KOHELETI 5:8 - Bibilia Kui Mdedie fo Kimochi

⁸ Ma chando uwonyi mkiwa aiwonyio, na mwanduye na wulohi ifurunjo kui kinyala kya kihongo, kulaṟihisho nyi isho kipfa, Ai huye kota wai huye naambuya, Kuwode sa wai huye kota iwo.

KOHELETI 5:8 ပူးပေါင်းရင်းမြစ်များ

2MBONYI TSA MAHERI 26:10

Nalewesungusia na mnaṟa ingi injitumuhaṟe shihongonyi sha nuka, na isuma maṟungu ha mṟinga hafoi, kipfa nawewode shuma shifoi shihongonyi sha kundu kukuirie na kundu kui rendewele. Kipfa kya ili awekundi mnu maṟunda ha madema, nalewia wandu wechiwemba wakadema msabibu kundu ko oruka sa kukuirie na idema kundu kuwode teri injionyishe nyi mbosha.

YOBU 24:23

Kawainenga olele wakasia nalo moo; na meso hake hakakaa huya njia tsawo.

SHIIMBO SHA DAWIDI 12:5

Kipfa kya iwonyio lya wafafa, Kipfa kya isumkia lya wahuṟi, Wulalu njechihoṟoka; Mndumii ahamba, Njechiringa ichu waimpiṟa.

SHIIMBO SHA DAWIDI 55:9

Hoi mndumii, warumatse, fanyitsa njolimi tsawo; kipfa njiwonyi mbaka na wuṟiingi ipfo mṟinyi, na mwamko fo wuṟiingi kiidi kya mṟi.

SHIIMBO SHA DAWIDI 82:1

Ruwa ahoṟoka kiidi kya kituṟu kya Ruwa; makidi hawi ha maruwa naianduya.

SHIIMBO SHA DAWIDI 83:18

Wamanye ke iyo, okelaho rina lyapfo Mndumii-Ruwa, nyi iyo kumonyi ui huye, huye ya wuyana wose.

SHIIMBO SHA DAWIDI 95:3

Kyamba Mndumii nyi Ruwa ang'anyi, na Mangi ang'anye huye ya maruwa hose.

MFANANO 22:16

Icho ekewonyia wakiwa kundu naengeṟe masaa hake, Na ichu moinengya msuṟi, nechilya wukiwa.

MFANANO 24:12

Kochihamba, so luweichi isho pfo, Ngesa icho mohesha mrima chio aichi? Na icho moringa mrima fopfo chio aweichi? Ngesa echitaa mndu king'ang'anyi na iṟunda lyake?

MFANANO 8:17

Njikundi walya wanjikundi, Na walya wechinjishiha mnu na mrima wechinjiwona

KOHELETI 3:16

Ngoseṟa ya isho ngawewona se handu ha mwaanduye kuwode ho deko, na handu ha lohi kuwode iwonyio.

KOHELETI 4:1

Kyasia ngawona mbonyi tsilawode wuhendeli, shose shekewutika kunu orukenyi, mchenyeṟe ya iwo walewonyio, walawewode mowaadanyia wukiwa na ora lo walya walewonyia kuwewode pfinya indi kuwode mowasaṟia pfo.

KOHELETI 5:9

Kyaindi hamu na isho, kiira kya oruka nyi mangi eketambahanyia mnu wasoṟo wake kipfa kya dema.

KOHELETI 7:7

Nyi lohi wulang'a woketondosha ulya mṟango, Na itsutsuma lyikanyamaṟa imanya.

KOHELETI 8:9

Isho shose ndeshiwona, ngawika mrima foko kiidi kya orio iṟunda wanda ya mnengeṟi. Kuwode kiheri mndu awode pfinya huye ya manomae indi nyi kui wukiwa woke.

YESAYA 10:12

Kyasia, kechiwa Mndumii kameinutsia iṟunda lyake lyose huya fumvu lya Sioni na huya Yerusalemu, njechikapa ndunda tsa orikiki tsa mrima fo mangi o Ashuru na ikushela lya meso hake.

YESAYA 3:15

Ili lyahamba ki, nyo iwonyia wandu wako, na ipoṟipotsa shamu sha wakiwa? Njiwesa Inyi Mndumii menyi Matoṟito.

YESAYA 37:36

Kyasia malaika o Mndumii kakure, kawaha wandu shiku ihana na makumi nyanya na watanu (185) handu kuwei cha handu hesia moo ko Waashuru, ngamenyi kiheri walekure otuko, ate iwo wose wawei mnying'a.

YESAYA 5:7

Kipfa mdemi fo msabibu, fo Mndumii menyi Matorito nyi mba ya Israeli na wandu wa Yuda, ni njana yake sa ncha, kalanga iwona mwanduye fo lohi, ate nalewona iwonyia; kalanga iwona lohi, ate kaicho kilio.

YESAYA 57:15

Kipfa ichu ai huye amng'anyishe, mokaa mlungana; ichu amlahe Mwele nahamba adi, “Njekekaa handu hakuirie, haele, hamu na ichu akunyiiṟie mrima na idumbuya, kundu njiṟutse ngoo tsa walya wakunyiiṟie na mrima ya walya waledumbuya.”

EZEKIELI 18:18

Kyaindi ndee oke, ichu aleiwa, kawesoka wandu masaa hawo, kawewa mowuta mawicho kiidi kya mkambo, nechihenda ipfa kipfa kya njonyamaṟo tso tsake awewutie.

AMOSI 5:12

Kipfa njiichi chando mawicho hanu hafoi, na chando wunyamaṟi wonu wung'anyi; nyo mokewonyia wenyi wusumhanyi, mokeambya shetsutsuma, na ihaluo walya wahuṟi oo mongonyi walawone kilya kiwasumhanyi.

AMOSI 6:12

Alewo! Frasi wewikya mteeṟa huya iṟaṟa Alewo! Mndu nechiidima idema na ikumbi lyekekuruo nyi mbe mṟingenyi? Wulalu mohaluo kilya kisumhanyi kipfuṟi na ndunda tsa wulohi tsikawawa.

MIKA 2:9

Mukafuna waka wa wandu wako, wawuke mbenyi tsawo njicha. Mkasoka wana wawo kiṟumi kyawo mlungana.

ZEKARIA 8:6

Mndumii menyi Matorito nahamba, “Ma chando idedo lyi lyilyiumu na ilyimanya ko wandu wa watsuhee ngesa lyiweuma na koko daa?

MALAKI 3:5

“Njechicha njimuanduye; njechiwa mṟingishi mwaangu kipfa kya wasawi, na waṟuhui, na welya nyamu tsa wongo, na ichu mowonyia ichu amdambikie iṟunda lya wueri wuliwe, kipfa kya wueri woke, na walya wekewonyia wangoeda na idetsa lohi ya mndu mhenu, manya walanjiowuo inyi Mndumii menyi.” Matoṟito ahamba.

LUKA 1:32

Nao nyi echikaa nawe mndu ang'anyi, nawelaho nyi ai mana o ichu ai huye ya shindo shose, na Mndumii-Ruwa nyi echimnenga kitima kya wumangi kya ndee Dawidi.

LUKA 1:35

Malaika kahaluo kambia, “Nyi Mumuyo Mwele echikusokia ipfo huye yapfo, na pfinia ya ichu ai huye ya shose nyi yechikuwikia mṟishe. Kyainenga kilya kyekaa kifeo kilaho nyi kyele, kii Mana o Ruwa.

LUKA 1:76

Na iyo mkoku nyi ochikaa nolaho nyi ui mdedi o ichu ai huye ya shose; kipfa nyi ochisonguo ipfo mbele ya Mndumii, nohende kochisungusia njia tsake.

MAWUTO HA WASU 12:23

Oweṟe cha ili malaika o Mndumii kamkapa nyi ili indi alalewikya Ruwa kiṟumi. Kalio nyi mashinu ai na moo kapfa.

WAROMA 11:33

Apa wuleshe wo wusuṟi wo Ruwa na wo wuṟango woke na wulaanyi. Mdumbuye yake yedumbwo mondu chando shilechiwa isonjokoṟa chando tsilechiwa ihesho chandu kuikuṟehie.

YAKOBO 2:13

Kyamba mndu alekesaṟya, mdumbuye ii yechimhoya inletsane na isaṟia. Isaṟia lyashika iwikyo kiṟumi na ipfo mdumbuyenyi.

1PETRO 4:12

Nyo mui wakunde, ma mulaṟihisho nyi wuhyu wulya woaka konu wochimhesha cha ili wombiia wuhenu.

1YOHANE 3:13

Wanawawama, ma mulaṟihio ili wuyana-wu womsuo.