KOHELETI 7:24 - Bibilia Kui Mdedie fo Kimochi

²⁴ Nyi kuda mndu echiidima imanya kitewe kya ohendo lo moo foke; kindo kyo nyi kikilemeri na kikiumu kudo!

KOHELETI 7:24 ပူးပေါင်းရင်းမြစ်များ

YOBU 28:28

Kiidima kawia mndu o wandu, Ambuya iindia Mndumii nyiwo wulaanyi, na ikuṟisa na wuwicho nyikyo imanya.”

YOBU 37:23

Ruwa Menyi Pfinya alechiwa ikooyo nyi mndu, pfinya na wuele woke nyi wung'anyi naichuo wulohi na wucha ekedetsa kilya kya lohi ma indi pfo.

SHIIMBO SHA DAWIDI 139:6

Wuaria wopfo nyi wo kiṟiha, wunjilemie inyi, wowa imanyapfo, njechiidima iwukoyapfo.

SHIIMBO SHA DAWIDI 36:6

Wukiilohi wopfo cha mafumvu ha Ruwa, mwanduye fopfo cha oṟoonyi lo nduwa lung'anyi. Hoi Mndumii, nokekiṟa wandu na mando hai na moo.

KOHELETI 8:17

Kyasia ndewona maṟunda hose ha Ruwa hechiwa isonjokoṟo nyi mndu o wandupfo, kipfa mndu o wandu ma kakulisa wukiwa kundu namanye echiidima pfo, ma ulya ai mṟango kakusaṟa ke naichi mao echiidima iiwona pfo.

WAROMA 11:33

Apa wuleshe wo wusuṟi wo Ruwa na wo wuṟango woke na wulaanyi. Mdumbuye yake yedumbwo mondu chando shilechiwa isonjokoṟa chando tsilechiwa ihesho chandu kuikuṟehie.

1TIMOTEO 6:16

Nao amonyi akaa elechipfa aitsinda ipfo senyi ilechiwa ida. Kwipfo mndu o wandu alembonapfo ma kwipfo echiidima imbonapfo. Kiṟumi kicha na wuitoṟi wo mlungana shii shake. Amenyi.