke woikaa wudumbukepfo!”

LUKA 1:33 ပူးပေါင်းရင်းမြစ်များ

2SAMWELI 7:13

Manacho nyi o echinjiwikia hekalu. Na wumangi woke wochikaa mlungana.

2SAMWELI 7:16

Oshari lopfo lochichilia oruka loko mlungana.

SHIIMBO SHA DAWIDI 45:6

Loṟika lopfo lo wuitoṟi, kikiwanzi, mlungana na mlungana cha kidi kya Mndumii-Ruwa. Ndichi ya wumangi nyi ndichi ya uhoṟotsu.

SHIIMBO SHA DAWIDI 89:4

Wufee wopfo njechiwuikara mlungana, njechiwika loṟika lopfo lo wuitoṟi tane mlungana.

YESAYA 16:5

Na loṟika lo wuitoṟi lochiwanga kui isaṟia; na nechidamia ho kui wulohi, kiidi kya mba ya Dawidi; kechianduo, kechikunda shilya sha wusumhanyi, ai mwangu ikapanyia wusumhanyi.

YESAYA 9:7

Kiheri kya wuitoṟi woke na ofoṟo, shechimanda manya le-pfo. Kiidi kya loṟika lo wuitoṟi wo Dawidi na wumangi woke. Iwuikara na iwuhoṟotsa Kui mwanduye na kui wulohi, Wokia wulalu itane mlungana. Wunyenyi wo Mndumii menyi Matorito wochiwuta wudo.

YEREMIA 23:5

“Ambuya mkonu ikeri icha, Mndumii ahamba, ‘Njechidosia Dawidi njana ya wulohi nayo yechichilia; mangi echiṟunda na wulaanyi na njechianduo kui wulohi kiidi kya oruka.’

DANIELI 2:44

Maheri ho ha wamangi wo wose hakamsia Ruwa o ruwehu nechihoṟotsa wumangi wungi wulechimanda mlungana wochiwa isembelia pfo, na kuwode wandu wechiwudeeyo-pfo, kipfa wochifunja-funja mangi tsingi tsose nawo wuitoṟie mlungana.

DANIELI 4:34

“Lyefurumia maheriho, inyi Nebukadneza, ngairia meso hako ngaambuya ruwehu, mahio hako hakawa kufui na inyi; ngaidapfuma Ruwa chu ai Huye. Ngamwaana ngamṟumisha Ichu ai na moo mlungana: ‘Kipfa wuitoṟi woke nyi wuitoṟi wo mlungana, na wumangi woke nyi wuitoṟi wo mlungana, na wumangi woke wulamanda kishari na kishari;

DANIELI 6:26

Inyi ngawika iwawaso kiidi kya wumangi woko ke: Wandu wose waowuo Ruwa chu o Danieli: ‘Kipfa o nyi Ruwa menyi moo mokaa mlungana, wumangi woke wulamanda wuitoṟi woke wo mlungana.

DANIELI 7:18

Indi waele wa ichu ai huya shose wechiambiya wumangi, na iitoṟia mlungana na mlungana.

DANIELI 7:27

Na wumangi na wuitoṟi na wunene wo wumangi iya wuyana wechiinengo wandu waele wa ichu o huye, wumangi woke nyi wumangi wo mlungana na wose wengi waitoṟi wechimṟundia na imiindia.’

OBADIA 1:21

Ngoseṟa wakiṟi wechidooya huya na mafumvu ha Sioni kundu waanduye fumvu lya Esau; na wamangiwo wechiwa kisa kya Mndumii.

MIKA 4:7

Iwo watiliwanyi shiwungo nyi wo wedeyo moo; iwo waledao osamiṟonyi wechiwa mkambo fuwode pfinya. Na inyi Mndumii-Ruwa njechiwaitoṟia fumvuhu lya Sioni, wokia kiheri-kyo itane mlungana.

MATAYO 1:1

Aiki kitapu kya oshari lo Yesu Kristo ichu ai mana o Dawidi, ichu ai mana o Abrahamu.

MATAYO 28:18

Na Yesu kacha na alyando wai kadeda nawo kahamba, “Nyi njimnengye pfinya yose ya ipfo ruwehu na ya kunu wuyana.

LUKA 1:34

Maria kawia malaika ulya, “A kindo-kyo nyi kyekaa kiwe kida, ili njilawode mii?”

WAROMA 9:6

Manya chi cha ili idedo lya Ruwa lilachikiepfo. Kyamba chi wandu wose iwo wapaṟikye ko Israeli wai wambuṟe wa Ruwapfo.

WAGALATIA 3:29

Shi wudong'u mukalungana na Kristo nyi mowang'u mbeu ya Abrahamu mochiwa wenyi kyaasa kilya kiwekiteṟye muwe weduo kyoṟa.

WAGALATIA 6:16

Walya waihenda mbele wetuma njayonyi tsa osenge lu, ofoṟo na osaṟio luwasoke luwesokya na Israeli ya Ruwa.

WAFILIPI 3:3

Kyamba odino lulya nyi lodu so lokewikya Ruwa wuindi kui Mumuyo lukakuichika kui Kristo Yesu lulechikusirya na nyama tsa mbihu.

WAEBRANIA 1:8

Indi kya Mana nyi kii-le, “Loṟika lopfo, hoi Ruwa, luikaa maheri halunganyi, na msenge fo wuhoṟotsu mfo msenge fo wumangi wopfo.

OTAMBAHALUO LO YOHANE 11:15

Na msu ulya mwele o mfungade kakapa ombe. Kukaamka maṟu hededa hang'anyi ipfo ruwehu hakahamba, Wumangi wo wuyana wu womba wo Mndumii odu na wo Kristo oke. Nao echiwa mowuikolonya maheri hose ha mlungana.