KOHELETI 8:11 - Bibilia Kui Mdedie fo Kimochi

¹¹ Kipfa mwaanduye fo kindo kiwicho fochishika owinyi pfo, mrima ya wandu yekeṟingishiyo kiidi kyawo kundu wawute mawicho.

KOHELETI 8:11 ပူးပေါင်းရင်းမြစ်များ

2SAMWELI 11:15

Kiidi kya paruo yo, Dawidi nawewawasie Yoabu nawike Uria kulya kusonguo ngapanonyi kundu modo fung'anyi fo shida fukeri na iwuya nduma nadeopfo Uria amonyi alamtarame kundu nawoho.

YOBU 24:23

Kawainenga olele wakasia nalo moo; na meso hake hakakaa huya njia tsawo.

SHIIMBO SHA DAWIDI 10:4

Kyamu kya mndu o orikiki Kahamba, kuwode kiṟaachepfo Mahiyo hake hose kahamba, “Kuwode Ruwapfo.”

SHIIMBO SHA DAWIDI 10:6

Kahamba mrimenyi foke, njewutohopfo, Kiidi kya moo foko njechiwona wukiwa pfo.

SHIIMBO SHA DAWIDI 86:15

Kyaindi Iyo, Mndumii, ui Ruwa o Osaṟio na wutonga, mtirisi, uichuo wuoloru na wukiilohi.

IWUKA 34:6

Mndumii-Ruwa kasonguo mbele yake, kaedia, Mndumii-Ruwa, Mndumii-Ruwa, Ruwa aichuo woloru, awode makulili, elekeicho nyashi owinyi, aichuo isaṟia na wukilohi;

IWUKA 8:15

Indi Farao kekiwona amewuyo nyi moo, kahaluo mrima fulya foke fukauma, nalakiwaadanyie; chandu Mndumii-Ruwa alehamba.

IWUKA 8:32

Kambalyo Farao kaweumiṟa mrima foke, manya nalainenge wanduwa momu wakuhendie.

KOHELETI 9:3

Iho lyo lii kiidi kya shindo shilemewutika iya orukenyi, ke wose wawode kindo kimu kekewatumukia; ee da, ngoseṟa mrima ya wandu wose iichuo mkika, na waṟumu na wusuko wui kiidi kyawo ilyi mandi wai na moo numa wekehenda ko wapfu.

YESAYA 26:10

Mndu mbicho ma kasumbo, Echikulosha wusumhanyi-pfo; Kiidi kya oruka lo wuhoṟotsu nechiwuta sha mkika, Ma echiwona wuitoṟi wo Mndumii-pfo.

YESAYA 57:11

Kake nyiu ulemwowuo kakuowesha itane ohamba wongo, ma kulanjikumbuo inyi ma injiwika mrimenyi? Ngesa inyi njiletsia wokia kacha, ma kulanjiowuo?

YEREMIA 42:15

kyasia adanyienyi chandu Mndumii-Ruwa amuwia nyo mtsuhae wandu wa Yuda. Mndumii-Ruwa, Ruwa o Israeli, nahamba adi: Kokoya mukuteseheṟie ihenda orukenyi lo Misri na ikaapfo,

YEREMIA 48:11

“Moabu nasie moo wokia wurika woke, nakutsie cha mvinyo kirahunyi, Ameletso awuka Kihia-ki mṟasa kihia-ki pfo, ale medao osamiṟonyi-pfo, nawekeri na mlodo foke, mpfaamo foke mcha fulemeilachike-pfo.