LUKA 1:13 - Bibilia Kui Mdedie fo Kimochi

¹³ Malaika ulya kambia, “Ma kulawowuo Sakaria, kyamba kiterewo kilya kyapfo nyiki kiidikie; na mkoopfo Elisabeti nyi echikaa nakufeeye mana o womi, na rina lyake nyi ochimlaha nyi Yohane.

LUKA 1:13 ပူးပေါင်းရင်းမြစ်များ

MAWOOKIONYI 17:10

Ifu nyifo mkundano foko ochifuwada, kiidi kyako inyi na iyo, na luwa lyapfo lyechikuituma: Orio mndu msoṟo oose ipfo konu nechidino.

MAWOOKIONYI 17:19

Ruwa kambia, Chi wudopfo, indi mka opfo Sara nechikuwonya mana o womi na ochimlaha rina lyake nyi Isaki. Na inyi njechiwika mkundano foko mbanzi nao fuwe mkundano fo mlungana kipfa kya oshari loke numa yake.

MAWOOKIONYI 18:14

Nyi idedo lihya lii liumu lyelema Mndumii-Ruwa? Kiheri kyo njechiwuya na konu, kiheri ki iki maaka fochicha, na Sara nechiwona mana o womi.

MAWOOKIONYI 25:21

Isaki katerewa Mndumii-Ruwa kipfa kya mka oke kyamba nawei mhumba. Nao Mndumii kamhaluo, na Rebeka kakapika.

SHIIMBO SHA DAWIDI 113:9

Nekewika kanyi mka mhumba, nawe mae o wana awodo nyi sia. Ichikenyi Mndumii-Ruwa!

SHIIMBO SHA DAWIDI 118:21

Njechikuana kyamba kulenjiṟohuo, Na iyo kulewa okiṟo loko.

YESAYA 8:3

Na inyi ngahendia mwikimbi-cho mka nao kakapika, kafee mana o womi, kiidima Mndumii kanjiwia, ‘Mlahe rina lyake Maher-shalal-hashbazi.’

DANIELI 10:12

Nlyondi alenjiwia, “Kulaowuo, Danieli, kyamba wokia mkonu fulya fo kuwoka ulewika ngoo yapfo sumuhana kundu nowade wuṟango, kowekunyiiṟa oshangunyi lo Ruwa, madedo hapfo haleichio; na inyi ngacha kipfa kya madedo hapfo.

HOSEA 1:4

Mndumii-Ruwa kawia Hosea, “Inenga mana cho rina, ‘Yezreeli,’ kipfa kutsuhee-pfo kiheri kitutu tupu, na inyi njechikapa wandu wa mba ya Yehu kipfa kya wuwahi sa alewuta kulya pichinyi lya Yezreeli. Njechiarisia kuleshe wumangi wo Yehu kiidi kya isanga lya Israeli.

HOSEA 1:6

Kyasia, Gomeri kakapikase, kafeya Hosea mana o kika. Mndumii-Ruwa, kawia Hosea, “Dumbuya manacho rina nyi, “Alechisaṟio ,” kipfa njechiwonase ikunda ko wandu wa Israeli-pfo, ma njechiwahoṟiase-pfo.

MATAYO 1:21

Nao nyekaa nafee mana, na rina lyake nomlahe nyi Yesu; kipfa nyio ekaa nakiṟe wandu madeko hawo!”

MATAYO 14:27

Wadi Yesu kadeda nawo kahamba, “Kewuyonyi moo nyio inyi ma mlaowuo!”

MATAYO 28:5

Kyasia msu ulya o Ruwa kahaluo kawia waka walya, “Ma mlawone mochiowuo. Na njichi nyi mukeri ipfula Yesu ichu awei mbambye msalabehu.

MARIKO 16:6

Nao manake ulya kawawia, “Mulaṟihio mnu. Nyi muipfula Yesu Mnasareti, ulya ambambye msalabehu; Amṟuka, nakeri iyapfo. Ambuyenyi handu wawemṟikie.

LUKA 1:14

Na iyo nyi ochiwado nyi sia na ikeseka, na iya mafeonyi hake wandu nyi wechiwuta-ho ichihio wafoi.

LUKA 1:30

Malaika kambia, “Ma kulaowuo Maria; kipfa nyi kulewona osu ko Ruwa.

LUKA 2:21

Kyasia mkonu nyanya yameida-ho, kushike madinyionyi hake, wakamdumbuya rina lyake nyi Yesu; lilya lilehambo nyi malaika ulya lilyandi alawememoho.

MAWUTO HA WASU 10:31

kanjiwia, ‘Kornelio, shiterewo shapfo shamhenda yadanyo na shilekio shapfo shamekumbuyo ipfo oshangunyi lo Ruwa.

WACHILI 6:23

Kyaindi Mndumii-Ruwa kambia, “Ofoṟo lukae na iyo! Kulaowuo ochipfa-pfo.”

1SAMWELI 2:21

Mndumii-Ruwa kasaṟia Hana kainengo wana wa kisoṟo waṟaṟu na wakika wawi. Mana ulya Samweli kaengeṟa ing'ana oshangunyi lo Mndumii-Ruwa.