KOHELETI 9:9 - Bibilia Kui Mdedie fo Kimochi

⁹ Ukukaye na sia na mka chu opfo umkundi mkonu yapfo yose ya ngataṟa, umiinenge, kipfa ikyo nyi ohawi lopfo mkonu yose ya moo; na kiidi kya mawina hapfo ulewinyia iya wuyana.

KOHELETI 9:9 ပူးပေါင်းရင်းမြစ်များ

MAWOOKIONYI 26:8

Nahong'u amekapfo mkonu ifoi, Abimeleki, mangi ya Wafilisti kaimehia itiṟishenyi, kawona Isaki kechitema-tema na mka oke Rebeka.

SHIIMBO SHA DAWIDI 144:4

Mndu o wandu nai cha wulya, mfiri yake ii cha kiṟinje kiida.

SHIIMBO SHA DAWIDI 39:5

Ambuya, nyi uitalye mfiri yako, ohendo loko lo moo lukawa chi kindo oshangunyi lopfo-pfo. Orio mndu ma kawemba nyi mai na mai.

MFANANO 18:22

Mowona mka na kuwonya kindo kicha Nao nakuwonya osu ko Mndumii

MFANANO 19:14

Mba na masaa nyi kyooṟa mndu ainengo nyi ndee, Indi mka mṟango, mndu nekeinengo nyi Mndumii.

KOHELETI 2:10

Njileima kindo ma kimu meso hakopfo; manya mrima foko njilefuima sia fuwelangie-pfo; kipfa mrima foko fulekeseka kya maṟunda halya hose haletano nyi mawoko hako, kipfa iṟunda liwei ohawi loko.

KOHELETI 2:24

Mndu o wandu awode kicha kada ilya na inyo, na iwihiṟia moo foke na shicha kiidi kya iṟunda lyake-pfo. Isho shiwukie owokonyi ko Ruwa.

KOHELETI 3:13

Nyi kisumbo kya Ruwa ke orio mndu nalye na inyo na ikesa kya maṟunda hake hose ahawinyie.

KOHELETI 3:22

Na wudo ngawewona kuwode kindo kicha kota mndu ichihiyo kya maṟunda hake pfo; kipfa nyi mooko foke; kipfa nyiu echimbihiṟa se nawone isho shechimwituma numa?

KOHELETI 5:18

Ambuya inyi njilewona kindo kicha kiwaṟi nyi mndu ilya na inyo, na ikeseka kya maṟunda mecha aṟundie kunu orukenyi mfiri yake yose aleinengo nyi Ruwa kipfa ilo nyi ohawi loke.

KOHELETI 6:12

Kipfa nyiu aichi shii shicha sha mndu o wandu kiidi kya ohendo lo moo foke iya wuyana cha mṟinjenyi? Nyiu echiidima iongoya mndu o wandu shindo shechiituma kamewuka iya wuyana?

KOHELETI 7:15

Mbonyi tso tsose ndetsiwona kiheri kilya kyesingia wulya, kuwode msa asumuhanyi adekie kiidi kya wusumhanyi woke, kuwewode na mndu mbicho aengeṟie ohendo loke lo moo kiidi kya wuwicho woke.

MALAKI 2:15

Aka Mndumii alemutana nyo muwawi muwe mbihu fumu na mrima fumu? Nawekusaṟie ada ili alewuta ado? Kofia nawekundi lufee wana wemindia. Kuṟisenyi mnu na mrima fose, alakoyo mndu ma umu alawode wuhendeli ko mka oke o uwanakenyi woke.