KOHELETI 8:1 - Bibilia Kui Mdedie fo Kimochi

¹ Nyiu ai cha mndu mṟango; nyiu aichi itambahaluo idedo? Wuṟango wo mndu wochiwaṟa kyamu kyake, Na wuumu wo kyamu kyake wochiilachika.

KOHELETI 8:1 ပူးပေါင်းရင်းမြစ်များ

MAWOOKIONYI 40:8

Wakambia, “Lulelodia ndodo manya luwode msa aidima ilutambahaluyapfo.” Yosefu kawawia, “Itambahaluo chi iṟunda lya Ruwa? Hoinyi kenjiwienyi ndodo tso tsanu.”

YOBU 33:23

Kyaindi kokoya kuwode malaika hamu nao motambahaluo umu kiidi kya kiki, kundu naloṟe mndu-cho isho shimbaṟi iwuta.

IWUKA 34:35

Wana wa Waisraeli wakawona kyamu kya Mose kiwaa sa; na Mose kawikase kindo kilya keshikia kyamu; tane aida na mba ideda nao.

MFANANO 1:6

Imanya mfanano na oṟa Ayo na madedo ha wulaanyi na madedo halamanyikie na pata.

MFANANO 12:8

Mndu nechiṟumisho kipfa kya wuṟango woke; Indi mndu o mrima fo okachu nechimino.

MFANANO 17:24

Wuṟango wui mesonyi ha ulya aichi; Indi meso ha tondo hai owerihu lo wuyana.

MFANANO 21:29

Alai na wusumhanyi neumiṟa kyamu kyake Indi mndu mhoṟotsu nekekusaṟa kya njia tsake

MFANANO 24:5

Mndu awode wuṟango nyi awode pfinya; Ee mndu o wulaanyi nekeengeṟa wuidimi;

DANIELI 2:22

Nekedambuo shiṟike; kawemanya shii meemenyi, kipfa koke kuwode ngeela.

DANIELI 2:47

Mangi kahaluo Danieli kambia, “Nyi kya lohi Ruwa chu onu nyi Ruwa kota maruwa hengi, nyi Mndumii-Ruwa o Wamangi aichi iloṟa shiṟike na ishihaluo pata - kipfa iyo noleidima iloṟa kiṟike ki.”

MATAYO 17:2

Nalyo kailachika kawada fana ya sa wawonyi. Kyamu kyake kikawa ngeela cha mnengeṟi na nguwo tsake tsikaila weṟu cha sa.

MAWUTO HA WASU 4:13

Kyasia wekiwona wuṟamtsu wo Petro na Yohane na imanya ke nyi wai wandu walai waloshe wo ilosho wakatiṟi mnu, wakawamanya ke nyi wawekeri kimu na Yesu.

MAWUTO HA WASU 4:29

Kyasiang'u hoi Mndumii, keambuya wo wulalu shiowesha shawo, notarame masinga hapfo, wadede idedo lyapfo wai na wukesi.

MAWUTO HA WASU 6:15

Na walya wadamye ipfo njamenyi ing'nyi wakamwambuya wose wakawona oshangu loke lui cha lo malaika.

WAROMA 13:5

Ko ikyo kiwaṟi iindia wanene wadu, chi kipfa kya tuuke iya ya Ruwa tupupfo, kya indi na kipfa kya ngo tsa mrima.

WAEFESO 6:19

Muweterewia na inyi, kundu njenengo idedo njechipfungwo dumbu lyako lya yongoya kui wukahari kyama kilya kikoome kya Ndumi ya Sia ya okiio.

NGUMBUO YA MAWAWASO 28:50

Mkambofo wandu wawode shamu shilang'a lilasaṟie ma wameku manya iichio wanake wukiwa;

2TIMOTEO 4:17

Indi Mndumii alenjikaya-ho kanjikapya owanzo. Iki kileenenga ngaidima ionguo mwongoye fuhende imariso necha wamkambo wakafuicho wose, na inyi ngaashuka ianduyo lya opfu.

2PETRO 1:20

Ngoseṟa ya isho, manyenyi iki kya kuwoka, ke orio Wuikimbi wo Biblia wochiwa idambuyo kui njia ya ki-wandupfo.