KOHELETI 9:11 - Bibilia Kui Mdedie fo Kimochi

¹¹ Ngawuya ngaambuya kunu wuyana, ngawona chi wose wekewikia mteeṟa wakawa wawinzi pfo, ma chi waapfinya wekewinga shidenyi pfo, ma chi waṟango wekewona kando pfo, ma chi wandu waichi wekewona masaa pfo, ma wandu waaria wakundikepfo; indi kiheri kya osu kekeshikia wose.

KOHELETI 9:11 ပူးပေါင်းရင်းမြစ်များ

2SAMWELI 17:14

Kyasia, Absalomu na wandu wake wa Israeli wakahamba, “Wulaanyi wo Hushai wuwucha kota wulya wo Ahithofeli; kipfa Ruwa naweteṟie ifunja wulaanyi wucha wo Ahithofeli kundu naende mawicho huya Absalomu.”

2SAMWELI 17:23

Kyasia Ahithofeli kawado nyi sonu ing'anyi mnu kipfa kya ili Absalomu aleha wulaanyi woke; kaala njonyi huye ya nzoi yake, kaidoya kahenda mṟinyi foke, kakuotsuo kapfa, kaṟiko shipfunyi hando ndeye awemṟike.

2MBONYI TSA MAHERI 20:15

Yahazieli kahamba, “Adanyienyi nyo wandu wa Yuda na wandu wekekaa Yerusalemu na mangi Yehoshafati, Mndumii-Ruwa nawawia kudi: ‘Mulaowuo ma mulakangaṟike na uwuṟa ofoṟo kipfa kya ichekeṟo lii ling'anyi. Shida chi shanu pfo, kyaindi shida nyi sha Ruwa.

YOBU 34:29

Kokoya Ruwa atsia, nyiu echiidima imbonyia-owingo? Kaṟika kyamu kyake nyi echimbona.

SHIIMBO SHA DAWIDI 76:5

Waleorano walya wa mrima mbanzi walee mado; manya walawone mawoko halya hawo; wandu wose wai wakari.

MFANANO 1:5

menyi wuṟango naadanyie na iengeṟyo kisomyo, na ulya aichi nashikie mbonyi njicha tsirie njia.

KOHELETI 2:12

Ngahaluka kundu njitambahaluo wuṟango, waṟumu na wutondo. Mndu aosha mangi nawute ada? Lyo lyii itane naalyo.

KOHELETI 3:14

Njiweichi ke orio iṟunda lya Ruwa lyechikaa mlungana; kechiwa iengeṟa kindo-pfo, ma ikinyiiṟa-pfo; na Ruwa nalewuta kudo kundu wandu wamuindiye.

KOHELETI 3:17

Ngahamba mrimenyi, Ruwa nechianduo kya walya wasumhanyi na walya walasumhanyi kipfa kuwode kiheri cha ikyo ko orio iṟunda.

KOHELETI 4:1

Kyasia ngawona mbonyi tsilawode wuhendeli, shose shekewutika kunu orukenyi, mchenyeṟe ya iwo walewonyio, walawewode mowaadanyia wukiwa na ora lo walya walewonyia kuwewode pfinya indi kuwode mowasaṟia pfo.

KOHELETI 4:4

Ngakusaṟa kya masaa hose na orio iṟunda lya wuaria, ke nyi kiidi kya mndu ailimbana na mana o mae. Isho nasho nyi maai na maai.

KOHELETI 7:13

Kusaṟe mnu iṟunda lya Ruwa; kipfa nyiu ulya echiidima ihoṟotsa kilya Ruwa amonyi akilemie?

KOHELETI 9:2

Shindo shose shawahoya kimu shiṟinganyi; kuwode kindo kimu kekekooya ulya asumhanyi na ulya alasumhanyi; ko mndu ai mcha na ulya mmbicho; ko mndu mharami na alai mharami; ko ulya ekedasa na ulya alakedasa; chandu kui mndu mnyamaṟi na wudo na o wusumhanyi; ulya molya nyamu na ulya aowoye nyamu.

KOHELETI 9:3

Iho lyo lii kiidi kya shindo shilemewutika iya orukenyi, ke wose wawode kindo kimu kekewatumukia; ee da, ngoseṟa mrima ya wandu wose iichuo mkika, na waṟumu na wusuko wui kiidi kyawo ilyi mandi wai na moo numa wekehenda ko wapfu.

YEREMIA 46:6

Walya wai waangu isheṟuka waidimapfo, wai mbahanyi waidima ikushowa pfo; ora lo mtsudu medenyi fo Eufrate wakapa mtulia na iomboka.

YEREMIA 48:14

“Mochiidima kuda ihamba, “So nyi lui wakari, nyi wandu wawode pfinya tsa shida?

YEREMIA 9:23

Kyasia Mndumii nahamba, “Mndu mṟango nalakushelie wuṟango woke, manya ulya awode pfinya nalakushele kipfa kya pfinya tsake, manya msuṟi nalakushelie wusuṟi woke,

DANIELI 4:35

na wose waikunu wuyana wai watale chi kindopfo; nao nekewuta chando akundi ipfo ruwehu na kunu orukenyi, kuipfo manya umu echiidima iima owoko lokepfo, ma imbesa, ‘Nkiki uiwuta iyo?’”

ZEKARIA 4:6

Kanjihaluo kechihamba, Ilyi nlyo idedo lya Mndumii ko Zerubabeli, lyechihamba chi kui wuidimi ma chi kui pfinya pfo, indi nyi kui Mumuyo foko, nyi wudo Mndumii menyi matorito ahamba.

MALAKI 3:18

Nlyong'u mochiwuya na imanya wecha na wawicho na weṟundia Ruwa nyi waki na walamṟundia.”

WAEFESO 1:11

Ipfo koke mpfo kundo naso lomewonyo-ho kyadu luwesongwo isambuṟo nyio kui mteṟie fusumhanye ichu mowika shose kui chila ya mhie foke.

NGUMBUO YA MAWAWASO 8:17

Koikyo kuṟisenyi mlashike ihamba mrimenyi yanu. “Lulewada wusuṟi kui wuidimi na pfinya tsadu luwenyi.

NGUMBUO YA MAWAWASO 8:18

Kumbuonyi ke Mndumii-Ruwa, Ruwa onu, nyio alemuinenga wuidimi wowona wusuṟi. Nekewuta ado kundu nawanze mma fulya alewika na wandeanu mṟasa inu.

1SAMWELI 17:50

Nyi wudo Dawidi alewinga Goliathi kui kombeo lyake na songoṟo. Nalekapa Mfilisti ulya kambaha. Dawidi awewode oshu loose mawokonyi hakepfo.

1SAMWELI 6:9

Indi ambuyenyi, kokoya ikarilyo lyechihenda lyimu ko lyimu waambuya orukenyi lolyo, mṟi fo Beth-Shemeshi, nlyondi lochimanya ke mndu aleluendie ndaṟe ii ya makokoi nyi Mndumii-Ruwa kyaindi kokoya lyilahendapfo, nlyondi lochimanya ke chi owoko lokepfo, indi ngapo nyi kui ndenga njiwicho.”