LUKA 1:32 - Bibilia Kui Mdedie fo Kimochi

³² Nao nyi echikaa nawe mndu ang'anyi, nawelaho nyi ai mana o ichu ai huye ya shindo shose, na Mndumii-Ruwa nyi echimnenga kitima kya wumangi kya ndee Dawidi.

LUKA 1:32 ပူးပေါင်းရင်းမြစ်များ

2SAMWELI 7:16

Oshari lopfo lochichilia oruka loko mlungana.

SHIIMBO SHA DAWIDI 132:11

Mndumii naleliia Dawidi nyamu idedo lya lohi, echiwuya numa nalitehiepfo, washari maata wapfo kulewafee, njechiwawika loṟikehu lopfo lo wuitoṟi.

SHIIMBO SHA DAWIDI 132:12

Wana wapfo wawada mawawaso hako, na wuṟingishi njechiwalosha; Wana wawo nawo wechidamia loṟikehu lopfo lo wuitoṟi mlungana.

YESAYA 16:5

Na loṟika lo wuitoṟi lochiwanga kui isaṟia; na nechidamia ho kui wulohi, kiidi kya mba ya Dawidi; kechianduo, kechikunda shilya sha wusumhanyi, ai mwangu ikapanyia wusumhanyi.

YEREMIA 17:25

Nalyo wamangi wang'anyi wechiida mongonyi fo mṟi fu wadamie loṟikehu lo wuitoṟi wo Dawidi wechidoya magari ha frasi tsawo na wanene wawo wandu wa Yuda na wenyi wa Yerusalemu na mṟi fu fochikaa mlungana.

YEREMIA 22:2

Keadanyia idedo lya Mndumii iyo mangi ya Yuda, iyo okedamia loṟika lo wuitoṟi wo Dawidi, iyo na waṟundi wapfo na wandu wapfo wose wekeida na shichumi shi.

DANIELI 2:44

Maheri ho ha wamangi wo wose hakamsia Ruwa o ruwehu nechihoṟotsa wumangi wungi wulechimanda mlungana wochiwa isembelia pfo, na kuwode wandu wechiwudeeyo-pfo, kipfa wochifunja-funja mangi tsingi tsose nawo wuitoṟie mlungana.

MATAYO 1:1

Aiki kitapu kya oshari lo Yesu Kristo ichu ai mana o Dawidi, ichu ai mana o Abrahamu.

MATAYO 12:42

Nyi mangi mka ulya awukye kulya kya ora lo nuka echikaa nahoṟoke alya kyanduyonyi kya mondu fofurumya, nahoṟoke-pfo handu hamu na mbaṟi i ya wandu naweiwutya na owingo, kipfa lilyaindi alecha awuka kishingonyi kya oruka, nache yadanya wuṟango wo Solomon. Na iya kuiho ang'anyie Solomon.”

MATAYO 28:18

Na Yesu kacha na alyando wai kadeda nawo kahamba, “Nyi njimnengye pfinya yose ya ipfo ruwehu na ya kunu wuyana.

MATAYO 3:11

Kyako inyi nyi njekepatisa na mṟinga kya idumbuya, indi ichu echicha numa yako, nao nyi anjing'anyie, njilasumhanyi ma iduo shadu shake, icho nyi echimpatisa na Mumuyo Mwele na modo.

MARIKO 14:61

Nao kakutsia sau, nalahaluo ma kindo. Mkohanyi Mnene kawuya imbesa-se kambia, “Iyo na ukeri Kristo, Mana o Ruwa ichu aidapfumo?”

MARIKO 5:7

Kafihiṟa na ṟu ling'anyi kahamba, “Nyikiki kyako na iyo, Yesu ui Mana o Ruwa, Mwitoṟi? So hoi Ruwa ulanjiture.” (

LUKA 1:15

Kipfa nyi echikaa nawe mndu mnene ipfo sumuhana na Ruwa, elechinyo mvinyo ma kindo kyenanza, naweka amichuṟe Mumuyo Mwele kiwookia awuka wusunyi wo mae.

LUKA 1:35

Malaika kahaluo kambia, “Nyi Mumuyo Mwele echikusokia ipfo huye yapfo, na pfinia ya ichu ai huye ya shose nyi yechikuwikia mṟishe. Kyainenga kilya kyekaa kifeo kilaho nyi kyele, kii Mana o Ruwa.

LUKA 1:76

Na iyo mkoku nyi ochikaa nolaho nyi ui mdedi o ichu ai huye ya shose; kipfa nyi ochisonguo ipfo mbele ya Mndumii, nohende kochisungusia njia tsake.

LUKA 3:16

Naalyo Yohane kahaluo kawawia, “Inyi nyi njekempatisa na mṟinga; kyaindi nyi kukeri icha msa anjieṟie, nao kinsumuhanyie ma yoṟowuo ngowa tsa shadu shakepfo, o nyio echikaa nampatise na Mumuyo Mwele na modo.

LUKA 6:35

Kyaindi kundenyi wakituwa wanu, muwewawutia na mecha, muakuye mulakundi iwihiṟio-se kindo; mukawuta mudo nlyodo woṟunda wonu wochifo, nanyo nyi mochiwa wana wa ulya ai huye ya shose; kipfa o nyi aololye wandu wechimwana na walya wawicho.

YOHANE 12:34

Nahong'u wandu walya wakuwumbye-ho wakamhalwo, “So nyi lokeicho kya Kristo kii-kihambe ipfo wuwawasonyi wodu ke nyi echikaa-pfo mlungana. A kyawa kida-ng'u ili iyo ohamba ke nyi kiwari Mana chu o mndu nahende iiryo huye? A Mana cho o mndu nyi o ku ngesa?”

YOHANE 6:69

Naso lomekuwutya-ho ikuidikya lukakumanya ke iyo nyi ukeri Mwele chu o Ruwa.”

MAWUTO HA WASU 16:17

O awekeoshana na Paulo naso numa kefihiṟa mnu kechihamba, “Aiwa wasoṟo wai masinga ha Ruwa chu o huye wai wemuongoya njia ya okiio!”

MAWUTO HA WASU 2:30

Kyasia amba mwikimbi nao aweichi ke Ruwa amliiye nyamu ke ipfo luwenyi lyake nyipfondo echiamtsa nadamye loṟikehu loke lo wuitoṟi.

MAWUTO HA WASU 2:36

“Kyasia mba ya Israeli yose iketawuka imanya kya lohi, ke Ruwa nyi alemtana Mndumii na Kristo, Yesu cho mlembambya msalabenyi.”

MAWUTO HA WASU 7:48

“Kya indi ichu ai huya shose ekekaa mba tsii njiwike na mawokopfo chando mwikimbi ahambye.

WAROMA 1:4

Ambike-ho Mana o Ruwa Menyi pfinya kui Mumuyo mosumba wuele likawa kui iṟuka wapfunyi, nyio Yesu Kristo Mndumii odu.

OTAMBAHALUO LO YOHANE 3:7

“Na msu ulya o siṟi lya Filadelfia ochimṟehya;” Aii ndumi ichu ai Mwele Mokiilohi awode opfunguo lo Dawidi. Hando o apfunguo kwipfo sa echiidima ipfunga-pfo. Na hando o apfunga kwipfo sa echiidima ipfunguo-pfo.