KOHELETI 5:4 - Bibilia Kui Mdedie fo Kimochi

⁴ Iyo kowikia Ruwa kyaasa kulakeleo ikiwuta, kipfa o ekechihiṟo nyi masembo-pfo; koikyo wuta ikyo ulewika kyaasa.

KOHELETI 5:4 ပူးပေါင်းရင်းမြစ်များ

MAWOOKIONYI 28:20

Yakobo kawika kiasa kechihamba, kokoya Ruwa akaa na inyi, kanjiringa ipfo njienyi handu njiida, na injiinenga kelya njilye, na nguo tseṟaa

MAWOOKIONYI 35:1

Ruwa kawia Yakobo, “Kure, nohende Betheli nokaepfo; nokesungusiapfo rasio lya Ruwa; ichu alekuwonekia kiheri kuledicha mano mayo Esau.”

MAWOOKIONYI 35:3

Lukaure, ludo luhende Betheli, na inyi njisungusiepfo rasio lya Ruwa; icho alenjiadanyia kiheri kya wukiwa woko, kakaa hamu na inyi orio handu njileida hose.”

SHIIMBO SHA DAWIDI 116:14

Njechiawutsia shaasa shako ko Mndumii. Ee da, oshangunyi lo wandu wake wose.

SHIIMBO SHA DAWIDI 119:106

Njilelya nyamu na inyi njechiiawutsia, iwada mdumbuye ya wusumhanyi wopfo.

SHIIMBO SHA DAWIDI 22:25

Kopfo nyi kuwukiepfo kiṟumi kyako, Kiidi kya kisanzyo king'anyi Njechiawutsia shiasa shako, Oshangunyi lo iwo wekyemwindia.

SHIIMBO SHA DAWIDI 50:14

Inenga Ruwa shidaso sheana; Inutsia kyaasa kyapfo ko icho Ai huye.

SHIIMBO SHA DAWIDI 76:11

Wikenyi kyasa; na ikiawutsia; ko Mndumii-Ruwa onu. Wose wamṟingichie wamwendie shienengo; icho awaṟi wamwowuo.

MFANANO 20:25

Nyi mdeho, mndu nahambe wodima-dima, kindo-ki kikiele, Kamewika-ho kyaasa nawese-wese mbonyi.

YESAYA 19:21

Na Mndumii nechimanyika ko Misri na Wamisri wechimanya Mndumii kiidi kya mkonu fo; ee da, wechimṟundia kui shidaso na mwano, nawo wechiwikia Mndumii shiasa na ishiinutsia.

YONA 2:9

Indi inyi njechikuwutia mwaano kui ṟu lyeana; Njechiawutsiaho shaasa shako shose. Okiṟo luwukie ko Mndumii.’”

MALAKI 1:10

“Nanga kokoya kuwewode mndu moshinga mongo; mulache iatsa modo fo wulya kitaṟenyi kyako kedasia! Njimchihie kyanupfo, manya shidaso shawuka mawokonyi hanupfo, Mndumii Menyi Matoṟito ahamba.

MAITALA 30:2

‘Mndu kawika kyasa ko Mndumii-Ruwa ang'u kateṟia kindo keinenga Mndumii-Ruwa kui ilya nyamu na ikuotoya mrimenyi foke kya kiteṟio, kimbaṟi naawutsie kyasakyo kyake;’

MATAYO 5:33

“Mbeichuo walya wa kacha nyi walewio, kulawone kochilya nyamu tsa wongo, indi kuwode kindo uteṟie Ruwa kui nyamu, wuta kudo tichi.

WAEBRANIA 10:6

Shiaalo shikoṟe na shidaso sheoloṟa wunyamaṟi shiwekuchihiṟyepfo.

WACHILI 11:35

Yeftha kekimbona karanduo nguwo tsake amsokie nyi fowa kahamba, “Mana oko o kika! Nonjifunja mrima. Iyo nowa mawokioonyi hang'anyi ha matuuro hako. Ngamelyiia Mndumii-Ruwa nyamu na inyi njechiidima itehia nyamu yo pfo.”